Juan 13:36 - Nuevo Testamento Toba Maskoy

³⁶ Netamen Simon Pedro apkenmalhnengka lhta Jesús, lhta aptak: —Apveske, ¿ko la apmak'akha emhangkok lheiap, he? —lhta aptak. Ka apkatemmongka lhta Jesús, lhta aptak: —Mankapvankek heieplakhak lheiap kolhvave nak asmak'akha nak amhangkok, alhaiek hata nhan emhangkok lheiap ma'a —lhta aptak Jesús.

Juan 13:36 Referans Kwoze

2 Pedro 1:14

Apveske engankok Jesucristo apiangveskeskaiakmok evalhok nkanketkek angvetsepok hata aieniekhak hata asiokha nak,

Juan 13:33

Ketlhengkap eietkak apketkok askellamelaiam, ketse nkaimelhkak astaqhekhelha, helketmok hata, manghelvetekhek hato ka, melvomek hata nhan asmak'akha nak amhangkok. Ka askeleltennaso nak ketlhengkap, askeleltennaske lhta nhan apkelemhama apmaniaie' nak judios.

Juan 16:17

Ka apkelpaqmetkesakpo lhta mok apankave apkeltamesaikamok ma'a, lhta aptangkok: —¿Se lha aplheno nak Jesús ke, he? Aplhengkek lhek ketsek nkaimelhkak aknem mangelvetekhek hata ennengko'o m'a ngkanek eniakhak hata m'a apnakha Eniapom anak, koka netamen na lhta tep atketsek ma'a angelvetekhak hata mokhom. ¡Mangeliohok aktakha nak aplheianma! —lhta aptangkok ma'a.

Juan 14:2

Avanhe lhma apnakha Tata, aniakhak hata ko'o m'a alpeneskasok hata apkakhaiangkelha ketlhengkap ma'a, have niapak ankek ma'a. Netamen avatamok hato ka mokhom kakpota alaqlosengvatak ketlhengkap ham, hata angaqhengvakhak ma'a.

Juan 16:5

Kolhva koka ataqhok hata mokhom apnakha apto heiapaskama, ma nak helelmalhnema ketlhengkap asmak'akha amhangkok,