Juan 12:38 - Nuevo Testamento Toba Maskoy

³⁸ Apkelientemongkeskamavek nak nanek aplheianma apkeltennasemmap ania'a Isaias annenga ngkotnek hata akvetammalhka m'a, lhnak na ne ntemak ania'a: «Apveske, ¿se lha enenlhet mei'askame ania'a netlheianma nak, he? ¿Se lha nhan enenlhet apvet'o aniem'o apvetaskeskama Apveske apmopvana apankek, he?» lhna ntemak ania'a.

Juan 12:38 Referans Kwoze

Romanos 10:16

Koka have aplhamakho apkelleliehekho ania'a aktaqmanma, lhna ntemak na aktalhesammalhka vakkahak Isaias: «Apveske, apkanetek enenlhet aptaikamok meliaskeiam aktemakha netlheianma», lhna aptemak apkeltennasemmap ania'a Isaias.

Romanos 10:20

Lhnak na nek na aptemak Isaias metka apkai'a: «Helvetakhe lhta apkellelto nak manghelketansema, askelvetaskesalhke lhta nhan ehenke' apkellelto nak melelmalhnengvaiam alhma asvesai'a»

1 Corintios 1:24

Koka nengelelto nak hengellavekama Eniapom Neten, judios kanhan griegos, neliavek aktaqmanma nke nak apeneskamo lhta apmak'akha etnek Eniapom Neten, apkapaskama Cristo kakpota enietsepok neten iamet aktenneskama, ntemenke lhta m'a aniem'o apmopvana m'a.

Juan 19:24

Lhta aptangkok apkelpaqmetkesakpo mok apankavek ma'a: —Mongeliaptanke ta hengke'e, ntase ta annaktevasangkok nennaqtevaskama nemmapseive' kakpota apto apnaqsepma, esakhak ma'a —lhta aptangkok ma'a. Ngvakme lhta aknem aktemakha lhnak na nek aklheianma Eniapom Neten apaivoma vakkahak, lhnak nane ntemak: «Apkennaskesakpek askelentalhnema, apnaqtevasengkek na nennaqtevaskama nemmapseive' askaqlammalhka» lhna ntemak.

Juan 17:12

Neksa asnema hengke'e apieseksek anak, askenmeiavkek mota akieplomo asiennaktema lheiap alhta heiaikamok. Mamma lhema aplheneiam la'a, vanlha koka apto atka henlhenengkeskama, ka aktemo nak nema alientemongkeskamo aklhenammalhka Eniapom Neten apaivoma.

Juan 15:25

Koka heng lhamakho aktakha nak askaniemhaikama asvetai'a, ka akietno nak na aktalhesammalhka ley Eniapom Neten, ka ntemak ma'a: «Heltaknevakke' enenlhet metkelho astakha» ka ntemak ma'a aktalhesammalhka.

Juan 12:37

Ma lhta ntek apkellanai'a qaselha mongenatkeskama Jesús napaqtavek enenlhet'avok ma'a, nheklhek koka apkeliaskeiam ma'a.

Juan 12:39

Ka nkeniemai'ak enenlhet'avok apkeliaskeiakmo nak Jesús ma'a, aktemo nhan aklheianma aptalheskama lhnak nanek Isaias, lhna aptemak: