Juan 12:26 - Nuevo Testamento Toba Maskoy

²⁶ Apkenmak'ak hata nkek etnangkok askellasennaikama, nkaimelhkek helieploma asmangkelha la'a, alhelhma koka motaha. Ko'o Tata ta nhan eltemeskasangkok neten apankavek ma'a.

Juan 12:26 Referans Kwoze

Galatas 1:10

Motenia ko'o allekkasekama la apvalho'ok enenlhet hellanhoho, vanlha koka m'a asteniai'o nkollekkasama apvalhok Eniapom Neten. Ka astenio la ko'o nkollekok apvalho'ok enenlhet hellanei'o, nkomaskok hata asto hennenkasekama Cristo.

Colosenses 3:24

Apkeliavek ketlhengkap ellangkok hata Eniapom Neten lhema qaselha apeneskamo akianmoma m'a ngkanek ketlhengkap apkellelto apkellasennaikama Cristo apto apveske.

Romanos 1:1

Ko'o Pablo, heiasennaikama Cristo Jesús, nketlhenkek evalhok ketlhengkap ham. Heliekieskama lhta Eniapom Neten kakpota atnek heiapaskama mota apaiaksek ania'a aktaqmanma apankok ma'a.

Juan 17:24

Eniapom, lheiap alhta hellaikamok kakpota altakmelkesek helieplekama nak, askeltavek na eniakhengvomok asnakhelha ta ko'o kakpota elvetak asmopvana heiaiangko lhta tep nak nanek lheiap, metkelha qaselha lhma nkek ham, heiaiangkek nak nanek lheiap ma'a aniem'o heiamelaiam.

Juan 10:27

Nepkesek ehenko'ok la'a apkeliekpelkavek aspaioma, helieplakhek nahan, askeliekpelkavek na ko lha m'a.

2 Corintios 5:8

mongeliaskeiakmok ennengko'o m'a. Ka nkanek nenmak'a niekhe angelieniekhak neliokha nak kakpota angenmangkok ma'a angaqhengvomhok lheme Apveske m'a.

Judas 1:1

Ko'o Judas, Santiago nhan apialheng ko'o, asto nhan heiasennaikama Jesucristo. Nlhenkek evalhok apkellelto apkeliekieskama Eniapom Neten aniem'o apkellamelaiam, apkellelto nhan apkeltakmelkeskama m'a Jesucristo.

1 Juan 5:3

Hai, nengasekhai'o Eniapom Neten aniem'o neleliehekhok hengellanemakha nak antangkok ma'a, nkelhievak'ave na ngkotnek apkanemakha apanke nak ma'a

2 Pedro 1:1

Ko'o Simon Pedro asto heiapaskama kanhan heiasennaikama Jesucristo, nlhenkek evalhok aplhamakho apketlhevai'a nak mangiaskeiam aktaqmanma nke', ka kto nak ennengko'o aniem'o nak Eniapom Neten kanhan Jesucristo apto apeivomo kanhan hengelvongkeskama tep.

2 Corintios 4:5

Mangeleltennasengkok enganko'ok engankavek ennengko'o napaqtavek enenlhet la'a, neleltennaskek koka apvesai'a Jesucristo apto Apveske aniem'o nhan nengellamelaiam ma'a, ka ngkanek nentaiangko nhan malha apkellasennaikama apankok nema apkelianmoma nak ketlhengkap.

Romanos 14:18

Enenlhet apto la apkelanai'a lhamakho qaselha nak koka apto apiamolhma apkasennaikama Eniapom Neten, nlekavek apvalhok ma'a, enmankok na takha enenlhet'avok ma'a.

Juan 15:20

Kotlheianvakho no apvalho'ok astakha lhta askellano, nema asennaikama nak have apto neten apankek apveske apankok. Heliaqmasema lhta ko'o enenlhet, hata nhan ngkotnek ketlhengkap ma'a. Koka moklhem'a lhta nhan apkelleliehekho lhta aspaioma, eleliehekhok hata nhan aptangkolha la apketlhekmosekamok ketlhengkap ma'a.

Lucas 6:46

Lhnak aptemak mokhom Jesús: —Ketlhengkap heleltangko mota, "¡Apveske, Apveske!" Koka aqhemo m'a, mangheleliehekhoho.

Filipenses 1:23

Nientelhek ankek angeliekiaksek ma'a, askeltave niekhe angvetsepok kakpota amhangkok ma'a alhnemok napokha Cristo, koka m'a neten ankek aktaqmanma.

Juan 13:16

Have niapak ankek nema annengkasekama nak have apto neten apankek apveske apankok, nnavek na nema apaskama nak have apto neten apankek apto apkapaskama.

Lucas 9:23

Lhna aptemak na Jesús apkellanemo aplhamakho enenlhet'avok ma'a: —Apmak'o la enenlhet etnek heieplekama nkaimelhkek metnek apmak'akha la etnehek, epatmekhak na akientalhnema malha iamet aktenneskama apankok lhamakho aknem kakpota heieploma ko'o.

Apocalipsis 14:4

Apkellelto lhta nhan metka apkelpaisengkeskama apkeliokha menmangveiam na ngkelvana, metka nhan apkellanei'o ngkelvana. Vanlha lhta mota apkelieplekama Nepkesek Apketkok apmangkolha la'a. Apkellelto lhta nhan nema alvongkeskama tep apieseksek enenlhet'avok kakpota nhan malha apkenmesemmakpo apankavek apkeliokho Eniapom Neten kakpota nhan Nepkesek Apketkok. Malha kto nak qaselha nenmeskama amanie nak nenvetai'a nentoskama kanhan akielhna.

Colosenses 4:12

Apkapaskek na aklheianma apvalhok Epafras apto nhan apaivomolhema nak ketlhengkap, apto nhan apkasennaikama Cristo Jesús, vanlha mota apaqmetkeskama apkapiosekama Eniapom Neten kakpota eliennak akiokho nkek ketlhengkap apkelieplavkeskama apmahai'elha m'a.

Juan 21:22

Ka apkatemmongka lhta Jesús ma'a, lhta aptak: —Askelto la niekhe eloka mokhom enenlhet anak akvakmo asvaktamo ta, mankoietok lheiap eihok ma'a, lheiap koka heieplomaha —lhta aptak Jesús.

Juan 14:15

—Lhta hellasekho la niekhe ketlhengkap, eleliehekho lhta nhan henganemakha ehenkok anak.

Marcos 8:34

Ka apkellaveiangka lhnak Jesús apkeltamesaikamok kakpota nhan enenlhet'avok, lhnak aptemak apkellanemo: —Enenlhet akleko la apvalhok etnehek heieplekamaha, nkaimelhkek metnek apmak'akha la etnehek. Epatmekhak na malha iamet aktenneskama apankok, heieploma nhan ko'o.

Lucas 12:37

Hata apvaktamo ta m'a, aktaqmelakho nke ta nkotnek apkellelto metka apnaqteianma aniem'o apkelel·halhnekama apveske apanko'ok. Ellavak hata nhan ma'a kakpota elpasengvomok aptavekha m'a, kakpota ellangkok na apanke aptekamok.