Juan 10:32 - Nuevo Testamento Toba Maskoy

³² Koka lhta aptak Jesús apkellano: —Apkelvetai'ak ketlhengkap askellanai'a qaselha aktaqmanma aniem'o apmopvana Tata, ¿se lha ntak apkenmak'o nak hellaqhek, he? —lhta aptak.

Juan 10:32 Referans Kwoze

1 Juan 3:12

Metnamo nkek na aktemakha lhnak nanek Cain, aniem'o lhnak nanek akmaikama keliaqhameio m'a akvakmo apkaqhekho lhnak apialheng apankek ma'a. Apkelanai'a mota ngkollatsekama, melhnok ma'a aptemakha apialheng vanlha lhnak nane mota apkelanai'a akpeivomo.

Hechos 10:38

Ka aptemo lhta malha apiangkanma Eniapom Neten takhaplhet Jesús ko Nazaret Espíritu Santo m'a kanhan apmopvana. Apto lhta nhan apkeltakmelkeskaiam apkellelto anmaikama aveske keliaqhameio', apkelanei'o lhta nhan aktaqmanma aniem'o aplhelhma mota Eniapom Neten.

Hechos 2:22

Ketlhengkap israelitas, eltaqmelkaso no mokhom apkellailhemo asmak'ak altennasangkok. Apkeliavek ketlhengkap Eniapom Neten nkeniem'ak ma'a apkelvetaskeskamo nak ketlhengkap apmopvana Jesús ko Nazaret, akiavai'a nhan apkellanai'a qaselha hempelapkeskama, qaselha mongenatkeskama nhan.

Juan 10:37

Ellailho no, koka ntase niekhe heliaskamok ma'a molan'o la lhamakho qaselha askelanai'a ko'o. Koka nlhamakmek qaselha altakmanma askelanai'a aniem'o Tata, alhnakho nkek na nengelvetaskeskama Eniapom kakpota nhan ko'o enlhema ennengko'o m'a —lhta aptak.

Juan 5:36

Helhenke lhta ko'o Juan napaqtavek ketlhengkap astemakha, kotlheianvom koka apvalho'ok apkelvet'ak lhamakho aktemakha aspeneskama lhta aniem'o apkeltemo Eniapom alanak, kakpota eliangvomhok asto heiapaskama Eniapom anak.

Juan 10:25

Ka apkatemmongka lhta Jesús ma'a, lhta aptak: —Askeleltennaske lhta niekhe ko'o m'a. Ka askelanai'a lhta lhamakho qaselha hempelapkeskama napaqtavek ketlhengkap aniem'o apmopvana Tata, apkelvetai'a niekhe iokhalhmek ankek ketlhengkap kakpota eliohok niekhe askeniem'akha m'a. Ketlhengkap heliaskakmek koka ngkanek na have nepkesek ehenko'ok.

Juan 10:31

Apkellavke lhta apkelemhama apmaniaie judios apkelleng'o m'a, nketlhengkaske lhta elienhek metaimong Jesús ma'a.

Juan 10:33

Ka apkellatemmongka lhta enenlhet'avok ma'a, lhta aptangkok: —Mongellelto ennengko'o angennapok aniem'o altaqmelo la qaselha sekhe lhta apkelanai'a, nengeltavek angellaqhek lheiap ngkanek aplhenakpe mota apankek apnemo Eniapom Neten, enenlhet apankek lheiap, aptevaskek na apvesai'a Eniapom Neten —lhta aptangkok.