Juan 10:27 - Nuevo Testamento Toba Maskoy

²⁷ Nepkesek ehenko'ok la'a apkeliekpelkavek aspaioma, helieplakhek nahan, askeliekpelkavek na ko lha m'a.

Juan 10:27 Referans Kwoze

Juan 10:16

Apiangkek na aplhamakha nepkesek apkelloka mo'ok nekha, alaqlosengvakhak hata nhan ma'a, heleliehekhok hata nhan ma'a, netamen angvankesekhak hata aplhamakho atnekhak lhema apienaktemakha, lhema aphapak na apto apkellanekama m'a.

Juan 10:14

Ko'o asto apvetep asiamolhma apanke', heiekpelkavek ko'o Eniapom, ko'o nhan asiekpelkavek ma'a, askeliekpelkavek na nepkesek asnaqtoskama la'a, heliekpelkavek na m'a, ntasek na angvetsepok neksa askellanekama m'a.

Apocalipsis 3:20

Asvenema ko akieto atong, heiailho la lhema enenlhet, emaiaksek na atong, aklhek hata m'a antavokhak hata lhemek ma'a.

1 Corintios 8:3

Enenlhet apto la apkasekhai'o Eniapom Neten, apiekpelkekma Eniapom Neten ma'a.

Hebreos 3:7

Ka nkeniemai'ak na ntasek angelleltakmelkaso angellailhok aktemakha aplheianma Espíritu Santo aktalhesammalhka Vakkahak Eniapom Neten apaivoma, ka aptemak hengke'e: «Apkelleng'o la Eniapom Neten apaivoma aknema anak,

Juan 5:25

Have niapak ankek astakha nak, ngva'ak aknem kolhvave nak apkellelto nak apkeletsepma elleng'ak hata apaivoma Eniapom Neten Apketka, ngkoitek hata nhan aptaikamok aphalhnanko'ok.

Juan 8:12

Lhta aptak mokhom Jesús apkellano enenlhet: —Ko'o asto malha apommatema apieseksek enenlhet'avok apkellokha la'a, apkellelto la helieplekama nkolhnangkok hata apommatema hengaikamok akiennaktema enneniek, melloka ta ienaqtesakha lhma —lhta aptak.

Galatas 4:9

koka kolhvave nak apkeliavek aptemakha m'a aniem'o apmahai'a apanke lhta etnek apkeliekpelkemo napaqtavek ketlhengkap ma'a. ¿Se lha ntemak na ketlhengkap apkeleliehekho nak mokhom qaselha neniava nak mangkoliennaktema, metka akmovana nhan, he? ¿Se lha ntemak na apkenmahai'o nak mokhom etnangkok allasennaikama ankok nema apkelianmoma, he?

Juan 10:8

Koka apkelvai'a lhta emanie ko'o, apkenmenielhma m'a, meliamolhma nhan ma'a ka ngkanek melieplakhek nepkesek ma'a.

Juan 12:26

Apkenmak'ak hata nkek etnangkok askellasennaikama, nkaimelhkek helieploma asmangkelha la'a, alhelhma koka motaha. Ko'o Tata ta nhan eltemeskasangkok neten apankavek ma'a.

Juan 8:43

Meliehek ketlhengkap aktakha nak alheianma ngkanek mankollekok apvalho'ok aktakha askeltennaikama.

Lucas 9:23

Lhna aptemak na Jesús apkellanemo aplhamakho enenlhet'avok ma'a: —Apmak'o la enenlhet etnek heieplekama nkaimelhkek metnek apmak'akha la etnehek, epatmekhak na akientalhnema malha iamet aktenneskama apankok lhamakho aknem kakpota heieploma ko'o.

2 Timoteo 2:19

Koka Eniapom Neten hengellaiangkek lhema iamet akiennaktema nkek, malha anengkasemmalhka nenpathetma la'a, akieplomo koka alkasemmalhka ntemak hengke'e: «Apkeliekpelkavek Apveske enenlhet apanko'ok la'a». Ka ntemak na mo'ok hengke'e: «Ntasek elieniekhak ngkolatsekama apkellelto nak apkellasennaikama Apveske».

Juan 21:22

Ka apkatemmongka lhta Jesús ma'a, lhta aptak: —Askelto la niekhe eloka mokhom enenlhet anak akvakmo asvaktamo ta, mankoietok lheiap eihok ma'a, lheiap koka heieplomaha —lhta aptak Jesús.

Lucas 13:27

Koka hata etnek ellana: "Enmeiakha m'a, melioholhma ketlhengkap, moliekpelkak", hata etnek apto apnemakha m'a.

Marcos 8:34

Ka apkellaveiangka lhnak Jesús apkeltamesaikamok kakpota nhan enenlhet'avok, lhnak aptemak apkellanemo: —Enenlhet akleko la apvalhok etnehek heieplekamaha, nkaimelhkek metnek apmak'akha la etnehek. Epatmekhak na malha iamet aktenneskama apankok, heieploma nhan ko'o.

Apocalipsis 14:4

Apkellelto lhta nhan metka apkelpaisengkeskama apkeliokha menmangveiam na ngkelvana, metka nhan apkellanei'o ngkelvana. Vanlha lhta mota apkelieplekama Nepkesek Apketkok apmangkolha la'a. Apkellelto lhta nhan nema alvongkeskama tep apieseksek enenlhet'avok kakpota nhan malha apkenmesemmakpo apankavek apkeliokho Eniapom Neten kakpota nhan Nepkesek Apketkok. Malha kto nak qaselha nenmeskama amanie nak nenvetai'a nentoskama kanhan akielhna.

Hechos 3:23

Koka apkellelto la meleliehekho m'a apkeltennasemmap ania'a nak ma'a, ngkolhek hata aktepkeso m'a nentema nennemolhema m'a", lhnak nanek aptemak Moises annenga.

Marcos 10:21

Apkelanei'avek nak Jesús apketkok anak, apkamelaiangka lhnak ma'a, lhna aptemak apkanemo: —Lhema qaselha nkaimelhkak elana', elieniav hata lhamakho apanko'ok anak, etenia ta akianmoma patakkom kakpota ellangkok metka nak apkelletsekama, kakpota heieplomaha'. Ka apto la m'a, ngkoitek hata ngkeskama qaselha apanko'ok anmennave m'a neten —lhna aptemak Jesús.