Juan 10:10 - Nuevo Testamento Toba Maskoy

¹⁰ Apkeliavek ketlhengkap apmenielhma nak vanlha mota apmahai'a emenielhek, kakpota nhan hengaqhek, hentevaksek nahan. Koka ko'o asva'ak kakpota allangkok aplhamakho aliennaktema apnenio'ok, lhamakho qaselha alaimommalhkelha la'a.

Juan 10:10 Referans Kwoze

Lucas 19:10

Apva'ak Enenlhet Apketka nak apkelketansema kanhan elvongkesek tep apkellelto nak apketlheneiam —lhna aptemak Jesús.

Juan 6:51

Ko'o asto nak pan apkeliennakteskama apnenio'ok apkeniem'o neten. Aptavengko la moklhem'a, nkolhnangkok hata aliennaktema apnenio'ok mangkotnengvaiam annelha. Asiokha nak askellaikamok malha pan kakpota nkolhnangkok aliennaktema apnenio'ok aplhamakho enenlhet'avok lhmankek ham —lhta aptak Jesús.

Juan 12:47

Asvai'o nak ko'o asmahai'a alvongkesek tep enenlhet'avok, have asmahai'a anaktevaksek meleliehekho la aspaioma.

Juan 6:33

Hai', koka apto pan ma'a apkellaikamok Eniapom Neten apvaiventamo nhan neten, eltemeskesek na aliennaktema apkellangiemhaikama enenlhet'avok lhmankek ham —lhta aptak Jesús.

Juan 3:17

Apkapaskek Apketka Eniapom Neten hengke'e nalhepop anak kakpota elvongkesek tep enenlhet'avok, have apmahai'a etlhenek apketselhnanemmap ma'a.

1 Timoteo 1:15

Kolhva smak'ak alhenek nkelietavek enmangkok takha aspaioma meliaskamek na aplhamakho ketlhengkap, apvai'o lhta Cristo Jesús nalhepop anak kakpota elvongkesek tep enenlhet'avok meleliehekho apkellaskamakha Eniapom Neten, ko'o nhan asto m'a neten ehenkek moliehekho, molhnok aplhamakho enenlhet'avok.

Juan 10:1

Lhta aptak mokhom Jesús: —Apkeliavek ketlhengkap apto la apmahai'a emenielhek nepkesek elietokhak nepkesek aplhankok anak.

Hebreos 7:25

Ka ngkanek apvankek na elvongkesek tep lhema aktema metka mokhom taiep apkellelto la apkelketansema m'a kakpota nhan elaqlakhak ma'a napaqtek Eniapom Neten apto mangkotnengvaiam annelha apkaniemhaikama m'a, vanlha mota apkeltennaskekha apkelvesai'a enenlhet napaqtek Eniapom Neten.

2 Pedro 1:11

Ka nkeniem'ak ma'a ntasek ankek hata ngkotnek apvaiam ma'a iokhalhma akieto nak aptemengvekhelha metka aktemongvaiam annelha Apveske engankok Jesucristo, apto nhan Henvonkeskama tep.

Hebreos 6:17

Lhnak nane nkeniemai'ak Eniapom Neten aptemeskesammakpo lhema apaivoma have niapak ankek apmahai'a elanak, elhenakpok apvesai'a apankek ma'a kakpota ngkotnek iokhalhmek ankek apketlhevaikamok qaselha m'a apeneskamo lhnak nanek aplheianma m'a. Metka nhan apiaqmongkasekha mo'ok aplheianma qaselhaha.

Romanos 2:21

Hai', apketlhekmosengkek po'ok ketlhengkap, koka melieplavkasak na ketlhengkap ma'a. Apketlhekmosengke mota po'ok menmenielhe', koka apkenmenielhme mota niekhe ketlhengkap.

Marcos 11:17

Lhnak aptemak Jesús apkellanemo enenlhet'avok ma': —Ka ntemak aktalhesammalhka vakkahak Eniapom Neten apaivoma hengke'e: «Ko snemakha ngkotnek hata akvesai'a apkelelmalhnongkomakha enenlhet'avok lhmankek ham». Ketlhengkap koka apkeltemeskasak apkakhaiangkolha enenlhet apkenmenielhma la'a —lhna aptemak.

Juan 12:6

Koka apmopvana ania'a lhta Judas aptakha apaivoma aplheianma m'a, ma lhta ellanei'ok metka apkelletsekama m'a. Apmenielhmek na lhta mota nekha atkok patakkom ma'a, apmakmekama lhta nhan apkellanekama patakkom Judas ma'a.

Juan 5:40

Man koka helketamak ketlhengkap kakpota allangkok aliennaktema apnenio'ok.

Juan 10:11

Ko'o asto nhan apvetep asiamolhma' apanke', ntasek ko'o angvetsepok neksa askellanekama.