Juan 1:45 - Nuevo Testamento Toba Maskoy

⁴⁵ Netamen apmeiakho lhnak Felipe apiantengvekho Natanael, lhna aptemak apkanemo: —¡Nelvetakhek lhek ennengko'o aklheianmo ley Moises anak kakpota nhan vakkahak apkeleltennasemmap ania'a annenga, Jesús ko Nazaret lhaiek, José apketka! —lhna aptemak Felipe.

Juan 1:45 Referans Kwoze

Lucas 24:27

Ka apkelpeiveskasekho lhnak Jesús aktemakha aktalhesammalhka Vakkahak Eniapom Neten Apaivoma aplhenammap Cristo, ampai'o lhnak nanek aktalhesammalhka ley Moises, ka amhaiangko nhan vakkahak apnaktalheskama lhnak nanek apkeleltennasemmap ania'a annenga.

Lucas 24:44

Netamen nak Jesús ma'a lhna aptemak apkellanemo mokhom: —Aktakha nak asvetammalhka ko'o, askeleltennaskangke lhta mota ketlhengkap, ntemengkek askaniemhaikama aklheianmo lhnak nanek ley Moises, apkeleltennasemmap ania'a annenga kakpota nhan vakkahak Salmo hetlheianma ko'o —lhna aptemak Jesús.

Lucas 4:22

Nkeliemaskangkek nak na apvalho'ok enenlhet ma'a, ntasek nak na apketlheianma aptemakha aktaqmanma qaselha aplheianma Jesús ma'a. Ka apkelpaqmetkesammakpo lhnak mok apankavek ma'a, lhna aptaiangkok: —¿Have nlho José apketka ham, he? —lhna aptaiangkok ma'a.

Juan 18:7

Ka apkelelmalhnengka lhta mokhom Jesús, lhta aptak: —¿Se lha enenlhet apkelketamo ie, he? —Jesús ko Nazaret —lhta aptangkok mokhom apkellatemmongka m'a.

Marcos 6:3

¡Ieee! Neliavek ennengko'o ha'e, asota apkellanai'a. María atka m'a, ka apkelialheng'a m'a Santiago, José, Judas kakpota nhan Simon, nkellomaka nhan apkelialheng'a hengke'e nellokha nak —lhna aptaiangkok enenlhet'avok. Mang na songkek enmaiangkok takha Jesús ma'a,

Hechos 22:8

Ka askatemmongka lhta m'a, lhta stak askano: "¿Se lha lheiap ke, Apveske?", lhta stak. Ka heiatemmongka lhta nema aliatekama m'a, lhta ntak: "Jesús ko Nazaret ko'o, heiaqmaseiangka nak lheiap", lhta ntak.

Hechos 10:38

Ka aptemo lhta malha apiangkanma Eniapom Neten takhaplhet Jesús ko Nazaret Espíritu Santo m'a kanhan apmopvana. Apto lhta nhan apkeltakmelkeskaiam apkellelto anmaikama aveske keliaqhameio', apkelanei'o lhta nhan aktaqmanma aniem'o aplhelhma mota Eniapom Neten.

Juan 21:2

Aploka lhta Pedro, kakpota nhan Tomas nema altema apqanet apalleiam, Natanael ko Cana akieto iokhalhma Galilea kakpota nhan apketkak Zebedeo, apqanet alhta nhan mokhom ma'a apkeltamesaikamok.

Lucas 2:4

Ka apteiapmo lhnak na José na temma Nazaret akieto iokhalhma Galilea, apmeiekho lhnak na temma Belen akieto iokhalhma Judea. Apteiaianlha lhnak na José m'a, kanhan aptema po'ok annenga apveske David.

Hechos 26:9

Lhennenga alhta nlheianmek evalhok lhamakho aktemakha asmak'akha atnehek anaktevaksek apkellelto meliaskeiam Jesús ko Nazaret.

Hechos 3:6

Koka lhna aptemak Pedro apkanemo: —Mamma ko'o patakkom kanhan oro, vanlha koka asmak'ak atnek angvana akieplomo apvesai'a Jesucristo ko Nazaret: ¡Etnemekha neten, elheng ma'a! —lhna aptemak Pedro.

Hechos 2:22

Ketlhengkap israelitas, eltaqmelkaso no mokhom apkellailhemo asmak'ak altennasangkok. Apkeliavek ketlhengkap Eniapom Neten nkeniem'ak ma'a apkelvetaskeskamo nak ketlhengkap apmopvana Jesús ko Nazaret, akiavai'a nhan apkellanai'a qaselha hempelapkeskama, qaselha mongenatkeskama nhan.

Juan 19:19

Apkeltave lhta Pilato ngkolhek alkaso lhema iamet akpaihema alkasemmalhka neten iamet aktenneskama akieto takhaplhet Jesús. Hanetolhem'a aktemakha nempaivoma, hebreo, latin, kakpota nhan griego, lhta ntak heng: Jesús ko Nazaret apiav'akha apveske apanko'ok judios, lhta ntemak aktalhesammalhka m'a. Ma lhta ntek enenlhet judios apkelietsatengke lhta nhan alqama m'a neksa apketlhengama m'a ngkanek nengaqte lhta apiav'akha temma.

Juan 18:5

—Jesús ko Nazaret nelketamak —lhta aptangkok apkellatemmongka. —Ko'o m'a —lhta aptak Jesús.

Juan 6:42

Lhta aptangkok ma'a: —¡Apmopvana ania'a apkeniem'o neten, neliavek ennengko'o Jesús ha'e, José apketka ham, neliavek na ngken! —lhta aptangkok.

Lucas 3:23

Ampai'akhasekha lhnak apketlhekmoskama Jesús ma'a, malha treinta iantelhkapa apankok kelhaha, José apketka lhnak ma'a. José apiapom nak Eli.

Lucas 2:48

Nkelpelapkeskangkek nak na ngkana'ak alvetai'o m'a, lhna ntemak anemo ngken: —¡Se lha ntak aptonak hengellano ennengko'o ie! Apiapom kakpota nhan ko'o mangkasak nelketansema lheiap, nkeltama nhan engelvalho'ok —lhna ntemak ma'a.

Juan 1:44

Ko Betsaida koka m'a Felipe, kanhan apkellavakha m'a Andres kakpota nhan Pedro.

Juan 6:5

Ka apkammelho lhta Jesús ma'a, ma lhta ntek enenlhet apketlheiam ma'a, apkenmalhnengka lhta Jesús Felipe, lhta aptak: —¿Ko la angvetangvomok nenmama la nentoma m'a aptekamok la enenlhet anak ha'e he? —lhta aptak Jesús.

Juan 6:7

Ka apkatemmongka lhta Felipe, lhta aptak: —Nkaqhok anmakmama 7 pelten la'a akianmoma patakkom, mankovakhek kakpota angellangkok ketsek la pan enenlhet'avok anak —lhta aptak ma'a.

Juan 12:21

Ka apkeltetesko lhta Felipe m'a ko Betsaida lhta m'a akieto iokhalhma Galilea, lhta aptangkok apkellano: —Nengelmak'avek angelvetak Jesús —lhta aptangkok.

Juan 14:8

Lhta aptak Felipe: —Apveske, hengelvetaskes no Eniapom, hato ka vanlha ngkotnek ma'a —lhta aptak.

Lucas 18:37

—Apiekak Jesús ko Nazaret hengke'e —lhna aptaiangkok enenlhet apkellatemmoiangka m'a.