Juan 1:43 - Nuevo Testamento Toba Maskoy

⁴³ Lhema aknem na ntemak akiekai'a m'a, Jesús apmahai'o lhnak eniakhak iokhalhma Galilea, apvetai'o lhnak Felipe m'a, lhna aptemak apkanemo: —¡Nok, heieplakha! —lhna aptemak.

Juan 1:43 Referans Kwoze

Juan 14:8

Lhta aptak Felipe: —Apveske, hengelvetaskes no Eniapom, hato ka vanlha ngkotnek ma'a —lhta aptak.

Juan 12:21

Ka apkeltetesko lhta Felipe m'a ko Betsaida lhta m'a akieto iokhalhma Galilea, lhta aptangkok apkellano: —Nengelmak'avek angelvetak Jesús —lhta aptangkok.

1 Juan 4:19

Nengellamelakmek ennengko'o Eniapom Neten ngkanek apmanie pankek hengellamelaiam ma'a.

Juan 6:5

Ka apkammelho lhta Jesús ma'a, ma lhta ntek enenlhet apketlheiam ma'a, apkenmalhnengka lhta Jesús Felipe, lhta aptak: —¿Ko la angvetangvomok nenmama la nentoma m'a aptekamok la enenlhet anak ha'e he? —lhta aptak Jesús.

Filipenses 3:12

Koka movakmok mokhom aktakha nnelha asavhongvaiakmo qaselha astakha lhkek askellano, mopenesak mokhom askelanekha astakha, koka nheklhek alhengkeskama kakpota alanekhak astakha ngkanek Cristo heliekieske lhta kakpota atnek aspenesammalhka.

Juan 1:28

Koka lhamakho akvetammalhka lhta qaselha m'a natemma akvesai'a Betania, akieto tep alvata Jordán, apkellavkeskamakha lhta iemmen enenlhet Juan ma'a.

Lucas 19:10

Apva'ak Enenlhet Apketka nak apkelketansema kanhan elvongkesek tep apkellelto nak apketlheneiam —lhna aptemak Jesús.

Juan 6:7

Ka apkatemmongka lhta Felipe, lhta aptak: —Nkaqhok anmakmama 7 pelten la'a akianmoma patakkom, mankovakhek kakpota angellangkok ketsek la pan enenlhet'avok anak —lhta aptak ma'a.

Juan 1:35

Lhema aknem alhta ntak akiekai'a m'a, apkakhengvakho lhta lheme Juan apqanet apkeltamesaikamok ma'a.

Juan 1:29

Lhema aknem alhta ntak akiekai'a m'a, apvet'o lhta Juan aplhekmo Jesús ma'a, lhta aptak apkellano enenlhet'avok: —Ellammelhono ha'e, aplhekmek apto Nepkesek Apketkok apkapaskama Eniapom Neten, apto apkel·hatsoskama ta malha akientalhnema apkelpatmekama enenlhet lhmankek ham aniem'o meleliehekho apkellaskamakha Eniapom Neten.

Juan 1:44

Ko Betsaida koka m'a Felipe, kanhan apkellavakha m'a Andres kakpota nhan Pedro.

Juan 2:11

Ka heng ampai'akhasekha lhta Jesús apkelanai'a qaselha mongenatkeskama kakpota elvetaskesek akietnema apmopvana. Ma lhta eliaskakmok apkeltamesaikamok ma'a.

Juan 1:37

Neksa apkellengai'a lhta apqanet apkeltamesaikamok aptemakha aplheianma Juan, apkelieplakho lhta Jesús ma'a.