Hechos 8:30 - Nuevo Testamento Toba Maskoy

³⁰ Apkasekhai'avek nak Felipe m'a, aplengai'o lhnak apkelietsatema vakkahak aptalheskama apkeltennasemmap ania'a Isaias annenga, lhnak aptemak apkenmalhneiangka: —¿Apiave nlho aktakha nak apkelietsatema lheiap, he? —lhna aptemak Felipe.

Hechos 8:30 Referans Kwoze

Juan 5:39

Apkeltakmelkasavek niekhe apkelietsatekamok Vakkahak Eniapom Neten Apaivoma ketlhengkap, ngketlheianmek apvalho'ok elvetangvomok hata m'a aliennaktema apnenio'ok mankotnengveianlha nnelha, koka helheianme' ko'o vakkahak anak aktalhesammalhka.

Efesios 5:17

Metnamo nkek na ketlhengkap malha metka apqatko'ok, elienlhanmamok koka eliangvomhok apkanemakha etnangkok Apveske.

1 Corintios 14:19

Koka asvakho la iglesia, ntasek aliekiaksek aliatamaha akiakvatema nempaivoma nke nak, have akto nak ma'a akvenaktema mo'ok nempaivoma nak mangioho.

Marcos 13:14

Apkelvet'ak hata nkek ketlhengkap nema akpekkanveiam qaselha ngkolatsekama nkek ma'a akieto nak manganemmalhkelha ampekkanvomok qaselha (nkaimelhkek nkoitek apkeliangveiakmo aptangko la apkelietsatekamok). Koka apkakhangko la enenlhet na temma Judea, ntasek hata enieniangkok enmankok akieto neten metaimong akhaiam akiavai'a.

Apocalipsis 13:18

Koka alqama lhta ankok kaselha nevhak nengai'o 666, koka alqama nak aniem'o m'a enenlhet. Nkaimelhkek ngkoitek nema neniamo engankek kakpota angelanekhak nelietsatekha alqama nak ma'a.

Hechos 8:27

Ka aplhengamo lhnak Felipe m'a, nalhet amai nak apkelvetammakpok lhema enenlhet nema alhakkeskama appopok apkemhama apmanie ko Etiopia. Apkeltakmelkeskama patakkom ankok nak akiav'akha aveske ko Etiopia, Jerusalen nak na apkempai'ak ma'a kakpota elteklheiok aptapno'ok, enialhentamok na kakpota eniahok Eniapom Neten ma'a.

Juan 4:34

Koka lhta aptak Jesús: —Askasekhai'o ko'o apto heiapaskama, apenaksek hata asmakmekama apkeltemo lhta alanak ma'a, koka malha astoma ko'o m'a.

Hechos 8:5

Felipe lhnoka apmaiangkok iokhalhma Samaria, ka apkeleltennaskeiakmo lhnak ania'a aplhenammap Cristo m'a.

Hechos 8:29

Koka lhna aptemak apkanemo Espíritu Felipe: —Eteteskakho no nekha koleto nak —lhna aptemak.

Hechos 8:31

—Ma, moihoho, mamma enenlhet helpeiveskasekha la'a —lhnak aptemak apkatemmoiangka m'a. Ka apkapioseiangka lhnak apkeltemo elhnemok lhemek neten koleto Felipe m'a,