Hechos 5:16 - Nuevo Testamento Toba Maskoy

¹⁶ Apkelletsekho lhnak na anmaska apiempeiok kakpota nhan aknaqtevaskama kasekapok av'alho'ok alpaiseiam apkelleniem'o apkellavakha aktakha nengaqtek Jerusalen, apkeltakmelekhek nak na aplhamakho m'a.

Hechos 5:16 Referans Kwoze

Santiago 5:16

Ka ngkanek na ntasek etlhenek moklhem'a apnaqtevaskama la po'ok apieseksek anak ketlhengkap ham. Elelmalhneskes hata nhan po'ok ham kakpota ngkolhek altakmelkeskakmo m'a neksa apkellengaiangko anmaska apiempeiok, ka enenlhet la apeivomo nietnek akmovana apkenmalhnongkoma.

Hechos 4:30

Elvetaskes hata apmopvana eltaqmelkeskamok anmaska apiempeiok enenlhet'avok, elanak qaselha mongenatkeskama kanhan qaselha hempelapkeskama akieplomo apvesai'a Jesús apto apokkanma apkasennaikama lheiap —lhna aptaiangkok apkelelmalhnongkomo m'a meliaskeiam.

Juan 14:12

Aniakhak hata ko'o akieto apnakha Eniapom, ka ngkanek apkellelto la mangheliaskeiam etnangkok hata aktemakha nak askelanai'a ko'o. Tep anke hata ngkotnek apkellanai'a qaselha m'a, have niapak ankek hata ngkotnek ma'a.

Lucas 9:11

Koka enenlhet'avok anak ma'a atlheianmo lhnak apvalho'ok apmeiekha Jesús Betsaida, kolhvavek ankek nak apkenmeiekhak ma'a. Apkenmangkek nak takha Jesús ma'a, ka apketlhekmoskamo ania'a aktemakha aptema apveske Eniapom Neten kakpota nhan apkeltaqmelkeskaiakmo lhnak na anmaska apiempeiok ma'a.

Lucas 5:17

Apnengkek nak Jesús lhema pa'at apketlhekmoskamo lhnak ma'a, apkakhaiangkek nak na moklhem'a fariseos, kakpota nhan hengetlhekmoskama ley ma'a, apkeleltemo lhnak ellailhangkok aktemakha apketlhekmoskama Jesús. Apkeleniemai'ak nak apiav'akha temma Galilea, Judea, kakpota nhan Jerusalen. Ka apkeltaqmelkeskaiakmo lhnak Jesús anmaska apiempeiok aniem'o apmopvana Apveske.

1 Corintios 12:9

Napokha nhan apketlhevangkok ngkeskama meliaskeiam, napokha nhan apketlhevangkok apkenmopvanka'a eltaqmelkeskamok anmaska apiempeiok aniem'o koka nhan ma'a nheklhek Espíritu lhkek.

Hechos 5:15

lhna songkek apkelpetkangvekho lhnak anmaska apiempeiok akieplomo nema altankeskama akieto amai apmak'akha eiekak Pedro, apkeleltemo akmak'akha la ngkotnek nkapvomok peskeska apankok ma'a.

Hechos 5:17

Avanhek ankek nak apkeliasepkeskama apiav'akha sacerdote kakpota nhan apketlhelhma'ak saduceos apkelvetai'o nema alapaskamo m'a,

Lucas 6:18

Ka apkeltaqmelkeskaiakmo lhnak ma'a apkellelto anmaikama kasekapo' av'alhok alpaiseiam.