Hechos 28:15 - Nuevo Testamento Toba Maskoy

¹⁵ Apkelleng'a lhta ania'a apkellelto engelialheng'a m'a nelvaiam ma'a, ka hengellanielhakmo lhta akieto nenmak'akha angelvomok iokhalhma Foro Apio kakpota nhan Tres Tabernas. Mpaihakhek lhta apvalhok Pablo apkelvet'o m'a, ka apto gracias Eniapom Neten, apiennakho nhan ma'a.

Hechos 28:15 Referans Kwoze

Hebreos 13:3

Elpasem hata nhan aplhatmommap anak kakpota nhan metka nak ngkolhek altakmelkaso, ketlhengkap hatelha nhan ngkotnek ma'a.

Romanos 15:24

asmeiakho ta España, neksa alhengama ta nalhet amai hatelha atnek amaika'a ketlhengkap ham, akiakvatakho toka. Nkopaihekha ta nhan evalhok apieseksek anak ham, askeltave niekhe nhan helpasmok hellangkok qaselha apanko'ok aimelhkelha la ko'o kakpota angvempekhok hatelha mokhom alhengama m'a.

Galatas 4:14

Malha aliasekamo lhma lhta ntemak nemmaskema ehenkok ketlhengkap ma'a, mokhom alhto ka heltaqmelkeskama m'a, mang na heltaknongkomak, henmankek takha malha stonak ángel Eniapom Neten la apkapaskama, malha niekhe nhan Cristo apanke'.

Hechos 21:5

Ka akvakmo lhta 7 aknem ma'a, nenmak'o lhta angetlhong mokhom, nelelto lhta nhan netlhelhma'ak aplhamakho meliaskeiam, apnaqteiangka'a nhan, kakpota nhan apketkak akieto iokhalhma apkellavakha nak ma'a nekha alvata. Nelelteklhengko lhta nhan entapno'ok nalhepop ma'a, nelelmalhno lhta Eniapom Neten ma'a.

Hechos 10:25

Neksa apvetai'a lhnak Cornelio aplheiam Pedro m'a, apketkaiangko apkellanielhaiangko lhnak ma'a, ka apkelteklheklhemo lhnak aptapno'ok lhepop napaqtek Pedro kakpota eniahok ma'a.

Juan 12:13

Kolhvavek anke lhta nhan apkeliaqtemenangkok alha ava' m'a, apkelentepke lhta na temma enenlhet'avok apkeltaniakme lhta m'a, apkelvenema lhta nhan, lhta aptangkok: —¡Hosana, ntasek anko ie, eletsevasoho, nema aktaqmelkeskeskama apkaniemhaikama hengke'e aplhekmo nak apkapaskama Apveske, apto nhan apiav'akha Apveske apanko'ok israel! —lhta aptangkok ma'a.

1 Tesalonicenses 3:7

Ketlhengkap elialheng'a, avanhe lhta apkelpaiesekha engelvalho'ok nelleng'o akiennaktema meliaskeiam, niekhe lhta akietnema mota akientalhnema nelvetai'a ennengko'o,

2 Corintios 2:14

Hai, gracias stak ko Eniapom Neten ngkanek hengeltemeskeskama hengeliephongveskaiakmo mota aniem'o nhan nelpasmekha Cristo, hengenmaiangka nhan kakpota angelpaiaksek ania'a aktaqmanma aplhenammap Cristo lhmankek ham. Ennengko'o nengelelto napaqtek Eniapom Neten malha aktonak akmases aimes la nentekhanma, akpaihekha lhmankek ham apieseksek apkellelto ta apkelvonkasemmap tep, apieseksek na apkellelto melvongkasemmap hata tep.

Hechos 1:15

Lhema knem na ntemak ma'a, apkelpaqmetkeskamo Pedro m'a apkellelto apkelialheng'a m'a, apkaknekhek nak malha 120 enenlhet'avok ma'a, lhna aptemak apkellanemo:

Hechos 10:23

Ka apkeltemo lhnak Pedro elentelhek konne pa'at enenlhet nema alapaskama kakpota enaqteiangvomok ma'a. Netamen nak ma'a atsai'o lhnak, apkeltaqhemo lhnak kakpota nhan Pedro kanhan moklhem'a apkelialheng'a apkellavakha m'a Jope.

Hechos 11:1

Apkellengai'ak nak ania'a nema allapaskamo kakpota nhan apkelialheng'a apkakhaiangko m'a Judea, apkenmaikamok nhan takha Eniapom Neten apaivoma metnangko nak judios.

Hechos 11:12

Espíritu alhta hepaqmetkasak apkeltemo atnek asketlhelhma'ak enenlhet alhta m'a, lhta nhan asketlhelhma'ak hengke'e 6 anak elialheng'a. Nelvakhe lhta nhan m'a akieto apnemakha lhema enenlhet, nelentalhno lhta nhan konne.

Hechos 12:17

Mok apophek nak aptemak Pedro apkeltemo elvanmak ma'a, ka apkeltennaiangka lhnak aktemakha aptepekha nengaqlhengkasemmalhkelha aniem'o apasmoma Apveske. Netamen lhnak aptemak apkellanemo: —Enmeiakha ta ha'e, eleltennaskakha ta ania'a Jacobo kakpota nhan po'ok apkelialheng'a —lhna aptemak. Ka apteiapmo lhnak konne pa'at Pedro m'a, aplhengamo.

Hechos 28:14

Ka nelvetangvakho lhta engelialheng'a m'a, apkellelto lhta angaqhangkok na sekhek lheme lhema semana m'a. Netamen nellempokho lhta mokhom netlhengama, nelvakho lhta apiav'akha temma Roma.