Hechos 27:29 - Nuevo Testamento Toba Maskoy

²⁹ Ka apkelienievo nemmen 4 tavapok aknaktetemmalhka' akieto ataqla' loma nemmen kakpota nkomangvomok ma'a, ngkanek mangkolatsema nkotiengvomok metaimong akietelha neiava'. Avanhe lhta neleltemo niekhe nkotsak ma'a.

Hechos 27:29 Referans Kwoze

Hechos 27:17

Netamen ma'a apkellakhetangko lhta apnaktetengko nalhet loma nemmen akiavai'a kakpota mankolentek ma'a. Apkellak'a lhta nhan nkasepvomok lhepop akiennaktema akheskaiam akvesai'a Sirtre konne iemmen ma'a. Ka apkeleivesakho lhta nhan carpa apaihema apiavai'a apielhnema neten takhalhet loma nemmen kakpota nkoihengankok alhkaiam akietelha akmangkolha alhkaiam.

Hebreos 6:19

Ka al·halhnekama engvalhok anak hentemeskaskek metka aktaikama engvalhok, malha aktonak tava apak akmaskeskama nak akievhekama loma nemmen la'a. Koka al·halhnekama engvalhok anak hengelentalhneksek hata m'a Eniapom Neten apnemakha akieto neten, tep ma'a ietamopai'a aphalhtemommap.

Hechos 27:30

Koka apkellelto lhta apkenmakmekama loma nemmen apkenmak'a lhta enieniangkok ma'a, ka apkellentepkaso lhta niekhek loma nemmen atkok nengvaiam tep ankok ma'a, apketlheno elienio'ok niekhe' nemmen tavapok aknaktetemmalhka' akieto avahek loma nemmen, apkenmopvana ania'a lhtoka, apkenmahai'a enieniangkok koka niekhe.

Hechos 27:26

Vanlha koka ntasek angelvetangvomok akiakiengveiam la lhepop iemmen nekhav'ak —lhta aptak Pablo m'a.

Hechos 27:28

Ka apkelieniantamo lhta tama nemmen apkelietkesangko akvanlha apmaptonne iemmen, 36 alietkesammalhka lhta m'a akmaptonne iemmen ma'a, ka netlhengo ketsek mokhom akieto neiava. Ka nelietkeso mokhom, nelvet'o 27 alietkesammalhka akmaptonne iemmen ma'a.