Hechos 26:20 - Nuevo Testamento Toba Maskoy

²⁰ Ka askeltennangka lhta nhan ania'a aktaqmanma amanie nkek ma'a natemma Damasco, netamen na apiav'akha temma Jerusalen kakpota nhan lhamakho aiempek iokhalhma Judea. Ka askeleltennaseiangko nhan metnangko nak judios eliaqmongkasekhak mo'ok apvalho'ok, elpengkamok na apvalho'ok ma'a akieto apnakha Eniapom Neten.

Hechos 26:20 Referans Kwoze

Hechos 3:19

Ntase kolhva eliaqmongkasekha mo'ok apvalho'ok ketlhengkap, elpengkamok na apvalho'ok akieto m'a apnakha Apveske, netamen hata m'a ngkolhek anmaskeskaso apkeltemakha ngkollatsekama.

Hechos 2:38

Ka apkatemmoiangka lhnak Pedro m'a, lhna aptemak: —Eliaqmongkasekha mo'ok apvalho'ok, elvatesamok apkeltemakha ngkollatsekama, elteniamok nema allavkeskama konne iemmen akieplomo apvesai'a Jesucristo. Netamen Eniapom Neten etnama ta apankek meleliehekho apkellaskamakha, kakpota ellangkok na metka akianmoma Espíritu Santo.

Apocalipsis 2:5

Kolheianvakho no apvalhok sekhek anke lhta avanhek ankek lhta heiamelaiam, eniempangvakho ta mokhom lheiap ma'a, ¡eiaqmongkasekha ta mokhom mo'ok apvalhok lheiap! Koka metno ta heng, anianta ta ham annaktengvatak hata alhva nema apommatkeskamakha nak.

Apocalipsis 3:3

¡Eiaqmongkasekha mo'ok apvalhok, kolheianvakho no apvalhok nema atlhekmoskama alhta aplhevai'a lheiap, eliehekho ta mokhom, el·halhnama ta mota! Ka metno la m'a, kotlapkesek hata avatak ham malha akto nak enenlhet la apmenielhma maniamo nak aknem evak ma'a.

Efesios 4:17

Kolhva asmak'ak atnek allana aktaqmanma nkek hengke'e akieplomo apvesai'a Apveske, ¡metnamo nkek ketlhengkap aptaiangkolha nak melioho nak Eniapom Neten! Apkelieplavkaske mota alietnaikama apaqto'ok nkolietemo m'a.

2 Corintios 7:10

Ntasek nkotaqmelkasok engvalho'ok nenvet'o la akmaoise nak envalhok aniem'o la Eniapom Neten, nkanek hengiaqmongkaskesakhek mo'ok engvalho'ok ma'a, angelvongkasalhkak hata nhan tep ma'a. Koka akmaiose nak envalhok aniem'o nak nalhepop hengaqhak ma'a.

1 Tesalonicenses 1:9

Apketlheianma apankavek na lhta nhan ketlhengkap ma'a hengenmaiangko takha aktaqmanma neksa nelvaiam alhta ham, ka apkelieniekho lhna lhta nhan qaselha akiokha la alanemmalhka, apkelelpengkaiakmo lhna lhta nhan apvalho'ok akieto apnakha Eniapom Neten apto menietsepma, apto nhan have niapak anke niapom ma'a. Ka apkelempai'akha lhna lhta nhan apkellasennaikama Eniapom Neten ma'a,

2 Corintios 3:16

Koka apkelelpengkakmo la apvalho'ok akieto apnakha Apveske, el·hatsoskasangkok na m'a apkelapkeskama napaqta'a ietamopai'a napokha.

Romanos 2:4

Mevannama lheiap akiavai'a nkek apiamolhma Eniapom Neten, mepekhaksek na etaknevak lheiap apkelan'o la qaselha ngkolatsekama. Hai', have niapak ankek apto apiamolhma apankek Eniapom Neten ma'a, apkeltavek eiaqmongkasekha mo'ok apvalhok lheiap, elvataksek na qaselha ngkolatsekama apkelanai'a.

Hechos 26:17

Avongkesek hata nhan tep lheiap apkenmak'o la enaqtevaksek judios kanhan metnangko nak judios. Kolhva koka angvapaksek hata apieseksek metnangko nak judios kakpota etlhekmosangkok ma'a.

Hechos 20:21

Askeliatengke lhta judios kakpota nhan metnangko nak judios askeltemo eliaqmongkasekhak mo'ok apvalho'ok napaqtek Eniapom Neten kakpota nhan meliaskame Apveske engankok Jesús.

Hechos 17:30

Malha metka apqatko'ok enenlhet'avok lhennenga, meliekpelkemak na Eniapom Neten, mang koka eliaqmongkaskesekhak aptaiangkolha meliamolhma m'a. Kolhva koka apkeltavek Eniapom Neten lhamakho enenlhet eliaqmongkasekhak mo'ok apvalho'ok ma'a.

Hechos 15:19

Ka ngkanek ko alhenek ntasek meliasangke lhma metnangko nak judios apkellelto lhta apkelelpengkaiam apvalho'ok akieto apnakha Eniapom Neten.

Hechos 11:18

Neksa apkellengai'a lhnak ma'a akmaskemo nhan apkeliamenammap Pedro m'a, apkeliavenkaskesaiangka lhnak apvesai'a Eniapom Neten ma'a, lhna aptaiangkok: —Neliavek kolhva ennengko'o apkenmamo takha Eniapom Neten enenlhet metnangko nak judios, apkeltavek na eliaqmongkasekhak mo'ok apvalho'ok ma'a kakpota ngkoitek aliennaktema apnenio'ok mankotnengvaianlha nnelha —lhnak aptaiangkok ma'a.

Hechos 9:35

Apkelvetai'o lhnak na enenlhet'avok ma'a ko Lida kakpota nhan ko Saron, ka apkelpengkaiakmo lhnak apvalho'ok akieto apnakha Apveske m'a.

Hechos 9:15

Koka lhnak aptemak mokhom Apveske apkanemo: —Eniakha ta panke, ko'o askeliekieskama m'a enenlhet anak kakpota elhenek asvesai'a apieseksek metnangko nak judios, kakpota nhan apieseksek apkeliav'akha apkelveskaie apanko'ok, kakpota nhan apieseksek israelitas.

Lucas 15:10

Nnavek na m'a ángeles apkellapaskama Eniapom Neten nkolpaihekhak hata apvalho'ok apiaqmongkasakho la mo'ok apvalhok lhema enenlhet apkelanai'a ngkollatsekama —lhna aptemak Jesús.

Lucas 15:7

Nnavek na m'a avanhek hata ngkotnek akpaihekha apvalhok neten anak apvet'o la lhema enenlhet apkelanai'a ngkollatsekama apiaqmongkasekha mo'ok apvalhok, aselhtek ma'a akpaihekha apvalhok apkellanei'o 99 enenlhet apkellelto apkelpeivomo metka alaimommalhka' nak apkeliaqmongkasekha mo'ok apvalho'ok ma'a —lhna aptemak Jesús.

Lucas 13:5

¡Koka have m'a! Ketlhengkap hata nhan eletsepok meliaqmongkasakho la mo'ok apvalho'ok —lhna aptemak Jesús apkellanemo.

Lucas 13:3

¡Koka have niekhe m'a! Ketlhengkap hata nhan eletsepok meliaqmongkasakho la mo'ok apvalho'ok.

Lucas 1:16

Eltok hata nhan enenlhet'avok ko israel elpengkamok apvalho'ok akieto apnakha Eniapom Neten Apveske apanko'ok ma'a.

Marcos 6:12

Ka apketlhengamo lhnak ma'a, apkeleltennaseiangka lhnak enenlhet'avok apkeleltemo eliaqmongkasekhak mo'ok apvalho'ok ma'a.

Apocalipsis 16:11

Apkeltaknevakke lhta nhan apvesai'a Eniapom neten aniem'o akiavai'a apkellengaiangko akientalhnema m'a, avanhek anke lhta nhan anmaska al'ok apanko'ok. Nheklhe lhtoka meliaqmongkasekhak mo'ok apvalho'ok aniem'o qaselha ngkollatsekama apkellanekamok ma'a.

Apocalipsis 2:21

Askangke lhta ko'o aknem askelailhema nkoiaqmongkasekha mo'ok av'alhok ma'a, koka mankomaskengvaiakmok akmahai'a nkomenso'ok m'a.

Hechos 26:19

Lhta ntak akvetai'a ehaqtek aniem'o neten Apveske Agripa, netamen askeliahakhave lhta nhan ma'a.