Hechos 25:7 - Nuevo Testamento Toba Maskoy

⁷ Apkelvekhek nak na m'a judios apkelleniem'o Jerusalen, apketlheianmo lhnak meihamolhma Pablo m'a, apkelanei'o nhan ngkolatsekama nkek, mannoka niekhe elvetaskeskamak iokhalhmek ankek apkelanai'a qaselha ngkolatsekama Pablo m'a.

Hechos 25:7 Referans Kwoze

Hechos 24:13

Ka enenlhet'avok anak mankollapvankek hetlhenek elvetaskesek na lheiap askelanai'a la qaselha ngkolatsekama ko'o m'a.

Hechos 25:24

lhnak aptemak Festo: —Apveske Agripa, kakpota nhan aplhamakho enenlhet'avok anak hengke'e, ¡ellailhono! Ka nke'e enenlhet anak askeleltennaso lhta, aplhanie lhta judios apketselhnanongkoma nehaqtek akieto m'a Jerusalen, kakpota nhan hengke'e na temma nak Cesarea, ma lhta ellasak apiapqalhengka apkeleltemo angvakhek.

Lucas 23:10

Apkakhaiangkek nak na m'a apkelveskai'e sacerdotes kakpota nhan escribas, apkellapekama lhnak apketlheianma Jesús meihamolhma.

Lucas 23:2

Apkeleltennaskamo lhnak meihamolhma Jesús napaqtek Pilato m'a, lhna aptaiangkok: —Apveske, nelvet'a lhta ennengko'o enenlhet anak apkeliaseiangko lhma' enenlhet'avok kakpota melianmonkesek impuesto ankok anak Roma, kakpota nhan aplhenammakpe panke apto Cristo kanhan apiav'akha apveske —lhna aptaiangkok ma'a.

Hechos 21:28

Ngkelpaihema lhta nhan apatno'ok, lhta aptangkok ma'a: —Enenlhet ko Israel, hengelvanengvata kakpota ampathetek enenlhet anak, malha apmaiangko lhma apketlhekmoseiangko lhamakho apkellavakha apkammelhekhek na nengavakha nak, ley engankok nahan, kakpota nhan Eniapom Neten apnemakha nak hengke'e. Apkellentalhneska'ak na griegos hengke'e, mangeltammalhkelha nak antangkok, aptevaskek na akto pa'at akpokkenammalhka nak —lhta aptangkok enenlhet'avok ma'a.

1 Tesalonicenses 2:16

Ma lhta nhan hengellaiangkoho angelpaiaksek ania'a aktaqmanma nenvongkasemmalhka tep apieseksek metnangko judios, koka m'a niaveiangke lhta nhan ngkollatsekama apkellanekamok, koka nkovak hata nhan akiavai'a nema aliaqmongkaskesekha apkeltemakha m'a.