Hechos 25:5 - Nuevo Testamento Toba Maskoy

⁵ Ntasek hata nhan atnangkok asketlhelhma'ak ketlhengkap ma'a kakpota etlhenek ngkolatsekama la apkelanai'a m'a —lhna aptemak Festo.

Hechos 25:5 Referans Kwoze

Hechos 25:25

Koka motai'ak ko'o aptemengveiakmo la lhma enenlhet anak kakpota nkoietok askaqhema la'a. Angvapaksek hata apnakha m'a apiav'akha apveske romano kakpota eiekpelkakpok ma'a ngkanek aptema apanke lhta nhan angvapaksek ma'a.

Hechos 25:16

Koka ennengko'o nengelelto apkelveskai'e romanos have nentaiangkolha angaqhek emmo'ok metka amanie apkasennammakpo pankek la aplheianma napaqtavek apkellelto la apkelpaieskama apvesai'a meihamolhma.

Hechos 24:8

Elmalhnamano lheiap kakpota epeivesekhoho akto have niapak ankek netlheno nak —lhna lhta aptema apkanemo.

Hechos 23:30

Asleng'ak lhek na ania'a apkenmahai'a ennapok Pablo m'a moklhem'a judios, ka ngkanek askapaso nak apnakha lheiap kakpota elanhok qaselha akvetammalhka. Askeleltennaskek lhek na judios apkellelto apketlheianma ngkolatsekama apkelanai'a Pablo, enmeiantak nahan napaqtek lheiap kakpota elpaqmetkesek ham. ¡Hai, ntasek hata ngkotnek apnema lheiap ham!

Hechos 18:14

Nietemavek nak apmahai'o eliata Pablo kakpota eniatemmoma aplhenammap, koka gobernador Galion lhna aptema apmanie: —Have akiav'o qaselha ngkolatsekama apkelanai'a enenlhet anak, mankaimelhkak atnek asiekpelkemo. Vanlha apketlhekmosengko mota mok apkelvesai'a kakpota nhan ley apanko'ok apankave nak ketlhengkap judios, ellanekha ta apankavek ketlhengkap, momak'ak ko atnek ma'a —lhna aptemak.

Hechos 25:4

Koka lhna aptemak Festo apkellanemo: —Apnek Pablo ma'a nenmammalhkelha akieto Cesarea, ketse nkaimelhkak ataqhok hata ko'o mokhom ma'a.

Hechos 25:6

Malha lhnak 8 nlho ka la 10 aknem apnema Festo m'a akieto Jerusalen, ka aptaqhemo lhnak mokhom neptamen akieto Cesarea. Mo'ok aknem na ntemak ma'a, apnekho akieto apkeliekpelkemelha aptaiangkolha enenlhet'avok ma'a, ka apkeltemo lhnak ngkolhek akiantemantamo Pablo napaqtek ma'a.