Hechos 25:11 - Nuevo Testamento Toba Maskoy

¹¹ Lhta sto la askelanai'a ngkolatsekama, nietavek angvetsepok, koka aptangko la apkenmopvanka ania'a hetlheianma enenlhet'avok anak, mankoieto lheiap hellangkongvomok ma'a. Askeltave ko'o hellapaksek napaqtek apiav'akha apveske romano kakpota heiekpelkok ma'a —lhna aptemak Pablo.

Hechos 25:11 Referans Kwoze

Hechos 28:19

Koka ma lhta elleltok apkelemhama apmaniaie judios ma'a, ka nkeniem'ak ma'a askeltemo ngkolhek heiantemantamo hengke'e napaqtek apveske Roma kakpota heliekpelkoho. Have asmahai'a alhenek ngkolatsekama askennemolhema napaqtek apveske Roma.

Hechos 26:32

Koka lhna aptemak Agripa apkanemo Festo: —Ntase niekhe epaqnemekhak enenlhet anak, mangapvankek koka ngkanek apkeltema apankek lhek eiekpelkok ma'a apveske Cesar —lhna aptemak ma'a.

Hechos 25:25

Koka motai'ak ko'o aptemengveiakmo la lhma enenlhet anak kakpota nkoietok askaqhema la'a. Angvapaksek hata apnakha m'a apiav'akha apveske romano kakpota eiekpelkakpok ma'a ngkanek aptema apanke lhta nhan angvapaksek ma'a.

Hechos 25:21

Apkeltave lhtoka Pablo eiekpelkok hata m'a aptemakha apto apiav'akha apveske Romano, ka askelto lhta elhek mokhom hengke'e nenmammalhkelha nak akvakmo aknem askapaso ta akieto Roma —lhna aptemak Festo.

1 Tesalonicenses 2:15

Ka judios alhta m'a apkennapmo lhta nhan apveske Jesús ma'a kanhan apkeleltennaskama ania'a apankok, ennengko'o lhta nhan hengelentepkeskamo apkellavakha apanke apiav'akha temma. Ma lhta nhan nkolleklemok apvalhok Eniapom Neten, vanlha lhta nhan apteniaikamok apkellammelhma.

Hechos 25:10

Ka apkatemmoiangka lhnak Pablo m'a, lhna aptemak: —Ka nietavek ankek ko'o ngkolhek heiekpelkok astemakha hengke'e akieto neniekpelkammalhkelha napaqte apiav'akha apveske romanos, ngkanek apiave lheiap mamma askelammelhma judios.

Hechos 22:25

Apkelpeneskangkek nak apnaktetema Pablo m'a, ka apkenmahai'o lhnak eleliaqpelhketama etekpong Pablo m'a, koka lhna aptemak Pablo: —¡Ellaielh sekhe! Romano ko'o, mangkoltemok ley heltekpoma metka nema heiekpelkema ko'o —lhna lhta aptemak Pablo.

Hechos 18:14

Nietemavek nak apmahai'o eliata Pablo kakpota eniatemmoma aplhenammap, koka gobernador Galion lhna aptema apmanie: —Have akiav'o qaselha ngkolatsekama apkelanai'a enenlhet anak, mankaimelhkak atnek asiekpelkemo. Vanlha apketlhekmosengko mota mok apkelvesai'a kakpota nhan ley apanko'ok apankave nak ketlhengkap judios, ellanekha ta apankavek ketlhengkap, momak'ak ko atnek ma'a —lhna aptemak.

Hechos 16:37

Koka lhna lhta aptemak Pablo apkellatemmoiangka m'a: —Ennengko'o nhan nengeleltaiekho romanos, koka nkakhemave hengeliaqpelhketaiangkek napaqtavek enenlhet'avok, mang na hengeliantemekha amanie nkek apnakha hengiekpelkemo niapom, hengeliantemekho nhan akieto nengaqlhengkasemmalhkelha. Kolhva koka apkenmak'ak hengelpaqnemekhak apkelielhammakpo. ¡Mangkolatsema apkenmak'akha nak eltehek! Ntasek sekhe elelhiemok apkelientalhnakha apkelemhama apmaniaie nak kakpota hengelentepkasekhak apankavek ma'a —lhna lhta aptemak Pablo.

Hechos 25:12

Aplengai'ak nak Festo aptemakha apaivoma Pablo ka apkankesekho lhnak enenlhet'avok apanko'ok nema apkeliamo kakpota eliohok aktakha aklhenakha apvalho'ok. Ka netamen ma'a lhna aptemak Festo apkanemo Pablo: —Henmalhnema lhkek lheiap apmahai'a eniakhak apnakha apiav'akha apveske romano kakpota eiekpelkok ma'a, angvapaksek hata m'a —lhna aptemak.