Biblia Todo Logo
Bib sou entènèt

- Piblisite -




Hechos 24:25 - Nuevo Testamento Toba Maskoy

25 Apkeleltennaseiangka lhna lhta nentemakha antek nempeivomo, aktemakha nhan metka nellanai'a nenmak'akha antehek, ka aplheno nhan nkovak hata aknem apkeliekpelkemo Eniapom Neten apkeltemakha enenlhet'avok lhmankek ham. Ka aknelhtengkeskamo lhna lhta neten apvalhok Felix neksa aplengai'a m'a, lhna lhta aptemak apkanemo Pablo: —Vanlha, mo'ok aknem hata angvavama mokhom lheiap kakpota apaqmetkeskata —lhna lhta aptemak Felix.

Gade chapit la Kopi




Hechos 24:25
99 Referans Kwoze  

Hata apvo'o ta m'a apto Henmasmo niapom, etlhenkeskeskakhok hata apvalho'ok enenlhet'avok apkellelto meleliehekho apkellaskamakha Eniapom Neten, apkellelto apkelpeivomo, apkellelto nhan aliekpelkammalhka apkeltemakha.


elpokkenkes apvalho'ok ketlhengkap Apveske Eniapom Neten, elpeneso ta mota ankok apkellatemmoikama la'a metka apkeliennai'o kanhan nalhep'avek apvalho'ok aktemakha akietnema alel·halhnekama apvalho'ok Eniapom Neten.


metka nenientalhnesammalhko, nenmopvana annavaksek engvalhok ¡Mamma nhan ammelhma la ley lhamakho nak, akpasmekha koka!


Netamen hengellapaskamo ennengko'o angeleltennaksek ania'a Eniapom Neten aptemeskeskamo Jesús hengiekpelkemo niapom apkellelto aphalhnanko'ok kakpota nhan apkenmaskengvaiakmo.


Ketlhengkap eietkak apketkok, mellanko nkek eliennengkeskak ma'a. Enenlhet apto la apkelanai'a mota qaselha akpeivomo, koka apto apeivomo pankek ma'a malha nhan ma'a apto apeivomo.


Ntasek meliaskame vanlha lhema aphapak Eniapom Neten kanhan apto Apveske, koka kasekapok av'alho'ok mangkoliaskakmok na m'a, nkolpelhiennemok na allai'a m'a.


Lhema apketsepma enenlhet la'a, netamen nkovak hata nema akiekpelkema ngkollatsekama apkelanai'a, nlho ka la aktaqmanma.


Nheklhek mokhom aklhengama Eniapom Neten apeneskamo lhnak nanek apaivoma angelentelhek hata akieto iokhalhma m'a neniamposammalhkelha. ¡Koka ellaho ta m'a eltemengvakho lhma ngkanek melentelhek hatelha ketlhengkap m'a!


Ntasek na eliatakpok apieseksek anak ketlhengkap neksa mankovai'a mokhom aktakha nnelha aknem kakpota mankoliennenkesek ngkollatsekama nak, mankoliennakteskesek na apvalho'ok.


Aklheianma Eniapom Neten apaivoma nenlhamakho nengelelto hengenmaikamok ngkollatsekama, vanlha koka envanka'ak angetlhevangkok hata qaselha apeneskamo aplheianma Eniapom Neten aniem'o mongeliaskeiam Jesucristo.


Hai, nenlhamakho ta lhma nkek ham angelanvakhak ma'a akieto m'a apkeliekpelkemelha nentaiangkolha Cristo, moklhem'a ta angetlhevangkok akianmoma aktemakha la nellanai'a ngkolatsekama, nlho ka la aktaqmanma neksa nellaniemhaikama hengke'e nalhepop anak.


¿Ko la aptemakha anioho' apto la Eniapom Neten apketka, kanhan atka la keliaqhameio aveske, he? Nkaimelhkek hata ellanama sekhe' apkellangiemhaikama m'a, ka melan'o la qaselha altaqmelo m'a, meniasekhek na enialheng, have Eniapom Neten apketka m'a.


Askeltavek ko etnek lheiap napaqtek Eniapom Neten kanhan Cristo Jesús apto ta nhan apvekta kakpota etnek apveske, eliekpelkok hata nhan aktemakha apkellanekamok aktaqmanma nlho ka la ngkollatsekama apkellelto nak aphalhnanko'ok kakpota nhan apkenmaskengvaiakmo,


Ka ktemo nak na aktalhesammalhka vakkahak Eniapom Neten Apaivoma hengke'e: «Nietavek anke lhta asleng'o m'a, aspasmo nhan aknem ankok alhta songkek nenvongkasemmalhka nak tep», ntemak ma'a ¡Koka kolhvave nak nietavek ankek aknem ankok nenvongkasemmalhka nak tep!


Ka ngkanek mangkolatsema etlhenek ketlhengkap apketselhnanemmap po'ok la'a, ellaielh koka akvakmo aknem apvektanlha ta apto Apveske, hata el·hatsoksek qaselha alposemmalhka apvalho'ok anak kakpota enengkanvetak alhnakhoho, ngkolvetalhkak hata nhan m'a, etlhevangkok hata alianmoma alietakhelha la m'a.


Al·halhnekama evalhok atak hata Eniapom Neten enaklhatekhaskamok enenlhet'avok apieseksek apkenmaskengvaiakmo, apkellelto nak apkelpeivomo kanha melpeivomo. Ka enenlhet'avok anak fariseos meliaskeiakmok na alheno nak.


Neksa apkellengai'a lhnak enenlhet'avok aktemakha nennaklhatekhangveianlha apieseksek apkenmaskengvaiakmo, ka apkeliematkesaiangka lhnak Pablo m'a, lhnak aptemak po'ok: —Mo'ok aknem hata angetlhengkasekhok mokhom nellailhemo aktemakha aplheno nak lheiap —lhnak aptaiangkok ma'a.


Ka apmaiangko lhnak Pablo m'a aptemakha apankek na mota m'a, hanetolhem'a sabado aknem nennekhelha lhna ntemak apkellatemommap ma'a.


Avanhek ankek nak altaikama apvalho'ok apkellengai'o m'a, ka apkelelmalhnengvekho lhnak Pedro kakpota nhan apketlhelhma'ak nema allapaskamo, lhna aptaiangkok: —Elialheng'a, ¿ko la antemeskesangkok ennengko'o m'a, he? —lhna aptaiangkok.


Mankaimelhkak ketlhengkap ma'a ngkolhek altaqhengveskeskakho nema atlhekmosekamo lhta ampakhasekha nke lhta aktemakha m'a nema henlavkeskama nak konne iemmen ankok, aktemakha nak apkakhesekamok apmeio'ok apietsekso'ok apkellelto Jesucristo apkennemolhema, aktemakha nhan nema apnaqlhatekhaskeiam apkenmaskengvaiakmo, aktemakha nhan nema ta aliekpelkemo emanie nak.


Nientelhek ankek nak nanek apkelvetai'a enenlhet'avok ma'a, akvaiakmo nhan Moises apkai'a m'a, lhna nanek aptemak: "Avanhek ankek ko askai'a, askelpelhiennengkek nahan", lhnak nane aptemak ma'a Moises.


Hai, nenlhamakho ta ennengko'o angetlhenek nentaiangkolha engankave napaqtek Eniapom Neten ma'a.


Ketlhengkap elialheng'a, avanhek ankek apkeltakmelkeskeskama apkellangiemhaikama Eniapom Neten, ka ngkanek ntasek etnangkok malha apkennapekamok anak apnaqtoskama apkellaikamo na mota Eniapom Neten. Koka apkeliokha nak ketlhengkap akieplomo malha aphalhnanko'ok, metka aktemongveiakmo lhma nhan, nkolekkasama nhan apvalhok Eniapom Neten ma'a. Koka akto akietemo nkek eliavenkaskesama Apvesai'a m'a.


akvo'o ta aknem Cristo Jesús hata etnek hengeliekpelkemo m'a qaselha alielhammalhko nak engelvalho'ok nenlhamakho aptemakha nellanekamok. Hai', hata ngkotnek ma'a astemakha na mota asketlhekmoskama ania'a aktaqmanma nak.


Ka apkatemmoiangka lhnak Agripa m'a, lhna aptemak: —Mankovangkak heiekpelkema lheiap apmak'o nak hetneskesek moi'askeiam Jesús —lhna aptemak Agripa.


Koka apkellengai'ak nak judios akieto m'a Tesalonica apkeltennaikama Pablo Eniapom Neten apaivoma natemma Berea, ka apkenmeiekho lhnak ma'a, apkeltemeskeskekho lhnak na mokhom apkeliennengkeskama lhma enenlhet'avok aniem'o apkellammelhma Pablo.


etnemekha neten, etalhnengvom hata ha'e apnakha natemma, hata ngkolhek altennaso ania'a lheiap ma'a —lhna aptemak ma'a.


Nlhameiangkek na lhta apkavekama Felix Pablo apkeltemo elhiemok kakpota eltennama, koka patakkom na lhta apteniai'ak niekhe Felix kakpota epaqnemekhak ma'a.


Koka ntasek etne mota apmama takha amaika'a apankok la'a apnemakha, elanak na qaselha altaqmelo, apmopvana akietnaikama apaqtek, apeivomo, apiamolhma apanke' kakpota nhan aptaqmelkasemmakpo apanko ie'.


Swiv nou:

Piblisite


Piblisite