Hechos 24:14 - Nuevo Testamento Toba Maskoy

¹⁴ Vanlha ko'o askeliehekho Eniapom Neten apanko'ok nelieihengka, kakpota nhan asieplekama Alhnankok Amai. Koka enenlhet'avok anak apketlhengke mota Amai Alhnankok akto lhnak apasmekama enenlhet'avok ngkolatsekama hengetlhekmoskama. Ko'o koka askeliehekho nhan aklheianma vakkahak ley kakpota nhan vakkahak apanko'ok apkeleltennasemmap ania'a annenga.

Hechos 24:14 Referans Kwoze

Hechos 9:2

Apkeltemo lhnak ellangkok vakkahak kakpota etso'ok moklhem'a apkaqnekhelha judios akieto Damasco kakpota elpathetek aplhamakho apkelennava'ak kanhan ngkelvana'ak apkelpasmekama akvesai'a Alhnankok Amai, kakpota eliantemekhak ma'a nengaqlhengkasemmalhkelha akieto Jerusalen.

Romanos 3:21

Koka kolhvave nak hengelvetaskaskek Eniapom Neten antangkok nengelpeivomo have m'a aniem'o ley anak, lhnak nanek na ntemak aklheianma m'a Vakkahak ley Moises kakpota nhan vakkahak apanko'ok apkeleltennasemmap ania'a.

Hechos 28:23

Ka apkelpekkeno lhta lhema aknem eniaqnekhak hata mokhom ma'a. Ma lhta ntek enenlhet'avok apkenmeioiam apnakha nhan Pablo m'a apkenmahai'a ellailhok ma'a. Sosekhe anke lhta apkempak apkeltennaikama Pablo m'a akvakho ienaqteso ania'a aktemakha aptema apveske Eniapom Neten. Ka apkelpeiveskasakho lhta nhan ley Moises kakpota nhan vakkahak apnaktalheskama apkeleltennasemmap ania'a annenga aktemakha aplhenammap Jesús.

Hechos 3:13

Eniapom Neten apveske apanko'ok nelieihengka nnenga Abraham, Isaak kakpota nhan Jacob, ka apkaikamok apmopvana apketka Jesús kakpota nhan aptemeskeskamo neten apankek ma'a. Apkeltaknongkongke lhtoka ketlhengkap ma'a, apkellangkongvaiakmo nhan apkelanma apmaniaie romano, niekhe apmahai'o lhta epaqnemekhak Pilato m'a.

Hechos 26:22

koka Eniapom Neten alhta hepasmak ma'a. Ka ngkanek mokhom alhengkeskama alheianma ania'a aktaqmanma apkellelto nema apkelletsekama, metka apkelletsekamaha, aplhamakho enenlhet'avok na asketlhekmoskama mota apketlheianmo lhnak nanek apkeleltennasemmap ania'a kakpota nhan Moises.

Hechos 24:5

Ka enenlhet anak meiholhma pankek ham, lhamakho iempehek aptepkeskama akmaska mota apkeliaiesekho nhan judios. Apto nhan apkemhama apmanie lhema apasmekama enenlhet'avok hengetlhekmoskama ngkolatsekama apkelvesai'a Nazarenos.

2 Timoteo 1:3

Astek ko mota gracias Eniapom Neten neksa askenmalhnongkoma aknem ankek, pelhasep nahan aklhenaikama mota nhan evalhok lheiap, askasennama nhan Eniapom Neten akieplomo alhnai'o akietnaikama ehaqtek, ka aptaiangkolha lhnak nanek na askelieihengka' m'a.

Hechos 26:27

¿Mai'e ei'askeiakmok lheiap Agripa aktemakha apketlheianma apkeleltennasemmap ania'a annenga, he? Asiavek ko'o mei'askeiakmok lheiap —lhna aptemak Pablo.

Apocalipsis 19:10

Ka askelteklheio lhta etapno'ok napaqtek ángel ma'a kakpota angvahok ma'a, koka lhta aptak heiano mokhom ma'a: —Have, metne ham, koka nietavek elteklheiok aptapno'ok napaqtek ma'a Eniapom Neten, ko'o nhan asto heiasennaikama m'a, snavek ko lheiap ka nhan apkelialheng'a nak meliaskeiam ania'a aplhenammap Jesús. Koka ania'a nak malha akvatepnapma allaikamok ma'a apkeleltennasemmap ania'a —lhta aptak heiano ángel.

1 Pedro 1:11

Cristo Espíritu apanko nak alientemongkeskamo lhnak nanek aleltemeskeskama elioho apkeleltennasemmap ania'a aktemakha aplengaiangko ta akientalhnema Cristo, aktemakha nhan qaselha hempelapkeskama nkovak hata netamen hata aplengaiangko m'a. Apkelienlhanmeiangkave lhnak nanek ania'a niapma'ak annenga apkenmahai'a eliohok aknem nkovak hata, kanhan aktemakha qaselha akvetammalhka ta m'a. Koka Espíritu

Tito 3:10

Ka apvet'o la lheiap lhema enenlhet apkelhpankeskama apieseksek anak Jesucristo apkennemolhema ham, ennaves hata lhema nlho ka la hanet aptaiekho. Koka mankomak'o la eniailhok ma'a, meipetkangvakha nkek ma'a

Galatas 5:20

Neniavenkeskamo akvesai'a qaselha alanemmalhka akiokha, kakpota nhan aknema engvalhok, nentaknongkoma emmo'ok, nennapommalhka emmo'ok, nennathaikama, nenloma, nenteniaikama mota emmo'ok angammelhek, nenmopvana angelhpankesek emmo'ok.

1 Corintios 11:19

Neksa apkelhpankesammap amota alhnakho nkek nengvetai'a apkeltemakha la altaqmelo kanhan ngkollatsekama la'a.

Hechos 26:6

Koka kolhvave nak heliantemantek napaqtek lheiap judios anak kakpota heiekpelkok lheiap aniem'o m'a al·halhnekama evalhok atak hata lhema apaivoma apkellaiangko lhnak nanek Eniapom Neten nelieihengka aktemakha ngkotnek hata m'a. Alel·halhneiangka nhan apvalho'ok 12 apkelpasmekha apketkak neptamen Israel elvetak hata m'a, ka nkanek apkellasennaikama mota lhamakho aknem kanhan pelhasep akvakmo akvo'o ta m'a.

Hechos 24:22

Apiamavek na lhta Felix aktemakha meliaskeiam apkelelto apkelieplavkeskama Alhnankok Amai, man na lhta nhan nkomahai'ak elhenek apkelanai'a ngkolatsekama Pablo, lhna lhta aptemak: —Hato ka apvaktamo ta Lisias apto apkemhama apmaniaie soldados, apakmetkese ta kakpota elhenek ania'a nak —lhna lhta aptemak Felix.

Hechos 22:14

Lhta aptak mokhom heiano: "Eniapom Neten apto apveske apanko'ok nelieihengka apkeliekiesak lheiap kakpota etneskesek apmak'akha ta etnek ma'a, kakpota etak ma'a apto apeivomo, eniailhok hata nhan aptakha la apaivoma.

Hechos 19:9

Koka moklhem'a judios nkolleihak ankek nak apvalho'ok, man na nkomahai'ak etnangkok meliaskeiam ma'a. Ka apkelempai'o lhnak apkeliematkesaikama Alhnankok Amai napaqtavek aplhamakho enenlhet'avok ma'a. Netamen Pablo apteiapmo lhnak m'a nemaknekhelha, ka aplaqlekho lhnak na nema altamesaikamok akieto escuela apankok lhema enenlhet apvesai'a Tirano, ka apketlhekmoskamo mota nhan Pablo m'a

Hechos 13:15

Ka aknemo lhnak alietsatemo vakkahak ley Moises kakpota nhan vakkahak apanko'ok apkeleltennasemmap ania'a annenga. Ka netamen ma'a apkelemhama apmaniaie nemaknekhelha nak lhna aptaiangkok apkellanemo Pablo kakpota nhan Bernabe: —Ketlhengkap elialheng'a ¿nietne ie ania'a la hengellaikamok apaivoma hengeliatekho la'a ennengko'o, he? —lhna aptaiangkok.

Hechos 10:43

Apketlheianmek nak nanek na apkeleltennasemmap ania'a Eniapom Neten etneskesama lhna lhta apankek meleliehekho apkellaskamakha apkellelto la meliaskeiam apvesai'a Jesús ma'a —lhna aptemak apkellanemo Pedro enenlhet'avok ma'a.

Hechos 7:32

"Ko'o asto nak Eniapom Neten apanko'ok apkelieihengka'a lheiap, Abraham, Isaak, kakpota nha Jacob", lhna aptemak. Apkelpelhiennongkek nak apkai'a Moises ma'a, man na nkomahai'ak elhengkesek apkelanei'o m'a.

Hechos 5:30

Apkennapke lhta ketlhengkap Jesús neten iamet aktenneskama, koka Eniapom Neten apto Apveske apanko'ok nelieihengka'a aplhatekhaskeiakmok mokhom apieseksek apkenmaskengvaiakmo m'a.

Juan 1:45

Netamen apmeiakho lhnak Felipe apiantengvekho Natanael, lhna aptemak apkanemo: —¡Nelvetakhek lhek ennengko'o aklheianmo ley Moises anak kakpota nhan vakkahak apkeleltennasemmap ania'a annenga, Jesús ko Nazaret lhaiek, José apketka! —lhna aptemak Felipe.

Lucas 24:44

Netamen nak Jesús ma'a lhna aptemak apkellanemo mokhom: —Aktakha nak asvetammalhka ko'o, askeleltennaskangke lhta mota ketlhengkap, ntemengkek askaniemhaikama aklheianmo lhnak nanek ley Moises, apkeleltennasemmap ania'a annenga kakpota nhan vakkahak Salmo hetlheianma ko'o —lhna aptemak Jesús.

Lucas 24:27

Ka apkelpeiveskasekho lhnak Jesús aktemakha aktalhesammalhka Vakkahak Eniapom Neten Apaivoma aplhenammap Cristo, ampai'o lhnak nanek aktalhesammalhka ley Moises, ka amhaiangko nhan vakkahak apnaktalheskama lhnak nanek apkeleltennasemmap ania'a annenga.

Lucas 16:29

Koka lhnak aptemak Abraham apkatemmoiangka mokhom: "Nietnek vakkahak apanko'ok Moises ma'a kakpota nhan apkeleltennasemmap ania'a annenga, ntasek elelietsatangkok, eleliehekhok nahan".

Lucas 16:16

—Ngvai'ak aknem aktema nnelha m'a ley kanhan ania'a apankok apkeleltennasemmap ania'a apvai'o m'a Juan. Netamen na m'a ampai'o ania'a aktaqmanma aklhenammalhka aknem aptaiekha apveske Eniapom Neten, mantek enenlhet'avok apteniaiangko apiempeiok apkenmahai'a etnangkok apkennemolhema m'a.

Lucas 1:70

Aplheianmek nak nanek na aniem'o apkenmaikama apkeleltennasemmap ania'a apankok apkelpokkanma,

Hechos 19:23

Ngvai'ak nak apkeliamenammap akieto m'a na temma Efeso apketlheianma aktemakha Alhnankok Amai.

Hechos 15:5

Koka moklhem'a lhnak Fariseos apkakhaiangkok nak na m'a apkellelto meliaskeiam Jesús, apkelaqnekho lhnak neten, lhna aptaiangkok ma'a: —Nkaimelhkek angeliaqtemenkeskasangkok nekha tkok apkellammelhakha m'a metnangko nak judios, angelleltok na elieplavkesek aktemakha nak ley Moises —lhna aptaiangkok ma'a.

Hechos 25:8

Koka lhna aptemak Pablo apkellatemmoiangka apkasennammakpo m'a: —Motvaskama ko'o ley apanko'ok anak judios, motvaskamak na Eniapom Neten apnemakha nak kakpota nhan apiav'akha apveske Romano —lhna aptemak Pablo.

Hechos 26:4

Astemakha eietkok heliekpelkemo aplhamakho judios, apkeliavek na aktemakha askangiemhaikamaha askavakha kakpota nhan natemma Jerusalen.

Hechos 28:22

Nengeleltavek angeliohok aklheianma apvalhok lheiap aptaiangkolha m'a secta nak ngkanek lhamakho aiempek apketlhenammap ma'a —lhta aptangkok ma'a.

Romanos 1:9

Eniapom Neten apto apveske ehenkok, askasennaikama mota asteniai'o nak eiempehek aspaieskamo nak ania'a aplhenammap Apketka, apiavek na m'a atlheianmo mota evalhok ketlhengkap ham.