Hechos 21:3 - Nuevo Testamento Toba Maskoy

³ Netlhengo m'a, nelvet'o akieto ensangkalvelha akiakiengveiam lhepop akhalhiengkaiam iemmen akvesai'a Chipre, nelieko'o nelvakho iokhalhma Siria, nelentepo nhan m'a akieto aknaktetemmalhkelha loma nemmen natemma Tiro. Nengakhengvakho lhta m'a ngkanek loma nemmen nne lhta alentepkaso nentoma atsekama m'a.

Hechos 21:3 Referans Kwoze

Hechos 27:4

Netamen alhta nempokho mokhom netlhengama nemmen, nkammelhke lhta loma nemmen nelkanantema alhkaiam akiennaktema, ka nelteteskakho lhta nekha iemmen akieto akiakiengveiam lhepop Chipre kakpota angetlhong ma'a metka akientalhnema.

Hechos 21:16

netlhelhma'ak alhta nhan moklhem'a nema altamesaikamok ko Cesarea. Hengeliantemakhe lhta nhan akvakho apnemakha lhema enenlhet apvesai'a Mnason apkeniem'o lhtoka Chipre m'a, apto lhta nhan lhennenga aptema mei'askeiam, apkelto nhan angaqhengvomok ma'a apnemakha.

Hechos 12:20

Nnatheskangkek nak apveske Herodes apkellanei'o enenlhet iokhalhma Tiro kakpota nhan Sidón, ka apkenmeiekho lhnak apnakha apkemhama apmanie apmakmesaikama Herodes apvesai'a Blasto, apkellaiangko lhnak patakkom ma'a kakpota eltennaskakhak Herodes ania'a meltaqnevek mokhom, lhna songkek apkellaikamo mota aptekamok ma'a.

Hechos 4:36

Apnengkek nak na lhema enenlhet apvesai'a José apkeniem'o Chipre, aptaven neptamen noka m'a Levi. Koka nema allapaskama m'a apkeliaqmongkaskesekho lhnak mo'ok apvesai'a, Bernabe lhnak apteskaseikokhak apvesai'a m'a, nema ltema apaiesekha engvalhok aniapom.

Hechos 18:18

Nlhaniek nak aknem apnema Pablo m'a akieto Corinto, netamen apkelpaivesaiangko lhnak apkelialheng'a m'a apmahai'a eniakhak iokhalhma Siria. Apketlhelhma'ak noka Aquila kakpota nhan aptava Priscila, apkelvekho natemma Cencreas apiesekho lhnak Pablo m'a alhnai'a nkek nak aptemak apqatek ngkanek apeneskamo apaivoma etnehek napaqtek Eniapom Neten. Netamen apkelkanantemo lhnak loma nemmen apkenmeiekho iokhalhma Siria.

Hechos 15:41

Ka aplhengamo lhnak ma'a, apkeliekai'o lhnak Siria kakpota nhan Cilicia, apkeliateikokho lhnak moklhem'a iglesia apkelvaianlha la'a.

Hechos 15:39

Avanhek na ntemak apkellatemommap Pablo kanhan Bernabe, ka apkelhpanmo lhnak ma'a. Bernabe lhnoka apiantemekhak Juan Marcos ma'a, apkelkanantemo loma nemmen apkenmeiekho iokhalhma Chipre.

Hechos 15:23

Ka apkellaiangko lhnak na lhema vakkahak kakpota etso'ok ma'a, lhna ntemak aktalhesammalhka: Ennengko'o nema hengellapaskamo kanhan metno apketko'ok, kanhan engelialheng'a, nketlhenkek engelvalho'ok ketlhengkap engelialheng'a metnangko nak judios akieto ham iokhalhma Antioquia, Siria, kakpota nhan Cilicia.

Hechos 13:4

Netamen nak apketlhengamo apkenmaiangko Seleucia aniem'o Espíritu Santo apkeleltennaskama. Apkelkanetvaiakmo nhan loma nemmen akiavai'a m'a, apkenmaiangko m'a apkel·halhtepelhketmo iemmen akvakmo akiakiengveiam lhepop akhalhiengkaiam iemmen akvesai'a Chipre.

Hechos 11:19

Netamen apmatnama lhnak Esteban ma'a, ampai'akha lhnak aknema akmenlhenaikama apkellelto meliaskeiam. Moklhem'a lhnak apkenmaiangkok apkeniaikamok akieto Fenicia, Chipre, kakpota nhan Antioquia, ka apkeleltennaskeiakmo lhnak Eniapom Neten apaivoma m'a apkelvaianlha la'a. Vanlha lhnoka apkellelto judios ma'a, man noka eleltennaskamak metnangko nak judios.

Lucas 10:13

—¡Ketlhengka la ie' na temma Corazin kanhan Betsaida! Nlhanie niekhe ntak qaselha hempelapkeskama nema alanai'a hengke'e, koka mankoliaqmongkasekhak mo'ok av'alho'ok. Nlho lhta kno la alanengvakmo qaselha hempelapkeskama aiseksek anak ma'a na temma Tiro kakpota nhan Sidón, kolhvavek anke nlho lhta nkoliaqmongkasekhak mo'ok av'alho'ok ma'a. Kolentalhnekha nlho lhta nhan alentalhnema altavkeskama nak aiempeiok anmaiosak'a nak av'alho'ok anko'ok, kakpota nhan nkolelhpakhalhka takhalhet'ok tahap aniem'o anmaiosak'a av'alho'ok.

Lucas 2:2

Koka ampai'akhasekha nkek nak censo m'a, Cirenio lhnoka apveske iokhalhma Siria.

Hechos 21:2

Ka nelvetangvakho lhta loma nemmen akieto aknaktetemmalhkelha m'a kakpota nkoniakhak Fenicia, nelkananto nhan ma'a.

Hechos 21:7

Ka nellempo lhta m'a Tiro nenmeiakho lhta akvakho m'a Tolemaida, amaika'a lhta nentangkok lhema knem engelialheng'a m'a.