Hechos 21:26 - Nuevo Testamento Toba Maskoy

²⁶ Mo'ok aknem alhta ntak ma'a, apkeliantemakho lhta Pablo 4 enenlhet ma'a akieto Eniapom Neten apnemakha, ka apkellempo lhta apkellalhnasekha apvalho'ok ma'a kakpota nhan Pablo. Ka aplheno lhta nhan napaqtavek enenlhet'avok ma'a akmak'akha ta ngkotnek nnelha' apkelpeneskamo lhta apkelpaqmeiasma apkenmak'akha etnangkok hata napaqtek Eniapom Neten, ellangkok hata nhan qaselha nengaikamok Eniapom Neten.

Hechos 21:26 Referans Kwoze

Hechos 24:18

Askalhnasekho lhta nhan ko evalhok ma'a napaqtek Eniapom Neten akieto apnemakha. Ma lhta nhan angvankesekhak enenlhet ma'a, ma lhta nhan atepkeskamak akmaska m'a. Helvet'a lhta nhan moklhem'a judios apkelleniem'o Asia, koka apvanka'a niekhe nhan elelhiemok hengke'e kakpota eleltennasama lheiap askelanai'a la ngkolatsekama ko'o.

1 Corintios 9:20

Neksa asnema lhta mota apieseksek anak judios, asieplavkaske lhta nhan ley apanko'ok, evanke lhta niekhe molvanankek ma'a, koka askeliehakhave lhta kakpota enmankok takha askeltennaikama.

Hechos 21:24

Eliantemekha ta lheiap ma'a enenlhet anak Eniapom Neten apnemakha kakpota elalhnasekhak apvalho'ok napaqtek ma'a, lheiap hata nhan enialhnasekhak apvalhok ma'a. Elianmongkeskes hata nhan patakkom apankok lheiap kakpota ngkolhek aliesesangko, kakpota elvetak aplhamakho enenlhet have niapak aplhengkeskama lheiap mokhom ley enganko'ok anak, kakpota nhan etlhenek ma'a akmovana ania'a aplhenammap lheiap.

Juan 11:55

Nkanketvakme lhta nhan aknem aktaqmelaikama lhma akvesai'a Pascua judios apankok, ma lhta ntek enenlhet'avok apkenmeiekha apiav'akha temma Jerusalen kakpota elalhnasekhak apiempeiok aptaiangkolha apankave lhta mota m'a amanie la aktaqmelaikama lhma' apanko'ok ma'a.