Hechos 20:21 - Nuevo Testamento Toba Maskoy

²¹ Askeliatengke lhta judios kakpota nhan metnangko nak judios askeltemo eliaqmongkasekhak mo'ok apvalho'ok napaqtek Eniapom Neten kakpota nhan meliaskame Apveske engankok Jesús.

Hechos 20:21 Referans Kwoze

Hechos 2:38

Ka apkatemmoiangka lhnak Pedro m'a, lhna aptemak: —Eliaqmongkasekha mo'ok apvalho'ok, elvatesamok apkeltemakha ngkollatsekama, elteniamok nema allavkeskama konne iemmen akieplomo apvesai'a Jesucristo. Netamen Eniapom Neten etnama ta apankek meleliehekho apkellaskamakha, kakpota ellangkok na metka akianmoma Espíritu Santo.

Hechos 11:18

Neksa apkellengai'a lhnak ma'a akmaskemo nhan apkeliamenammap Pedro m'a, apkeliavenkaskesaiangka lhnak apvesai'a Eniapom Neten ma'a, lhna aptaiangkok: —Neliavek kolhva ennengko'o apkenmamo takha Eniapom Neten enenlhet metnangko nak judios, apkeltavek na eliaqmongkasekhak mo'ok apvalho'ok ma'a kakpota ngkoitek aliennaktema apnenio'ok mankotnengvaianlha nnelha —lhnak aptaiangkok ma'a.

Hechos 20:24

Koka mamma aptaikama evalhok angvetsepok kelhaha, askeltavek ko'o asavhok asmakmekama malha askelpaivasemmalhka aptakha lhta apaivoma Apveske Jesús heiano akieplomo akpaihekha evalhok, apkeltemo lhta apaiaksek ania'a aktaqmanma aplhenammap hengellamelaiam Eniapom Neten.

Lucas 13:3

¡Koka have niekhe m'a! Ketlhengkap hata nhan eletsepok meliaqmongkasakho la mo'ok apvalho'ok.

2 Corintios 7:10

Ntasek nkotaqmelkasok engvalho'ok nenvet'o la akmaoise nak envalhok aniem'o la Eniapom Neten, nkanek hengiaqmongkaskesakhek mo'ok engvalho'ok ma'a, angelvongkasalhkak hata nhan tep ma'a. Koka akmaiose nak envalhok aniem'o nak nalhepop hengaqhak ma'a.

Romanos 10:9

Enenlhet aplheno la Jesús apto Apveske, mankoiaskakmo la nhan apvalhok aplhatekhangveiam apieseksek apkenmaskengvaiakmo aniem'o Eniapom Neten apmopvana, hata evongkasakpok tep enenlhet anak ma'a.

Hechos 26:18

Kakpota nkotlheianvomok apvalho'ok elvatesangkok na apkelloma ienaqtesakha lhma m'a aniem'o nak anmaikama Satanas. Kakpota ellasekhekhok Eniapom Neten, elloka nhan atsak'elha lhma elieploma nhan Eniapom Neten, meliaskamek na asvesai'a ko'o. Netamen Eniapom Neten etneskesama ta apankek meleliehekho apkellaskamakha m'a, etneskesangkok na apkelpokkanma", lhta aptak heiano Jesús ma'a.

Lucas 24:47

Nkolhek hata aleltennasengka apvesai'a lhamakho apkellavakha halhmankek ham, hata ellempak hengke'e Jerusalen kakpota eliaqmongkasekhak na mo'ok apvalho'ok enenlhet'avok kakpota Eniapom Neten etneskesama apankek meleliehekho nak apkellaskamakha, lhna ntemak na ania'a m'a.

1 Juan 5:5

Apto la nhan mei'askeiam Jesús apto Eniapom Neten apketka, aptemeskasantek na koneng ngkollatsekama nak.

Hechos 26:20

Ka askeltennangka lhta nhan ania'a aktaqmanma amanie nkek ma'a natemma Damasco, netamen na apiav'akha temma Jerusalen kakpota nhan lhamakho aiempek iokhalhma Judea. Ka askeleltennaseiangko nhan metnangko nak judios eliaqmongkasekhak mo'ok apvalho'ok, elpengkamok na apvalho'ok ma'a akieto apnakha Eniapom Neten.

1 Juan 5:1

Apkellelto nak meliaskeiam Jesús apto nhan Cristo koka apkelvesai'a m'a Eniapom Neten apketkak. Apkellasekhai'o la Eniapom, apkellasekhavek na apketkak la m'a.

Filemon 1:5

ngkanek asleng'a lhta apvesai'a lheiap avanhek na lhta apkasekhai'o, mei'askeiam nahan apveske engankok Jesús, kanhan apkellasekhai'o lhna lhta nhan apkellelto nak apkelpokkenammap

Efesios 1:15

Askeliavek ko'o ketlhengkap meliaskeiam apveske engankok Jesús, apkellasekhai'o nhan aplhamakho apkellelto apkelpokkenammap,

Galatas 2:20

kolhva koka alhelhma mota Cristo, have ehenkok ehenkek askaniemhaikama nak, ka lhamakho qaselha nak askelanai'a neksa askaniemhaikama aniem'o m'a moi'askeiam Eniapom Neten Apketka, heiasekhai'o nhan, apkaiangko akvakmo apmatno aniem'o ko'o.

Romanos 5:1

Hengeltemeskeskangke lhta panke nengelpeivomo Eniapom Neten aniem'o mongeliaskeiam, kolhva koka nentangkokhak nellasekhekho Eniapom Neten aniem'o m'a Apveske engankok Jesucristo.

Romanos 4:24

ennengko'o nhan ma'a nengelelto nak mongeliaskeiam Eniapom Neten aplhatekhaskeiakmo lhta apieseksek apkenmaskengvaiakmo Apveske engankok Jesús.

Romanos 1:16

Momankek ko alhenek ania'a aktaqmanma ngkanek akto aknema akmovana aniem'o Eniapom Neten kakpota nkolvongkesek tep enenlhet'avok apkellelto la meliaskeiam, apmaniaie' judios, kakpota nhan griegos.

Hechos 17:30

Malha metka apqatko'ok enenlhet'avok lhennenga, meliekpelkemak na Eniapom Neten, mang koka eliaqmongkaskesekhak aptaiangkolha meliamolhma m'a. Kolhva koka apkeltavek Eniapom Neten lhamakho enenlhet eliaqmongkasekhak mo'ok apvalho'ok ma'a.

Marcos 6:12

Ka apketlhengamo lhnak ma'a, apkeleltennaseiangka lhnak enenlhet'avok apkeleltemo eliaqmongkasekhak mo'ok apvalho'ok ma'a.

Marcos 1:15

Lhna aptemak: —Ngva'ak aknem aklhenammalhko lhnak nane mota, nkanketva'ak na etnekhak hata apveske Eniapom Neten. ¡Eliaqmongkasekha ta mo'ok apvalho'ok, meliaskam ankek na ania'a aktaqmanma nak! —lhna aptemak Jesús ma'a.

Galatas 3:22

Aklheianma Eniapom Neten apaivoma nenlhamakho nengelelto hengenmaikamok ngkollatsekama, vanlha koka envanka'ak angetlhevangkok hata qaselha apeneskamo aplheianma Eniapom Neten aniem'o mongeliaskeiam Jesucristo.

Galatas 2:16

Koka neliavek ennengko'o have hengeltemeskeskama nengelpeivomo m'a aniem'o nelieplavkeskama ley, vanlha koka aniem'o m'a mongeliaskeiam Jesucristo. Ennengko'o nhan mongeliaskakmok Jesucristo ka nkeniemai'ak nemo nak hengeltemeskeskamo nengelpeivomo m'a, have aniem'o m'a nelieplavkeskama ley ngkanek mamma enenlhet aktemeskeskama la apeivomo m'a aniem'o ley anak.

1 Corintios 1:22

Apkellelto nak judios vanlha apkeleltavek elvetak qaselha mongenatkeskama kakpota meliaskamek ma'a, koka apkellelto nak griegos vanlha apteniangkek aliangveskeskaiakmo la apkeliangveiakmo.

Romanos 2:4

Mevannama lheiap akiavai'a nkek apiamolhma Eniapom Neten, mepekhaksek na etaknevak lheiap apkelan'o la qaselha ngkolatsekama. Hai', have niapak ankek apto apiamolhma apankek Eniapom Neten ma'a, apkeltavek eiaqmongkasekha mo'ok apvalhok lheiap, elvataksek na qaselha ngkolatsekama apkelanai'a.

Romanos 1:14

Mongvapvanak aiekaksek ko'o aspaieskama ania'a aktaqmanma halhmankek ham, apieseksek anak ma'a griegos kanhan metnangko griegos, apieseksek neten apankavek nema apkeliangveiakmo, kakpota nhan apieseksek meliangveiakmo.

Hechos 28:23

Ka apkelpekkeno lhta lhema aknem eniaqnekhak hata mokhom ma'a. Ma lhta ntek enenlhet'avok apkenmeioiam apnakha nhan Pablo m'a apkenmahai'a ellailhok ma'a. Sosekhe anke lhta apkempak apkeltennaikama Pablo m'a akvakho ienaqteso ania'a aktemakha aptema apveske Eniapom Neten. Ka apkelpeiveskasakho lhta nhan ley Moises kakpota nhan vakkahak apnaktalheskama apkeleltennasemmap ania'a annenga aktemakha aplhenammap Jesús.

Hechos 16:31

Ka apkellatemmoiangka lhna lhta ma'a Pablo kakpota nhan Silas, lhna lhta aptaiangkok: —Mei'askem koka lheiap apveske Jesús kakpota evongkasakpok tep, ka nhan apketkak apnemolhema —lhna lhta aptaiangkok ma'a.

Hechos 10:43

Apketlheianmek nak nanek na apkeleltennasemmap ania'a Eniapom Neten etneskesama lhna lhta apankek meleliehekho apkellaskamakha apkellelto la meliaskeiam apvesai'a Jesús ma'a —lhna aptemak apkellanemo Pedro enenlhet'avok ma'a.

Hechos 8:25

Apketlhengkeskangkek nak apkeleltennaiangka Pedro kakpota nhan Juan Eniapom Neten apaivoma m'a, ka apkeltaqhekho lhnak ma'a akieto Jerusalen. Neksa apketlhengama lhnak nalhet amai apnakha la temma konne iokhalhma Samaria apketlheianveiakmek na mota ma'a ania'a aktaqmanma nak.

Hechos 3:19

Ntase kolhva eliaqmongkasekha mo'ok apvalho'ok ketlhengkap, elpengkamok na apvalho'ok akieto m'a apnakha Apveske, netamen hata m'a ngkolhek anmaskeskaso apkeltemakha ngkollatsekama.

Hechos 2:40

Aplhengkeskangkek nak Pedro apkeleltennasekamok ma'a apkanemakha eltehek, lhnak aptemak: —¡Elvongkasap tep apieseksek anak enenlhet'avok apkellanekamo mota ngkolatsekama nenvanlha nak! —lhna aptemak.

Juan 20:31

Koka aklhamakho qaselha akietno vakkahak anak, nema aktalheskama kakpota meliaskamek hata ketlhengkap Jesús apto Cristo Eniapom Neten apketka, hata nkoniema' aliennaktema apnenio'ok mankotnengvaianlha nnelha ketlhengkap ma'a aniem'o apvesai'a m'a.

Juan 3:36

Mang hata nkek eliaskakmok Apketka nak, ngkoitek hata aliennaktema apnenio'ok mankotnengvaianlha nnelha. Koka apkellelto la apkeliaskeiam ma'a, mangkolhek hata aliennaktema apnenio'ok, hato ka eliaqmongkaskesekhak apkeltemakha Eniapom Neten ma'a.

Lucas 15:10

Nnavek na m'a ángeles apkellapaskama Eniapom Neten nkolpaihekhak hata apvalho'ok apiaqmongkasakho la mo'ok apvalhok lhema enenlhet apkelanai'a ngkollatsekama —lhna aptemak Jesús.

Lucas 15:7

Nnavek na m'a avanhek hata ngkotnek akpaihekha apvalhok neten anak apvet'o la lhema enenlhet apkelanai'a ngkollatsekama apiaqmongkasekha mo'ok apvalhok, aselhtek ma'a akpaihekha apvalhok apkellanei'o 99 enenlhet apkellelto apkelpeivomo metka alaimommalhka' nak apkeliaqmongkasekha mo'ok apvalho'ok ma'a —lhna aptemak Jesús.

Lucas 13:5

¡Koka have m'a! Ketlhengkap hata nhan eletsepok meliaqmongkasakho la mo'ok apvalho'ok —lhna aptemak Jesús apkellanemo.

Colosenses 2:5

Kolhva koka molhnemak apieseksek ketlhengkap ham, evalhok koka malha ntemak aknema ham, avanhek akpaihekha evalhok ngkanek avanhek apkeltakmelkeskamo apankavek apkakhaikamok ham, apketlhengkeskangkek na aliennaktema nkek meliaskeiam Cristo.

Hechos 24:24

Netamen na lhta m'a aliekai'o moklhem'a aknem, anmahai'o lhna lhta nkotnangko amaika'a Pablo Felix kakpota nhan aptava akvesai'a Drusila, judia lhna lhta m'a, alvekho lhna lhta m'a, allaveiangka Pablo kakpota eleltennasama ania'a aktemakha mei'askeiam Jesucristo.

Hechos 19:17

Aplhaniek nak judios kakpota nhan griegos ko Efeso apkelvetai'o m'a, apkellai'ak nak na m'a. Niaveiangkek nak aktema neten ankek apvesai'a Apveske Jesús ma'a.

Lucas 16:28

kakpota eleltennaskakhak 5 elialheng'a aktakha asvetai'a hengke'e, elianmongkesek hata apvalho'ok kakpota melvek hengke'e nenlengaiankolha nak akmaska akiavai'a", lhna aptemak ma'a.

Hechos 20:23

Koka neksa alhengama alhta mota lhamakho apkellavakha lhmankek ham, heltennaskangke lhta mota Espíritu Santo nkolhe ta hetvaso m'a, kakpota nhan ngkolhek hetalhneso nenmammalhkelha.