Hechos 20:2 - Nuevo Testamento Toba Maskoy

² Aptaiangka lhnak amaika'a m'a lhamakho apkellavakha akietelha la apmeiekhelha, apkeliatekho lhnak apkelialheng'a m'a, netamen nak ma'a apvakho lhnak Grecia.

Hechos 20:2 Referans Kwoze

1 Tesalonicenses 4:1

Ketlhengkap elialheng'a, neleltennaskek lhema nempaivoma akieplomo apvesai'a apveske engankok Jesús, eltaqmelkasakpo ta lhamakho aknem ngkanek apiaspongkomakha Eniapom Neten ma'a, ka nentaiangkolha lhta nhan nengetlhekmoseiangko ketlhengkap ma'a, kolhva apkelleliahakhavek na ketlhengkap ma'a.

1 Tesalonicenses 2:3

Netlhekmoseiangke lhta mota nhan akto haveniapak ankek, ma lhta nhan nkolhnaiangkok engelvalho'ok malha alposkama la qaselha kakpota nhan mankonmahai'ak angeliennengkesek.

Colosenses 1:28

Ennengko'o nelpaieskek ania'a aplhenammap Cristo, nellaskek na qaselha, netlhekmosenke mota akieplomo akiavai'a nkek neliangveiakmo kakpota etnangkok aliennaktema nkek apvalho'ok ketlhengkap apkanemakha nhan etnangkok Cristo m'a.

1 Tesalonicenses 2:11

Apkelvetai'a lhta nhan neliatekho ketlhengkap kanhan nelpaieskaiakmo apvalho'ok moklhem'a ketlhengkap malha apto nak lhema apiapom nematka aptaqmelkeskaiam la apvalhok apketka, nengeleltennaso lhta nhan etnangkok aptaiangkolha apkelpeivomo ngkanek apkellelto apkennemolhema Eniapom Neten, apto lhta nhan apkellavekama kakpota eltemengvomok ma'a apkelveskaie' kakpota nhan apkelientalhnemo.

Hechos 20:11

Ka apkanantakho lhta mokhom Pablo neten pa'at, aptavengko nentoma aktaqmanma m'a. Apkempakho lhta mokhom apketlhekmoskama akvakmo atsak'o m'a, netamen aptaqhakho nhan ma'a.

Hechos 17:10

Ka aptemo lhnak pelhasep ma'a, apkellapaskamo lhnak apkelialheng'a Pablo kakpota nhan Silas enmeiakhak natemma Berea, ka apkelentalhnengvaiakmo lhnak akieto apkaqnekhelha judios ma'a.

Hechos 17:1

Ka apkelempaikokho lhnak mokhom apketlhengama Pablo kakpota nhan Silas, apkeliekangvekho lhnak na temma Anfipolis kakpota nhan Apolonia, apkelvekho m'a na temma Tesalonica, nietnengkek nak na apkaqnekhelha judios ma'a.

Hechos 16:12

Netamen ma'a nenmeiakho natemma Filipo, ko Roma lhta apankok ma'a, akto neten ankek akiaspommalhka m'a akieto konne iokhalhma Macedonia, nengakhengvakho nhan moklhem'a aknem ma'a.

Hechos 15:41

Ka aplhengamo lhnak ma'a, apkeliekai'o lhnak Siria kakpota nhan Cilicia, apkeliateikokho lhnak moklhem'a iglesia apkelvaianlha la'a.

Hechos 14:22

Ka apkeleltemo lhnak amaika'a apkellelto nema altamesaikamok ma'a, apkeliateikokho lhnak na etlhengkesek meliaskeiam Jesús ma'a, lhnak aptaiangkok ma'a: —Annengangkok hata akiavai'a akientalhnema nenmak'o la antalhnengvomok akieto nak ma'a aptemakha apveske Eniapom Neten —lhna aptaiangkok ma'a.

Hechos 2:40

Aplhengkeskangkek nak Pedro apkeleltennasekamok ma'a apkanemakha eltehek, lhnak aptemak: —¡Elvongkasap tep apieseksek anak enenlhet'avok apkellanekamo mota ngkolatsekama nenvanlha nak! —lhna aptemak.

Lucas 3:18

Koka hengka nlhaniek nak aktemakha apietkeskama Juan apketlhekmoskama ania'a aktaqmanma enenlhet'avok ma'a.

Hechos 20:1

Netamen nak ma'a akmaskemo akiennoma lhma' m'a, ka apkellaveiangka lhnak Pablo aplhamakho nema altamesaikamok kakpota eleltennasangkok apkeleltakha ta etnangkok. Netamen nak ma'a apkelpaivesaiangko nhan, aplhengamo lhnak apmeiekho iokhalhma Macedonia.

Hechos 20:3

Ka apnekho lhnak m'a akvakmo apkanetolhem'a pelten, nkaikama lhnak aplhengama mokhom Pablo enianetvomok loma nemmen ma'a kakpota elhong akieto iokhalhma Siria. Ka aplengai'o lhnak ania'a apkellanekha aptangkolha judios apkenmahai'a ennaktevaksek ma'a, aklheianmo lhnak apvalhok etaqhok neptamen nalhepop apmenek eiekangvakhak Macedonia.

1 Corintios 4:19

koka kolhvavek hata avatak ham apkelto la Apveske, alvetangvetak hata apkellelto nak aliephesekama apkellammakpo, vanlha koka mok apatno'ok niapma'ak ma'a, atengvatak hatelha apkenmopvanka la ellanangkok qaselha.