Hechos 20:17 - Nuevo Testamento Toba Maskoy

¹⁷ Nengakhangke lhta m'a na temma Mileto, ka apkelto lhta Pablo ngkolhek aleltennaskakho metnangko apketko'ok iglesia akieto Efeso elelhiemok apnakha m'a.

Hechos 20:17 Referans Kwoze

Tito 1:5

Asiamasangvakhe lhta lheiap ham Creta kakpota esavhok apmakmekama lhta, aspekkenkasakhe lhta nhan askaikamok lhema aspaioma nentemakha angeliekieksek apkeliamo la lhma metno apketko'ok kakpota etnangkok apkelemhama apmaniaie moklhem'a la apkaqnekhelha Jesucristo apkennemolhema m'a.

Hechos 11:30

Ka apkellangkongvekho lhnak patakkom Bernabe kakpota nhan Saulo kakpota elletsakhak ellangkongvakhak metno apketko'ok akieto Judea kakpota ennaskangkok apankavek ma'a.

1 Timoteo 5:17

Nietavek etlhevangkok akianmoma akietemo nkoie aniem'o nhan apkellai'o metno apketko'ok anak apkellelto apkenmakmekama akientalhnema apieseksek anak ham, apkellelto nak apkeleltennaikama, apketlhekmosekamok nahan.

Santiago 5:14

Apno la nhan lhema enenlhet akmaska apiempek, ntasek ellavama metno apketko'ok anak iglesia kakpota elmalhneskasangkok ma'a, eleltelhnangkok nahan aceite akmaska eniempek ankok akieplomo apvesai'a Apveske.

Hechos 20:28

Pastores aptaiangkok ketlhengkap aniem'o Espíritu Santo apkeltemeskeskama apkelemhama apmaniaie, ¡elel·halhnama ta mota ketlhengkap! Eltaqmelkes hata nhan apkellelto iglesia apankok Apveske, apkellelto lhta nhan apkenmama aniem'o ema apankok.

Hechos 14:23

Apkelteskesaiangko lhnak na metno apketko'ok takhaplhet'ok moklhem'a apkaqnekhelha iglesia m'a, apkelelmalhneiangko lhnak nahan, apkellaqhaskesammakpo lhnak na mek kakpota elpokkenek ellasennama Apveske aniem'o meliaskeiam ma'a.

3 Juan 1:1

Ko'o asto metno apketkok, nlhenkek evalhok lheiap Gayo apto astema emo'ok, have niapak ankek askasekhai'o lheiap.

2 Juan 1:1

Ko'o asto metno apketkok nlhenkek evalhok lheia akto amhama amanie kanhan atkak, Eniapom Neten apkeliekieskama lheia. Have niapak ankek askellamelaiam ketlhengka, have vanlha nhan ko'o askellamelaiam lheia, apkellamelaiakmek na ha'e aplhamakho apkellelto nhan apkeliangveiakmo akto nak have niapak anke.

1 Pedro 5:1

Kolhva asmak'ak aleltennaksek metno apketko'ok anak apketlhengkeskeskama na mota apkaqnekha apieseksek anak ketlhengkap, ko'o nhan asto motno apketkok, asvetaiangko lhta nhan aplengaiangko Cristo, alhkak hata nhan qaselha altaqmelo akmo'o ta nkovak emanie nak.

Hechos 16:4

Ka apketlhengamo lhnak ma'a, apkeliekaiangkolha la na temma apkakhaiangkelha la apkelialheng'a, apkeleltennaseiangko lhnak ania'a m'a apkellanemmakpelha etnangkok apketlhevai'a nema allapaskamo kakpota nhan metno apketko'ok akieto m'a Jerusalen kakpota eleliehekhok ma'a.

Hechos 15:23

Ka apkellaiangko lhnak na lhema vakkahak kakpota etso'ok ma'a, lhna ntemak aktalhesammalhka: Ennengko'o nema hengellapaskamo kanhan metno apketko'ok, kanhan engelialheng'a, nketlhenkek engelvalho'ok ketlhengkap engelialheng'a metnangko nak judios akieto ham iokhalhma Antioquia, Siria, kakpota nhan Cilicia.

Hechos 15:6

Ka apkaqnekho lhnak mokhom nema allapaskamo kakpota nhan metno apketko'ok kakpota etlhenek aktemakha m'a.

Hechos 15:4

Netamen Pablo kakpota nhan Bernabe apketlhengekho lhnak mokhom apkelvekho Jerusalen. Ka apkenmaiangko lhnak takha apkellelto iglesia m'a, nema allapaskamo nhan kakpota nhan metno apketko'ok. Apkeleltennaiangka nhan Pablo kakpota nhan Bernabe lhamakho aptemakha apkellanekamok qaselha aniem'o Eniapom Neten.

Hechos 18:19

Ka apkelvekho lhnak natemma Efeso m'a, apkelieniekho Pablo apketlhelhma'ak Aquila kakpota nhan Priscila, apmeiekho nhan apkaqnekhelha judios, apkellatemommakpo nhan ma'a.

Hechos 20:15

Lhema aknem lhta ntak netlhengama m'a nelieko'o na temma Quio, mokhom alhta lhema aknem netlhengama nelieko'o lhta natemma Samos, akieto nekha iemmen akiavai'a aknaktetemmalhkelha loma nemmen. Ka nempokho lhta mokhom netlhengama lhema aknem, nelvakho natemma Mileto.