Hechos 2:5 - Nuevo Testamento Toba Maskoy

⁵ Apkakhaiangkek nak na m'a akieto Jerusalen judios apankavek apkellamelaiam Eniapom Neten apkelleniem'o m'a lhamakho apkellavakha lhmankek ham, apkelpaqmeteiangka lhnak mo'ok aktemakha apkelpaqmeiasma

Hechos 2:5 Referans Kwoze

Hechos 8:2

Moklhem'a enenlhet nak na apkelleliehekho mota Eniapom Neten apkenmaiangko aphapak apketsepma Esteban ma'a, apkelkatonnemo nhan, avanhek ankek nak apkeliapqalhema m'a.

Lucas 2:25

Apnengkek nak ma'a lhema enenlhet apvesai'a Simeon, apeivomo lhnak ma'a, apkeliehekho lhna mota Eniapom Neten. Avanhek ankek nak apkel·halhanma ngkolhek hata alpaieskeskakmo apvalho'ok ko Israel, Espíritu Santo lhna songke mota aplhelhma m'a Simeon.

Colosenses 1:23

Nkaimelhkek eliennakteksek meliaskeiam anak, metka apkelieniekha m'a alel·halhnekama apvalho'ok elvetak hata aktaqmanma aniem'o ania'a aktaqmanma apkellengai'a lhta, nema aleltennaskamo mota lhmankek ham. Ko'o nhan askeleltennaskama ania'a nak aniem'o lhta heiapaskama Eniapom Neten.

Hechos 22:12

Apne lhta m'a lhema enenlhet apvesai'a Ananias, apiave panke lhta lhma, apkeliehekho lhta mota ley Moises, apketlheianme lhta mota enenlhet ko Damasco apiamolhma m'a.

Hechos 13:50

Koka apkellelto judios apkelentennaskekho lhnak meliamolhma Pablo kakpota nhan Bernabe naqtavek ngkelvana'ak aliamolhma, ngkeskama alletsekama nhan ma'a. Napaqtavek na apkelemhama apmaniaie' neten apankavek akieto apiav'akha temma nak, knemo nhan alentepkeskamo iokhalhma nak ma'a.

Hechos 10:7

Ka aptaqhemo lhnak ángel ma'a, apkaqhetaiangka lhnak na apkellaveiangka Cornelio apqanet apkellennengkasekama kakpota nhan lhema soldado apankok apiamolhma apanke.

Hechos 10:2

Apiamolhma lhnak ma'a, apkai'o lhnak na Eniapom neten ma'a akvekho apkennemolhema apketkak. Apkellaiangko nha mota patakkom apankok apkelpasmomo Judios, apkenmalhnonkoma mota nhan Eniapom Neten.

Hechos 8:27

Ka aplhengamo lhnak Felipe m'a, nalhet amai nak apkelvetammakpok lhema enenlhet nema alhakkeskama appopok apkemhama apmanie ko Etiopia. Apkeltakmelkeskama patakkom ankok nak akiav'akha aveske ko Etiopia, Jerusalen nak na apkempai'ak ma'a kakpota elteklheiok aptapno'ok, enialhentamok na kakpota eniahok Eniapom Neten ma'a.

Hechos 2:1

Ngvaiakmek nak aknem aktaqmelaiangkelha lhma akvesai'a Pentecostes ma'a, apkaqnekhek nak aplhamakho apasmekho m'a.

Juan 12:20

Apkakhangke lhta nhan ma'a moklhem'a griegos apkelpasengvaiam aktaqmelaikama lhma Pascua m'a kakpota elteklhengkok aptapno'ok, el·halhentamok na napaqtek Eniapom Neten ma'a.

Lucas 24:18

Ka apkatemmoiangka lhnak apvesai'a Cleofas, lhna aptemak: —Lhamakho amaika'a apkeliave aktakha akvetammalhka m'a Jerusalen, vanlha noka meiho lheiap —lhna aptemak.

Lucas 17:24

Hato ka apvaktamo ta Enenlhet Apketka nak, malha apkelienmaiam anak akvekho nav'a aksavhekho alhma nkek ham.