Hechos 2:42 - Nuevo Testamento Toba Maskoy

⁴² Vanlha lhna mota apkellasekhai'o aktemakha apketlhekmosekamok nema allapaskamo, apkeltaiangkolha lhna lhta mota nhan apketlhelhma'ak, kakpota nhan aptaveikokho lhemek, kanhan apkelpasmekho apkelelmalhnongkoma m'a.

Hechos 2:42 Referans Kwoze

Hebreos 10:25

Mongelvatesankek na nengaqnekha neltaqneskasekamok anak Eniapom Neten, angeliatekhok na emmo'ok ngkanek ketse nkaimelhkak akvai'a ta aknem.

Hechos 1:14

Aptaiangkolha lhna mota apkaqnekho apkelelmalhnongkoma m'a kanhan moklhem'a ngkelvana'ak, kanhan ma'a Jesús angken akvesai'a María kakpota nhan apkelialheng'a m'a.

1 Juan 1:3

Hai, netlheianme mota aktemakha lhta nenvetai'a, nellengai'a nhan, kakpota ketlhengkap hengelpasmekhak ennengko'o m'a, ka ktemo nak ennengko'o hengelpasmekho Eniapom kanhan Apketka Jesucristo.

1 Juan 1:7

Koka nellava la atsak'elha lhma ennengko'o, malha aptonak Eniapom Neten apnek nhan atsak'elha lhma m'a, nentangkek nelpasmekha engankavek nenieseksa ennengko'o m'a, kanhan apketka Jesucristo ema apankok alalhnaskama engelvalho'ok malha alpaiseiam aniem'o qaselha ngkollatsekama nellanekamok.

Hechos 2:46

Lhamakho knem nak apkaqnekha mota akieto Eniapom Neten apnemakha m'a, kakpota nhan apkelpasmekho m'a apkakhaiangkelha nentoma aktaqmanma. Aptaveikokho nhan nentoma nkek akieplomo alpaihekha apvalho'ok ma'a kakpota nhan allakhaiangka apvalho'ok.

Hechos 20:7

Ampakhasekha nke knem semana alhta ntak nengaqnakho m'a akieto mo'ok av'alhok neten pa'at kakpota angellanangkok nentoma aktaqmanma m'a. Nlhanie lhta nhan talha alhankok nema alapommatkeskama m'a, aholhe lhta apketlhekmoskama Pablo m'a meliaskeiam ma'a akvakmo neplhet pelhasep alhta m'a, lhta ngkanek apmak'o elhong mokhom sosekhek ankek ma'a.

Efesios 6:18

Elelmalhna ta mota Eniapom Neten, ellapiosama ta nhan aniem'o Espíritu anmaikama. Elel·halhnama ta metka apkel·halhiongvaiam, ellapiosakpo ta nhan apkelelmalhneskeskama aplhamakho apkelpokkenammap anak.

Judas 1:20

Elvaskap hato ka aktaqmanma nke nak meliaskeiam ketlhengkap elialheng'a askellamelaiam, elelmalhna ta mota aniem'o apkelpasmoma Espíritu Santo.

Colosenses 4:2

Elelmalhna mota metka nnelha Eniapom Neten, elelketnama ta nhan kakpota nhan etnangkok gracias Eniapom Neten.

Colosenses 1:23

Nkaimelhkek eliennakteksek meliaskeiam anak, metka apkelieniekha m'a alel·halhnekama apvalho'ok elvetak hata aktaqmanma aniem'o ania'a aktaqmanma apkellengai'a lhta, nema aleltennaskamo mota lhmankek ham. Ko'o nhan askeleltennaskama ania'a nak aniem'o lhta heiapaskama Eniapom Neten.

2 Timoteo 3:14

Lheiap koka elhengkes hata mei'askeiam akiennaktema apiangveiakmo lhta, ngkanek apiavek na lheiap ma'a akto have niapak ankek, ngkanek na enenlhet'avok apkeliamolhma apketlhekmosekamo lhta lheiap.

Efesios 2:20

Ketlhengkap malha pa'at la akiavai'a alanemmalhka takhalhet avhok aliennakteskamahka nak akvesai'a apketlhekmosekamok nema allapaskamo kakpota nhan apkeleltennasemmap ania'a, Jesucristo koka apto malha metaimong aktaqmanma aktaqheskamakha avhak pa'at alanemmalhka.

Hechos 14:22

Ka apkeleltemo lhnak amaika'a apkellelto nema altamesaikamok ma'a, apkeliateikokho lhnak na etlhengkesek meliaskeiam Jesús ma'a, lhnak aptaiangkok ma'a: —Annengangkok hata akiavai'a akientalhnema nenmak'o la antalhnengvomok akieto nak ma'a aptemakha apveske Eniapom Neten —lhna aptaiangkok ma'a.

Hechos 6:4

Angetlhengkesek hato ka mota ennengko'o nelpaqmetkeskama Eniapom Neten, angeltennasangkok na ania'a aplhenammap Jesús —lhnak aptaiangkok ma'a.

Hechos 4:31

Ka akvaiakmo lhnak nnelha apkelelmalhnongkoma m'a, akievheiangka lhnak akietemelha apkaqnekhelha m'a, apkellapvai'o lhnak Espíritu Santo aplhamakho m'a, apkelteniaiavek nak na apiempeiok apketlheianma Eniapom Neten apaivoma m'a.

1 Corintios 10:21

¡Mankoietok ketlhengkap einangkok nohaikok ankok anak kasekapok av'alho'ok kanhan nohaikok apankok anak Apveske! Mankoietok na etavangkok nentoma aktaqmanma Apveske nak apankok ka nhan keliaqhameio' nentoma ankok.

Romanos 12:12

Kolpaihekha ta mota apvalho'ok aniem'o alel·halhnekama apvalho'ok elvetak hata aktaqmanma. Neksa apkelvetai'a la akientalhnema, elel·halhen hata metka apkelpekheskama apkeleltemo elpasmok Eniapom Neten, elelmalhna ta mota metka nnelha m'a.

Hebreos 10:39

Ennengko'o koka manlhok ma'a enenlhet'avok anak apkeleltaqhemo neptamna'ak, apketlhenengvaiam anak ma'a. Ennengko'o koka nengelelto malha apkellelto nak apkelvonkasemmap tep aniem'o mongeliaskeiam.

Hechos 11:23

Bernabe lhnoka apto enenlhet apiamolhma', aklanei'o lhnak na apvalhok Espíritu Santo m'a kakpota nhan mei'askeiam ma'a. Apvekhek nak Bernabe m'a akieto Antioquia, apvetangvekho lhnak Eniapom Neten apkeltakmelkeskama enenlhet'avok ma'a, avanhek ankek nak na akpaihekha apvalhok ma'a. Ka apkeliatekho lhnak ma'a enenlhet'avok kakpota melvatesankek apkelleliehekho Apveske. Aplhaniek nak enenlhet apkellailhemo Bernabe, ka aptaiangko nhan meliaskeiam Apveske m'a.

1 Corintios 11:2

Askeltaqneskasengkek ketlhengkap ngkanek nketlheianvakhe mota apvalho'ok ko'o, apkelleliahakhavek na askeleltennasekamo lhta etnangkok.

Hechos 20:11

Ka apkanantakho lhta mokhom Pablo neten pa'at, aptavengko nentoma aktaqmanma m'a. Apkempakho lhta mokhom apketlhekmoskama akvakmo atsak'o m'a, netamen aptaqhakho nhan ma'a.

1 Juan 2:19

Apkakhangkek nenieseksa ennengko'o m'a apkellammelhmakha nak, koka hengelieniekhek lhta nhan ngkanek have netlhelhma'ak engankavek ma'a. Lhta kto la netlhelhma'ak engankavek ma'a, manghengelieniekhe lhta nhan ma'a, nelvetai'a koka iokhalhmek ankek have aplhamakho netlhelhma'ak ma'a.

Galatas 1:6

Avanhek akiemaskama evalhok ketlhengkap aslengai'o ania'a apkelvatesaikamok kolhvavek ankek apkelieplavkeskama Eniapom Neten ham, apto lhta apkellavekama, apkelvetaskeskama lhta nhan apkellamelaiam aniem'o m'a apkellapaskeskama Cristo kakpota eltaqmelkeskesek apkellangiemhaikama ketlhengkap ma'a. ¡Koka apkelvatesaiangkek na lhta ania'a aktaqmanma apkelieplavkeskama ketlhengkap, apkelieplekho lhna lhta m'a mo'ok ania'a iama aktaqmanma!

Hechos 4:23

Apkelpaqnemekhek nak apkelemhama apmaniaie judios Pedro kakpota nhan Juan, ka apkenmeiekho lhnak apkankeskekho apketlhelhma'ak. Apkeleltennaseiangka lhnak ania'a aktemakha apkelpaqmetkeskama apkelemhama apmaniaie sacerdotes kakpota nhan metno apketko'ok ma'a.

Lucas 24:35

Ka apkeleltennaiangka lhnak aktemakha apkelvetai'a amai akmaiangko Emaus, netamen apkeliekpelkangveiakmo lhnak apiaptemo pan ma'a.

Lucas 24:30

Apkakhaiangkek nak aptaveikokho m'a, ka apmamo lhnak pan Jesús, aptemo lhnak na gracias Eniapom Neten, apkellaiangko nhan ma'a.

1 Corintios 14:6

Ka kto nak ma'a, asmeianto la ham apieseksek anak asto la amaika'a, akhemo ta ngkotnek aliatama mo'ok nempaivoma melioho ketlhengkap, meliehek hata nhan ania'a akielhammalhka aliatamaha, metlhokiek hata nhan apkeliangveiakmo, meliehek hata nhan ania'a aniem'o Eniapom Neten, meliehek na aktemakha asketlhekmoskama.

Filipenses 1:5

ka ngkanek ampai'akhasekha lhta apkellengai'o sekhek ania'a aktaqmanma akvakmo nenvanlha nak, helpasmongke lhta mota asmakmekama nak.