Hechos 2:41 - Nuevo Testamento Toba Maskoy

⁴¹ Nnengkek nak allavkeskamo konne iemmen apkellelto meliaskeiam aptemakha apkeltennaikama Pedro m'a, aplhameiangkek nak aptaikamok meliaskeiam Jesús ma'a, malha lhnak 3.000 enenlhet'avok ma'a.

Hechos 2:41 Referans Kwoze

Hechos 4:4

Mang nantek enenlhet'avok apkellailhemo apaivoma Pedro kakpota nhan Juan, mang nak na eliaskeiakmok ma'a, malha lhnak 5.000 apkelennava'ak ma'a.

Hechos 2:47

Apkeliavenkaseiangka nhan apvesai'a Eniapom Neten ma'a, apketlhenammakpo lhnak na apkellelto apkeliamolhma m'a. Lhamakho knem na ntemak aplhamasekamok Apveske m'a enenlhet'avok knema ta alvongkeskama tep.

Hechos 2:37

Avanhek ankek nak altaikama apvalho'ok apkellengai'o m'a, ka apkelelmalhnengvekho lhnak Pedro kakpota nhan apketlhelhma'ak nema allapaskamo, lhna aptaiangkok: —Elialheng'a, ¿ko la antemeskesangkok ennengko'o m'a, he? —lhna aptaiangkok.

Juan 14:12

Aniakhak hata ko'o akieto apnakha Eniapom, ka ngkanek apkellelto la mangheliaskeiam etnangkok hata aktemakha nak askelanai'a ko'o. Tep anke hata ngkotnek apkellanai'a qaselha m'a, have niapak ankek hata ngkotnek ma'a.

Hechos 13:48

Nkelpaihekhek nak apvalho'ok metnangko judios apkellengai'o m'a, apketlheianmo lhnak na aktaqmanma Eniapom Neten apaivoma, meliaskeiakmo nhan apkellelto apkeliekieskama Eniapom Neten kakpota ngkoitek aliennaktema apnenio'ok mankotnengvaianlha nnelha.

Hechos 1:15

Lhema knem na ntemak ma'a, apkelpaqmetkeskamo Pedro m'a apkellelto apkelialheng'a m'a, apkaknekhek nak malha 120 enenlhet'avok ma'a, lhna aptemak apkellanemo:

1 Tesalonicenses 1:6

Apketlhengkeskangkek ketlhengkap hengelvanekamo nentaiangkolha ennengko'o kakpota nhan aptemakha lhta Apveske, avanhe lhta niekhe apkellengaiangko akientalhnema ketlhengkap ham, nkaqho lhtoka apkenmaiangkek takha ania'a aktaqmanma akieplomo alpaihekha apvalho'ok aniem'o Espíritu Santo m'a.

Hechos 3:23

Koka apkellelto la meleliehekho m'a apkeltennasemmap ania'a nak ma'a, ngkolhek hata aktepkeso m'a nentema nennemolhema m'a", lhnak nanek aptemak Moises annenga.

Hechos 7:14

Ka apkeltemo lhnak José eliantementak na apiapom Jacob kakpota nhan aplhamakho aptema aplhamakha akieto Egipto, 75 enenlhet nak ma'a.

Hechos 27:37

276 enenlhet'avok alhta m'a konne loma nemmen.

Romanos 13:1

Eleliehekho ta m'a apkelientalhnemo nak, ngkanek Eniapom Neten apkeltemeskeskama.

1 Pedro 3:20

aniem'o lhnak na nek mankoleliehekhok Eniapom Neten ma'a, neksa aploma lhnak nanek Noé. Mepekheskamo lhnak nanek na Eniapom Neten epenaksek loma nemmen akiavai'a m'a Noé, apkelvaiakmo lhnak nanek na tep 8 enenlhet apkelvaivekamok neksa akmamai'a akiavai'a.

Apocalipsis 16:3

Ka apiangkeno lhta mokhom segundo ángel nohaikok takhalhet alvata lhmankek ham, ka aktakho lhta iemmen ema m'a. Malha lhta ema apanko'ok la apkeletsepma enenlhet, aletsepo lhta nhan lhamakho nkek kaselha alloma la nemmen ma'a.

Juan 21:11

Apkanetvakhe lhta Simon Pedro loma nemmen ma'a, apienioskakho lhta iama tetekko apanko'ok apveskaktamo lhta neiava alvata. Nlan'ave lhta kelasma m'a, 153 kelasma aliavai'a lhta m'a, ma lhtoka nkolietepak iama tetekko m'a.