Hechos 2:40 - Nuevo Testamento Toba Maskoy

⁴⁰ Aplhengkeskangkek nak Pedro apkeleltennasekamok ma'a apkanemakha eltehek, lhnak aptemak: —¡Elvongkasap tep apieseksek anak enenlhet'avok apkellanekamo mota ngkolatsekama nenvanlha nak! —lhna aptemak.

Hechos 2:40 Referans Kwoze

Filipenses 2:15

kakpota metlhenakpek ketlhengkap, etnangkok na nalhep'avek apvalho'ok, metka alpaiseiam nahan malha Eniapom Neten apketkak apieseksek enenlhet meliamolhma kanhan apkeltemengvekho na lhma. Ntasek etnangkok malha apkelapommatma ketlhengkap apieseksek anak ma'a,

1 Timoteo 4:16

Etaqmelkasakpo ta neksa apkaniemhaikama, elketnamok hata nhan kakpota metlhekmoksek mankoietemo. Ka apkeliahakho la astakha nak askano lheiap, evongkasakpok hata nhan tep lheiap, elvongkesek hata nhan tep apkellelto la apkelleliehekho apkeltennaikama lheiap.

Efesios 4:17

Kolhva asmak'ak atnek allana aktaqmanma nkek hengke'e akieplomo apvesai'a Apveske, ¡metnamo nkek ketlhengkap aptaiangkolha nak melioho nak Eniapom Neten! Apkelieplavkaske mota alietnaikama apaqto'ok nkolietemo m'a.

2 Corintios 6:17

Lhnak nane aptemak mokhom Apveske: «Elentep hata apieseksek anak ham, elieniekha ta, menmangvomankek nan ma'a qaselha apanko'ok ma'a akmovana nak nkolpaisengkeskesek apvalho'ok. Netamen hata m'a anmok hata takha ko'o,

Galatas 5:3

Asmak'ak alhenek mokhom, lhema enenlhet la apiaqtemanma nekha tkok apkammelhakha, nkaimelhkek na eieplavkesok lhamakho ley.

Hechos 28:23

Ka apkelpekkeno lhta lhema aknem eniaqnekhak hata mokhom ma'a. Ma lhta ntek enenlhet'avok apkenmeioiam apnakha nhan Pablo m'a apkenmahai'a ellailhok ma'a. Sosekhe anke lhta apkempak apkeltennaikama Pablo m'a akvakho ienaqteso ania'a aktemakha aptema apveske Eniapom Neten. Ka apkelpeiveskasakho lhta nhan ley Moises kakpota nhan vakkahak apnaktalheskama apkeleltennasemmap ania'a annenga aktemakha aplhenammap Jesús.

1 Pedro 5:12

Hai, akiakvatema nkek vakkahak anak astalheskama aniem'o nhan hepasmoma astema emo'ok nengaqtek eialheng Silvano, astalheskek vakkahak anak askellanemakha etnangkok, kakpota elvetaskesek qaselha altaqmelo alleniem'o Eniapom Neten akiavai'a apkellamelaiam ketlhengkap ma'a, etlhengkes hata nhan alpaihekha nak apvalho'ok aniem'o apkellamelaiam ma'a.

1 Tesalonicenses 2:11

Apkelvetai'a lhta nhan neliatekho ketlhengkap kanhan nelpaieskaiakmo apvalho'ok moklhem'a ketlhengkap malha apto nak lhema apiapom nematka aptaqmelkeskaiam la apvalhok apketka, nengeleltennaso lhta nhan etnangkok aptaiangkolha apkelpeivomo ngkanek apkellelto apkennemolhema Eniapom Neten, apto lhta nhan apkellavekama kakpota eltemengvomok ma'a apkelveskaie' kakpota nhan apkelientalhnemo.

2 Corintios 5:20

Hai, ennengko'o hengellapaskama Cristo kakpota angelleltennaksek ania'a ketlhengkap, malha la nhan Eniapom Neten apkellasnekama napaqtavek ketlhengkap. Akieplomo apvesai'a nak Cristo nellasnema ketlhengkap neleltemo ellasekhekhok mokhom, eleliehekhok nahan Eniapom Neten.

Hechos 20:24

Koka mamma aptaikama evalhok angvetsepok kelhaha, askeltavek ko'o asavhok asmakmekama malha askelpaivasemmalhka aptakha lhta apaivoma Apveske Jesús heiano akieplomo akpaihekha evalhok, apkeltemo lhta apaiaksek ania'a aktaqmanma aplhenammap hengellamelaiam Eniapom Neten.

Lucas 21:36

Ntasek elel·halhnama ketlhengkap, vanlha elelmalhnamo mota Eniapom Neten kakpota apvanka'ak enieniangkok aiseksek akientalhnema nak, kakpota elvakhak ma'a napaqtek Enenlhet Apketka nak —lhna aptemak Jesús apkellanemo apkeltamesaikamok.

Marcos 8:38

¡Ellailhono! Menmangkankek hetlhenek ko'o apkelvakho ta napaqtavek enenlhet apkellanekamok anak ngkollatsekama kanhan apkelleliasepkasekama nak. Koka apkenmangko la hetlhenek asvesai'a ko'o, Enenlhet Apketka nak emangkak hata nhan etlhenek apkelvesai'a ketlhengkap apvaktamo ta akieplomo apmopvana apkaikamok aniem'o Apiapom ma'a, ángeles apkelpokkanma hato ka apketlhelhma'ak ma'a —lhna aptemak.

Hechos 20:21

Askeliatengke lhta judios kakpota nhan metnangko nak judios askeltemo eliaqmongkasekhak mo'ok apvalho'ok napaqtek Eniapom Neten kakpota nhan meliaskame Apveske engankok Jesús.

Juan 21:25

Mantek mokhom mo'ok qaselha apkelanai'a Jesús, mansavhek koka niekhe antalhaksek aklhamakma la vakkahak aktemakha apkelanai'a lhta Jesús ma'a.

Hechos 20:11

Ka apkanantakho lhta mokhom Pablo neten pa'at, aptavengko nentoma aktaqmanma m'a. Apkempakho lhta mokhom apketlhekmoskama akvakmo atsak'o m'a, netamen aptaqhakho nhan ma'a.

Hechos 20:9

Apkailhengke lhta m'a lhema apketkok apvesai'a Eutico, neten alhta pnak atong atkok, tenn alhta nkaqhak ma'a aniem'o akvenaktema apkeltennaikama songke Pablo. Ka apteiakmo lhta m'a apkempo'o lhta akieto apteiam 3 av'alho'ok neten, ka apkelentepo lhta koneng enenlhet'avok apkenmahai'a elankesekhak neten, koka apkelvetangvakhe lhta apketsepma m'a.

Hechos 20:2

Aptaiangka lhnak amaika'a m'a lhamakho apkellavakha akietelha la apmeiekhelha, apkeliatekho lhnak apkelialheng'a m'a, netamen nak ma'a apvakho lhnak Grecia.

Hechos 15:32

Judas kakpota nhan Silas apkellelto lhnak na apkeleltennasemmap ania'a, apkelpaieskeskaiakmo lhnak na apvalho'ok, apkeliateikokho lhnak na apkelialheng'a m'a.

Hechos 10:42

Netamen hengellapaskamo ennengko'o angeleltennaksek ania'a Eniapom Neten aptemeskeskamo Jesús hengiekpelkemo niapom apkellelto aphalhnanko'ok kakpota nhan apkenmaskengvaiakmo.

Lucas 16:28

kakpota eleltennaskakhak 5 elialheng'a aktakha asvetai'a hengke'e, elianmongkesek hata apvalho'ok kakpota melvek hengke'e nenlengaiankolha nak akmaska akiavai'a", lhna aptemak ma'a.

Hechos 4:36

Apnengkek nak na lhema enenlhet apvesai'a José apkeniem'o Chipre, aptaven neptamen noka m'a Levi. Koka nema allapaskama m'a apkeliaqmongkaskesekho lhnak mo'ok apvesai'a, Bernabe lhnak apteskaseikokhak apvesai'a m'a, nema ltema apaiesekha engvalhok aniapom.