Hechos 2:24 - Nuevo Testamento Toba Maskoy

²⁴ Netamen aplhatekhaskeiakme lhta nhan apieseksek apkenmaskengvaiakmo, apaknengkasekhe lhta akmaska nengetsepma, mankavankek mokhom ngkomangkok ma'a.

Hechos 2:24 Referans Kwoze

1 Corintios 6:14

Aptemakha lhta Eniapom Neten aptemeskasekho lhta aphalhnankok apieseksek apkenmaskengvaiakmo Apveske, hata nha ngkotnek ennengko'o m'a aniem'o apmopvana.

1 Pedro 1:21

Eniapom Neten aplhatekhaskeiam Cristo, aptemeskeskamo nhan neten apankek ma'a, ka meliaskeiakmo nhan ketlhengkap Eniapom Neten aniem'o nhan apkeltemeskeskama Cristo, nnankek na alel·halhnekama apvalho'ok eltaqmelkeskeskamok hata apkellangiemhaikama m'a Eniapom Neten.

Colosenses 2:12

Neksa lhta nhan apkellavkesammap konne iemmen ketlhengkap, malha lhta nha ntemak apkelkatonnammakpo lheme la Cristo, netamen apnaklhatekhangveiakmo nhan lhemek ma'a aniem'o meliaskeiam apmopvana Eniapom Neten apto aplhatekhaskeiam ma'a.

Hechos 2:32

Jesús alhta m'a, nelvet'a lhta ennengko'o Eniapom Neten apto aplhatekhaskeiam ma'a.

Efesios 1:20

aklhatekhaskeiakmo lhna lhta nhan Cristo neksa apketsepma, akneskekho nhan neten akieto akiennakha Eniapom Neten.

Juan 10:18

Astema ehenkek askaikamok asiennaktema, mamma enenlhet helekkesek ma'a, nietnek asientalhnemo kakpota allangkok, amekhok mokhom takha m'a, ngkanek Tata aptema m'a —lhta aptak Jesús ma'a.

2 Corintios 4:14

Neliavek na ennengko'o m'a apto aplhatekhaskeiam neksa apketsepma Jesús, hata nha ngkotnek ennengko'o m'a annaklhatekhangvomok hata m'a, ketlhengkap nahan, netamen angelvakhak hata nhan napaqtek ma'a.

Romanos 8:11

Apno la apvalho'ok ketlhengkap Espíritu apankok Eniapom Neten apto lhta nhan aptemeskasekha aphalhnankok Cristo Jesús, ellangkok hata m'a alhnankok apkeliokha aniem'o m'a Espíritu apankok Eniapom Neten apno apvalho'ok ketlhengkap, koka apkeliokha nak akmovana nkomaskengvomok.

Romanos 6:4

Neksa lhta nema hengellavkesaikamok konne iemmen, malha lhta nha ntemak nelkatonnammalhka lheme Cristo m'a, malha lhta nhan neletsepma lheme. Koka akmaskemakha lhta nhan hengenmaikama mongeliamolhma m'a, kolhva koka envanka'a mota angellanangkok qaselha altaqmelo, nnavek ma'a Cristo aplhatekhangveiakmo lhta apieseksek apkenmaskengvaiakmo aniem'o akiavai'a apmopvana Eniapom Neten.

Hebreos 13:20

Eniapom Neten apto aktaqmelaikama envalhok aniapom, apto lhta nhan aplhatekhaskeiam apieseksek apkenmaskengvaiakmo apveske engankok Jesucristo, apto aptaqmanma apkellanekama nepkesek, aniem'o ema apankok aiangko nhan ma'a akiennaktema annemo mo'ok anak apvalho'ok apkenmahai'akha ta etnangkok ma'a mangkotnengvaiam annelha.

1 Tesalonicenses 1:10

apkelel·halhneiangka lhna lhta nhan Apketka Jesús apto lhta nhan aplhatekhangveiam apieseksek apkenmaskengvaiakmo enielhiemok ma'a neten evatamok mokhom hengke'e kakpota hengelvongkesek tep ennengko'o neksa akvai'a ta apiaqmongkasekha apkeltemakha ngkollatsekama enenlhet'avok halhmankek ham.

Romanos 10:9

Enenlhet aplheno la Jesús apto Apveske, mankoiaskakmo la nhan apvalhok aplhatekhangveiam apieseksek apkenmaskengvaiakmo aniem'o Eniapom Neten apmopvana, hata evongkasakpok tep enenlhet anak ma'a.

Romanos 4:24

ennengko'o nhan ma'a nengelelto nak mongeliaskeiam Eniapom Neten aplhatekhaskeiakmo lhta apieseksek apkenmaskengvaiakmo Apveske engankok Jesús.

Hechos 17:31

Eniapom Neten alhta apkeliekieskama lhema aknem kakpota eliekpelkok aktaqmanma, nlho ka la ngkollatsekama enenlhet'avok. Akietemo nkek hata etnek ma'a. Apkeliekieskamo nhan lhema enenlhet kakpota elanak ma'a, apkelvetaskeskamo lhta nhan enenlhet'avok ma'a aniem'o nhan aplhatekhaskeiam apieseksek apkenmaskengvaiakmo —lhnak aptemak Pablo.

Hechos 13:30

Koka Eniapom Neten alhta aplhatekhaskakmok mokhom apieseksek apkenmaskengvaiakmo m'a.

Hechos 3:15

Alleniemai'o lhtoka ketlhengkap apmatnamo m'a apto niekhe apkelanai'a neniennaktema nak, Eniapom Neten koka nhan aplhatekhaskeiakmok ma'a, ennengko'o nhan nelvetaiangko m'a.

Galatas 1:1

Ko'o Pablo hetneskeskamo heiapaskama Jesucristo kanhan Eniapom Neten apto nhan aplhatekhaskeiam apieseksek apkenmaskengvaiakmo, have enenlhet apankavek hellapaskama.

Hechos 3:26

Hai, Eniapom Neten alhta aplhatekhaskakmok Apketka, apkapaske lhta nhan ma'a kakpota eltaqmelkeskesek apkellaniemhaikama apmaniaie koka ketlhengkap, kakpota elvatesangkok na qaselha ngkollatsekama apkellanekamok —lhna aptemak Pedro apkellanemo enenlhet'avok ma'a.

1 Corintios 15:15

Ka menaklhatekhangvakmo la apkeletsepma nak, malha nha ngkotnek ennengko'o ketsekama ania'a la apkenmopvanka ania'a netlheianma Eniapom Neten aplhatekhaskeiam Cristo neksa apketsepma.

Hechos 13:37

Mok aktema koka apiokha aphapak Jesús, Eniapom Neten noka aplhatekhaskeiakmo mokhom apieseksek apkenmaskengvaiakmo m'a, mannoka nkokpelkammalhkak apiokha aphapak ma'a.

Hechos 4:10

Aleltennasangko ta ketlhengkap kakpota nhan aplhamakho enenlhet'avok ko Israel, ka enenlhet alhta aptaqmalveiam aniem'o koka m'a apvesai'a Jesús ko Nazaret, apkellaqhema lhta ketlhengkap neten iamet aktenneskama, Eniapom Neten alhta nhan aplhatekhaskakmok ma'a.

Juan 20:9

Koka ma lhta eliangveiakmok aktemakha aklhenammalhko lhta mota Eniapom Neten apaivoma aktemakha aplhennammap Jesús elhatekhangvomok hata apieseksek apkenmaskengvaiakmo.

Apocalipsis 1:18

Asto ehalhnankok, asketsepme lhta ko'o sekhe lhta, kolhva koka astakhek ehalhnankok metka akvaiam annelha ta aliekaikamok iantelhkapa, nietnek na llave ankok ngkolatsenkolha apkeletsepma.

1 Corintios 15:12

Ennengko'o nengeleltennaseiangkek aktemakha aplhatekhangveiam alhta Cristo apieseksek apkenmaskengvaiakmo ¿Se lha ntemak moklhem'a ketlhengkap apketlheianmo nak menaklhatekhangvomek hata m'a apkeletsepma nak, he?

Romanos 14:9

Ngkanek apketsepke lhta Cristo kakpota nhan aplhatekhangvakme lhta apieseksek apkenmaskengvaiakmo, aptaiekho nhan apveske takhaplhet'ok apkellelto nak apkeletsepma kakpota nhan aphalhnanko'ok anak.

Romanos 8:34

Mamma nhan nkotlhenek apketselhnanemmap ma'a, ngkanek apketsepme Cristo Jesús apkeliaqmekha m'a. Netamen aptaiekho lhta nhan mokhom aphalhnankok, kolhva koka apnek ma'a napokha akiennakha Eniapom Neten, apkeltennaske mota apkeltemo elpasmok ma'a.

Juan 12:39

Ka nkeniemai'ak enenlhet'avok apkeliaskeiakmo nak Jesús ma'a, aktemo nhan aklheianma aptalheskama lhnak nanek Isaias, lhna aptemak:

Hebreos 2:14

Ka Eniapom Neten apketkak anak enenlhet apankavek ma'a, nietnek aphapetek kanhan ema apanko'ok ka nkeniemai'ak na aptaiekho lhta enenlhet apankek Jesús ma'a, ka apketsepmo nhan ma'a, aptemeskesekho lhta nhan koneng aveske netsepma akvesai'a nak aveske keliaqhameio'.

Juan 10:35

Apkeliave niekhe ketlhengkap akto have niapak aktemakha aktalhesammalhka Vakkahak Eniapom Neten Apaivoma, apketlheianmo lhnak nanek Eniapom Neten apkellelto dioses apkellelto lhnak nanek apketlhevaikamok apaivoma m'a.

Hechos 1:16

—Elialheng'a, nietavek ankek akvai'a aktemakha aktalhesammalhka vakkahak Eniapom Neten apaivoma, aplheianmo lhnak nanek apiav'akha apveske David aniem'o Espíritu Santo aktemakha Judas apkelanai'a, apto lhta aplaqloiam enenlhet kakpota elpathetek Jesús ma'a.

Hechos 5:30

Apkennapke lhta ketlhengkap Jesús neten iamet aktenneskama, koka Eniapom Neten apto Apveske apanko'ok nelieihengka'a aplhatekhaskeiakmok mokhom apieseksek apkenmaskengvaiakmo m'a.

1 Corintios 15:4

Nnengkek nak aklhengkeskaiakmo nhan metaimong alhva aphapak ma'a, nemo nhan aklhatekhaskeiakmo neksa apketsepma m'a akvakmo hanetolhem'a aknem, ka ntemak ma'a aklheianma Eniapom Neten Apaivoma.

1 Corintios 15:20

Aplhatekhangveiakmek koka Cristo m'a, have niapak ankek ma'a, apmanie pankek aplhatekhangveiam ma'a, malha aktonak amanie nkek anammalhka aktekteiapma nak.