Hechos 19:33 - Nuevo Testamento Toba Maskoy

³³ Ka apkelpeiveskasekho lhnak judios lhema enenlhet apvesai'a Alejandro aktemakha ania'a m'a, apkeliengeiangkek nak kakpota elhenek napaqtavek enenlhet'avok ma'a. Ka apkeliasekho lhnak neten apmeiok Alejandro apkeltemo elvanmak sekhe' kakpota eliatak ma'a.

Hechos 19:33 Referans Kwoze

Hechos 12:17

Mok apophek nak aptemak Pedro apkeltemo elvanmak ma'a, ka apkeltennaiangka lhnak aktemakha aptepekha nengaqlhengkasemmalhkelha aniem'o apasmoma Apveske. Netamen lhnak aptemak apkellanemo: —Enmeiakha ta ha'e, eleltennaskakha ta ania'a Jacobo kakpota nhan po'ok apkelialheng'a —lhna aptemak. Ka apteiapmo lhnak konne pa'at Pedro m'a, aplhengamo.

2 Timoteo 4:14

Altennasama ta nhan lhema ania'a lheiap, ka Alejandro lhta apto tavapak niapom apkeltekpoikama mangkolatsekama helanei'o m'a, Apveske toka eiaqmongkasekhak aptemakha nak helanei'o m'a.

1 Timoteo 1:20

Ka aktonak ma'a apieseksek anak Himeneo kakpota nhan Alejandro, askangkongvakme lhta m'a Satanas kakpota melammelhek mokhom Eniapom Neten apvesai'a.

Filipenses 1:7

Nietavek atnek aklheianma evalhok ketlhengkap akieplomo akpaihekha evalhok ngkanek helpasmoma mota neska asmakmekama aniem'o Eniapom Neten aktaqmanma nkek helanei'o. Hai, niekhe asnema konne nengaqlhengkasemmalhkelha kanhan napaqtavek apkelveskai'e kakpota angvasennalhko ehenke aniem'o askanemmalhka moiekaksek aspaieskama ania'a aktaqmanma, helpasmongke mota nhan ketlhengkap ma'a.

Hechos 24:10

Netamen ma'a gobernador Felix apkeltemo lhna lhta eliatak Pablo m'a, lhna lhta aptemak apkanemo: —Asiave ko'o lhennenga ntak aptema hengiekpelkemo niapom lheiap ka hengke'e apkellavakha nak, ka ngkanek ko'o aielhanmalhkok ehenkek altennama napaqtek lheiap akieplomo akleklemo evalhok.

Hechos 21:40

Ka apkasekho lhta apveske m'a, neksa apkenmaikama lhta m'a Pablo nelteianmeiangkolha metaimong, apkenengkasakho lhta nhan neten apmek apkeltemo elvanmak sekhek enenlhet'avok ma'a, ka apaqmeto lhta hebreo apaivoma, lhta aptak apkellano:

Hechos 13:16

Ka apkenmekho lhnak neten Pablo napaqtave enenlhet'avok, apiasekho lhnak neten apmek apkeltemo elvanmak enenlhet'avok ma'a, lhnak aptemak: —Ellailhonoho ko Israel kakpota nhan ketlhengkap metnangko nak judios apkellelto apkellai'o Eniapom Neten.

Lucas 1:22

Lhennenga lhna ntemak apiephongvektamo Zacarias ma'a, mamma lhna ntemak apaivoma, mok apophek nak aptemak ma'a. Ka atlheianmo lhnak apvalho'ok enenlhet'avok apvetai'a lhema qaselha m'a konne Eniapom Neten apnemakha.

Hechos 19:34

Koka apkeliekpelkengkek nak enenlhet'avok Alejandro m'a apto judio apanke', akiaveiangko nhan alpaihekama apatno'ok ma'a, malha lhnak 2 hora mokhom ma'a, lhna aptaiangkok: —Ntasek anke niekhe Artemisa, ko Efesios diosa apanko'ok —lhna aptaiangkok apkelveneiangka m'a.