Hechos 19:29 - Nuevo Testamento Toba Maskoy

²⁹ Apiennengkeskangkek na lhma enenlhet'avok annatheskama m'a, ka apteniaiangko lhnak apiempeiok apkelketameiangko apkelpathetmo Gayo kakpota nhan Aristarco apkelleniem'o m'a Macedonia, Pablo lhnak apketlhelhma'ak ma'a, apkelienioseikokho av'alhok aknaivommalhkelha.

Hechos 19:29 Referans Kwoze

Hechos 20:4

Apketlhelhma'ak nak Sopatro apketka Pirro apkeniem'o natemma Berea, Aristarco kakpota nhan Segundo apkelleniem'o Tesalonica. Gayo apkeniem'o Derbe, Timoteo, Tiquico ka nhan apialheng apvesai'a Trofimo apkelleniem'o koka m'a Asia.

Filemon 1:24

nketlhenkek na apvalho'ok lheiap hengke'e Marcos, Aristarco, Demas kakpota nhan Lucas apkellelto askenmakmekama lhemek.

Colosenses 4:10

Ka apkapasak na aklheianma apvalhok Aristarco, apkaqlhengkasemmakpo nhan hengke'e alhelhma. Kakpota nhan apkapaskek na aklheianma apvalhok hengke'e Marcos apto Bernabe apiaha' apketka, hata etnek na amaika'a ham, eltaqmelkaso ta apkenmaikamok takha apvaktamo ta ham, astakha lhta nhan askellano aspaioma askeleltemo etnangkok sekhek anke lhta.

Hechos 27:2

Ka nelkananto lhta nhan loma nemmen ampo lhta m'a akieto Adramitio, akmeiekha akieto aknangkongvekhelha loma nemmen akieto Asia. Netlhelhma'ak alhta nhan ma'a apvesai'a Aristarco apkeniem'o lhta Tesalonica akieto konne iokhalhma Macedonia.

1 Corintios 4:9

Malha niekhe Eniapom Neten hengeltemeskaskek alhaiek ankek ennengko'o hengellapaskamo mota, malha nenmammalhka nengeivekha nak netlhengama amai apieseksek enenlhet'avok hengellaneiakmo nak kanhan ángeles, nkolhek heniantemakho akieto nenmatnekhelha.

1 Corintios 1:14

Gracias stak ko'o Eniapom Neten mollavkesaiangkok konne iemmen ketlhengkap lhema aphapak la'a. Vanlha lhtoka askellavkesaiangko konne iemmen ma'a Crispo kakpota nhan Gayo.

Romanos 16:23

Nlhenkek apvalhok ketlhengkap hengke'e Gayo apto apnemakha asnema, apkaqnekhelha nha mota iglesia hengke'e. Nlhenkek na apvalhok ketlhengkap apto apkeltakmelkeskama patakkom apkellavakha nak hengke'e apvesai'a Erasto. Ka nhan apkapasak aklheianma apvalhok hengke'e enialheng anak apvesai'a Cuarto.

Hechos 21:30

Ka apkellentepkaso lhta akmaska akiokho aiempek ma'a Jerusalen, apkeletkangko lhta nhan apnakha Pablo m'a, apkelpathetvakho, apiempeiok apkankavek alhta apteniangkok apkelentepkaso m'a, ka apkellapakho nhan atong Eniapom Neten apnemakha.

Hechos 19:22

Koka meniaktemmakpo lhnak ma'a akieto Asia, apkellapaskamo apketlhelhma'ak ma'a Timoteo kakpota nhan Erasto akieto Macedonia.

2 Corintios 8:19

Apto lhta nhan apkeliekiesaikamok iglesias kakpota antangkok netlhelhma'ak neksa nenlhengama mota netsenta patakkom nema angkesekha kakpota angellankongvakhak engelialheng'a alaimommalhka nak qaselha apanko'ok, vanlha mota netlhengama nemmahai'a angelpasmok emmo'ok ma'a, nellak'avek na Eniapom Neten.

Hechos 21:38

¿Have nlho lheiap Egipcio aptepkeskamo nak apkennapommap apkammelhma apveske ko Roma, apkankesekho nak na lheiap 4.000 enenlhet'avok apkenmopvanka'a ennapakpok akieto m'a iokhalhma metkelha temma, he? —lhta aptak.

Hechos 20:34

Asmakmekama koka ehenkok ehenkek kakpota atak ko'o aimommalhkelha nak kaselha' ko'o kakpota nhan asketlhelhma'ak.

Hechos 19:32

Mangiamo lhna ntemak ania'a akiennoma lhma aknaivommalhkelha m'a, moklhem'a enenlhet man nak eliamok ma'a aktemakha apkelvetai'a.

Hechos 17:8

Ka apkellengai'o lhnak enenlhet'avok kakpota nhan apkelemhama apmaniaie m'a, nkeltaikama lhnak apvalho'ok.

Hechos 16:9

Pelhasep nak aptemak ma'a, akvetai'o lhnak apaqtek Pablo lhema enenlhet ko Macedonia apkenengvai'o m'a, lhna ntemak akvetai'a apaqtek apkapiosemmakpo enenlhet ma'a: —Elheng, hengelpasengvata akieto nak hengke'e iokhalhma Macedonia —lhnak aptemak enenlhet akvetai'a apaqtek ma'a.

Hechos 13:5

Ka apkelvaiakmo m'a nekha iemmen aknaktetemmalhkelha loma nemmen akieto Salamina, apketlheianveiakmo m'a ania'a aplhenammap Eniapom Neten akieto lhamakho apkaqnekhelha judios ma'a. Juan nak na apketlhelhma'ak ma'a apkelpasmoma mota.

Hechos 16:12

Netamen ma'a nenmeiakho natemma Filipo, ko Roma lhta apankok ma'a, akto neten ankek akiaspommalhka m'a akieto konne iokhalhma Macedonia, nengakhengvakho nhan moklhem'a aknem ma'a.

Hechos 19:21

Netamen ma'a, apmahai'o etnek amaika'a Pablo iokhalhma Macedonia kakpota nhan Acaya, netamen mokhom ma'a Jerusalen, ka tep ma'a apmahai'o emhangkok iokhalhma Roma.

3 Juan 1:1

Ko'o asto metno apketkok, nlhenkek evalhok lheiap Gayo apto astema emo'ok, have niapak ankek askasekhai'o lheiap.