Hechos 18:4 - Nuevo Testamento Toba Maskoy

⁴ Lhamakho aknem sabado nennekhelha lhnak apmeiekha mota Pablo apkaqnekhelha judios, apkellatemommakpo lhnak judios kakpota nhan griegos apkeltemo lhnak nkollekvomok apvalho'ok ma'a.

Hechos 18:4 Referans Kwoze

2 Corintios 5:11

Neliavek ennengko'o ntasek angellaho mota Apveske, angelienlhanmangkok na nellannengvaiam enenlhet'avok kakpota meliaskamek ma'a. Apiavek Eniapom Neten iokhalhmek netlheianma ennengko'o, askeltave niekhe nhan eliohok ketlhengkap.

Hechos 28:23

Ka apkelpekkeno lhta lhema aknem eniaqnekhak hata mokhom ma'a. Ma lhta ntek enenlhet'avok apkenmeioiam apnakha nhan Pablo m'a apkenmahai'a ellailhok ma'a. Sosekhe anke lhta apkempak apkeltennaikama Pablo m'a akvakho ienaqteso ania'a aktemakha aptema apveske Eniapom Neten. Ka apkelpeiveskasakho lhta nhan ley Moises kakpota nhan vakkahak apnaktalheskama apkeleltennasemmap ania'a annenga aktemakha aplhenammap Jesús.

Hechos 17:17

Ka apkellatemommakpo lhnak na m'a judios kakpota nhan metnangko judios apkellelto apkellamelaiam Eniapom Neten akieto m'a apkaqnekhelha. Apmeiekhek nak na Pablo akieto akietelha apkaknaiankolha la mota enenlhet, apkellatemommakpo lhnak na enenlhet ma'a lhamakho aknem.

Hechos 26:28

Ka apkatemmoiangka lhnak Agripa m'a, lhna aptemak: —Mankovangkak heiekpelkema lheiap apmak'o nak hetneskesek moi'askeiam Jesús —lhna aptemak Agripa.

Hechos 19:26

Nelleng'ak ennengko'o, nelvet'ak na enenlhet anak apvesai'a Pablo aplheianvei'o kanke'e natemma nak Efeso, kakpota nhan lhamakho iokhalhma Asia, dioses anak nellanekamok anak ennengko'o mankotno haveniapak anke, aqhemo lhnak ma'a. Mante pankek na enenlhet meliaskeiam apketlhekmoskama m'a Pablo.

Hechos 19:8

Hanetolhema pelten nak ngvaiakmok apmeiekha mota apkaqnekhelha judios Pablo m'a, metka apkai'a lhnak na apkellatemommap ma'a aktemakha aptema apveske Eniapom Neten. Apkeliaikama lhnak aptemakha kakpota nkollekvomok apvalho'ok enenlhet'avok, meliaskamek nahan.

Hechos 18:13

lhna aptaiangkok apkellanemo gobernador ma'a: —Ka enenlhet anak hengke'e apkeltemo nkollekvomok apvalho'ok enenlhet'avok kakpota ellahok Eniapom Neten mok aktemakha aklheianma ley engankok anak —lhna aptaiangkok ma'a.

Hechos 17:11

Apkeltakmelkasemmakpo apankavek nak ma'a judios, havek lhnak aptangko nak judios ko Tesalonica, apkelleltakmelkeskamavek nak apkellailhemo apketlhekmoskama Pablo. Apkelleliaiangka lhnak na Vakkahak Eniapom Neten Apaivoma kakpota elvetak have niapak ankek aptemakha apketlhekmoskama Pablo.

Hechos 13:14

Koka Pablo kakpota nhan Bernabe apkeliekai'ak nak na temma Perge, ka apkelvaiakmo lhnak natemma Antioquia akieto konne iokhalhma Pisidia. Aknem nennekhelha sabado lhnak ntemak ma'a, apkelentalhnengvaiakmo lhnak apkaqnekhelha judios, apkakhengveiakmo nhan konne m'a.

Lucas 16:31

Koka apkatemmoiangka lhnak mokhom Abraham ma'a: "Meleliahakho la ley Moises kakpota nhan vakkahak apanko'ok apkeleltennasemmap ania'a, kakpota nhan meleliehekhek hata nhan ma'a lhema aphapak apmaskengvaiam apmeiakho la m'a apkakhangkelha", lhna aptemak Abraham.

Lucas 4:16

Apmeiekho lhnak Jesús na natemma Nazaret, apvanekanlha lhnak ma'a. Ka akvaiakmo lhnak aknem sabado nennekhelha m'a, apmeiekho lhnak apkaqnekhelha mota judios aptemakha apankek nak ma'a. Apkenmekho lhnak neten Jesús ma'a kakpota elietsetek vakkahak Eniapom Neten apaivoma,

Juan 7:35

Ka apkelelmalhnekpo lhta mok apankavek apkelemhama apmaniaie judios ma'a, lhta aptangkok: —Se lha aplheno nak ai'e, ko la apmak'akha emhangkok kakpota mongelvetekhe. Kelha apme eniakhak ma'a elpalhakvakha judios apkellelto nak apkakhengveiam ma'a apieseksek anak griegos, kakpota nhan etlhekmoskamok griegos ma'a —lhta aptangkok ma'a.

Hechos 9:20

Apkempai'akha lhnak kolhvavek anke apkeltennaikama Saulo apkaqnekhelha judios Jesús apto Eniapom Neten apketka.

Hechos 14:1

Apkelvaiakmek nak Pablo kakpota nhan Bernabe akieto Iconio, apkelentalhnengvaiakmo lhnak apkaqnekhelha judios, ka apketlhekmoseiangko lhnak ania'a aktaqmanma m'a. Man nantek judios kakpota nhan griegos man nak eliaskeiakmok ania'a m'a.

Hechos 18:19

Ka apkelvekho lhnak natemma Efeso m'a, apkelieniekho Pablo apketlhelhma'ak Aquila kakpota nhan Priscila, apmeiekho nhan apkaqnekhelha judios, apkellatemommakpo nhan ma'a.