Hechos 18:27 - Nuevo Testamento Toba Maskoy

²⁷ Netamen ma'a Apolo apmahai'o lhnak eniakhak iokhalhma Acaya, nkelleklemavek nak apvalho'ok apkelialheng'a m'a akieto Efeso. Ka apkellaiangko lhnak lhema vakkahak apnaqtalheskama kakpota elletsakhesek ma'a nema altamesaikamok akieto Acaya, apkeleltemo eltaqmelkaso apkenmama takha Apolo m'a. Apvaiakmo lhnak Apolo m'a, avanhek nak apkelpasmoma apkellelto meliaskeiam aniem'o aktaqmanma apkellanei'o Eniapom Neten.

Hechos 18:27 Referans Kwoze

Colosenses 4:10

Ka apkapasak na aklheianma apvalhok Aristarco, apkaqlhengkasemmakpo nhan hengke'e alhelhma. Kakpota nhan apkapaskek na aklheianma apvalhok hengke'e Marcos apto Bernabe apiaha' apketka, hata etnek na amaika'a ham, eltaqmelkaso ta apkenmaikamok takha apvaktamo ta ham, astakha lhta nhan askellano aspaioma askeleltemo etnangkok sekhek anke lhta.

Colosenses 2:12

Neksa lhta nhan apkellavkesammap konne iemmen ketlhengkap, malha lhta nha ntemak apkelkatonnammakpo lheme la Cristo, netamen apnaklhatekhangveiakmo nhan lhemek ma'a aniem'o meliaskeiam apmopvana Eniapom Neten apto aplhatekhaskeiam ma'a.

Filipenses 1:29

Eniapom Neten apkellaikamok ketlhengkap qaselha aktaqmanma nkek akvesai'a meliaskeiam Cristo, apkellaikamok na apkellengaiangko akientalhnema aniem'o apkelleliehekho Cristo.

Filipenses 1:25

Hai', asiavek ko'o askaimelhke mota apieseksek anak ketlhengkap ham, ka ngkanek mongvetsepak mokhom, alpasmok hata mokhom kakpota nkovanamok meliaskeiam, elloka ta nhan alpaihekha apvalho'ok.

2 Corintios 1:24

Mankonmahai'ak ennengko'o antangkok malha apkelveskai'e la'a angellelpalhengkasama kakpota etnangkok meliaskeiam ketlhengkap, vanlha koka nengeleltavek angelpasmok kakpota nkolpaihekhak apvalho'ok ketlhengkap ham nkanek melleihaie' aniem'o meliaskeiam.

1 Corintios 16:3

Eliekiesamo ta apankavek na ketlhengkap enenlhet apieseksek anak ham kakpota etsakhak patakkom anak kanha vakkahak aktalhesammalhka akieto m'a Jerusalen.

1 Corintios 15:10

Nkaqhok koka Eniapom Neten aktaqmanma nkek helanei'o, hetneskeskangke na apankek heiapaskamo mota. Have aqhemo asmakmekama nak, asteniai'o eiempek ko'o, aselhtek ma'a nema alapaskamo lhta, koka have asiennaktema ehenkok ehenke', koka aniem'o heiaikamok ma'a Eniapom Neten hetnema mota aplhelhma m'a.

Romanos 1:5

Jesucristo hetaqmelkeskeskama askaniemhaikama ngkanek hetneskeskamo heiapaskamo mota kakpota apaiaksek ania'a aklhenammalhka apvesai'a apieseksek metnangko nak judios. Ketlhengkap nahan romanos apkelpalhkammap apieseksek anak ham, kakpota meliaskamek, eleliehekhok nahan, etnangkok hata apkennemolhema apkelpokkenammap.

Hechos 19:1

Neksa apnema lhnak Apolo m'a akieto Corinto, Pablo lhnoka apiekai'ak iokhalhma metaimong avhak, apvekho natemma Efeso. Koka m'a apvetangveiakmo lhnak apentalhnema nema altamesaikamok ma'a,

Hechos 18:18

Nlhaniek nak aknem apnema Pablo m'a akieto Corinto, netamen apkelpaivesaiangko lhnak apkelialheng'a m'a apmahai'a eniakhak iokhalhma Siria. Apketlhelhma'ak noka Aquila kakpota nhan aptava Priscila, apkelvekho natemma Cencreas apiesekho lhnak Pablo m'a alhnai'a nkek nak aptemak apqatek ngkanek apeneskamo apaivoma etnehek napaqtek Eniapom Neten. Netamen apkelkanantemo lhnak loma nemmen apkenmeiekho iokhalhma Siria.

Hechos 9:27

Koka Bernabe lhnak apiantemekhak Saulo napaqtavek nema allapaskamo m'a, ka apkeleltennaseiangka lhnak aktemakha apvetai'a Saulo Apveske neksa apmeiekha lhnak amai akieto Damasco. Apaqmetkeskamo lhna lhta Apveske Saulo m'a, netamen ma'a apkeltennaiangka nhan Saulo ania'a aktemakha aplhenammap Jesús metka apkenmenai'a akieto m'a Damasco.

1 Corintios 3:6

Malha askanma lhta ko'o aktek, netamen Apolos alhto ka apiaskesaikamok, Eniapom Neten alhto ka nhan apkaktengkeskama m'a.

Hechos 18:12

Netamen ma'a aptaiekho lhnak gobernador natemma Acaya lhema enenlhet apvesai'a Galion, apkaqnekho lhnak moklhem'a judios apkellammelhma Pablo, ka apkeliantemekho lhnak akieto aliekpelkammalhkelha nentaiangkolha m'a,

Hechos 1:15

Lhema knem na ntemak ma'a, apkelpaqmetkeskamo Pedro m'a apkellelto apkelialheng'a m'a, apkaknekhek nak malha 120 enenlhet'avok ma'a, lhna aptemak apkellanemo:

Hechos 11:26

Lhema iantelhkapa lhnak apkakhaiangkok ma'a, apkankesekho lhnak ma'a, apketlhekmoseiangko lhnak na apkellelto iglesia m'a. Koka m'a akieto nak ma'a nema altamesaikamok anak ampai'akhasekha nkek nak apkeltemeskasekha apkelvesai'a Meliaskeiam Cristo.