Hechos 18:22 - Nuevo Testamento Toba Maskoy

²² apvekho Cesarea. Netamen apmeiekho akieto Jerusalen apmahai'a elpaivesangkok iakvatakho apkellelto iglesia m'a, ka apkempekho mokhom aplhengama akvakho Antioquia.

Hechos 18:22 Referans Kwoze

Hechos 8:40

Koka apvekho lhnak akpelapkeskama nkek Felipe natemma Azoto, aplhengo mokhom akvakho natemma Cesarea, lhamakho temma amai aktakha la apkeliekaikamok apaiesaiangko lhnak ania'a aktaqmanma.

Hechos 25:9

Lhna aptemak na Festo: —¿Apmak'a nlho eniakha Jerusalen lheiap kakpota aiekpelkok ko'o m'a aktemakha aplhenammap lheiap, he? —lhna aptemak. Koka Festo aptemengkek na apankek apaivoma m'a apkeltemo lhnak nkollekkasama apvalho'ok judios.

Hechos 25:1

Aptemo lhnak aphalhnankok gobernador apvesai'a Festo akieto m'a natemma Cesarea, hanetolhem'a aknem na ntemak ma'a apmeiekho lhnak Jerusalen.

Hechos 23:23

Ka apkellaveiangka lhna lhta apveske apanke apqanet apveske apkeltetekamok ma'a, lhna lhta aptemak: —Elpeneso ta 200 soldados apketlhengama nalhepop, kakpota nhan 70 soldados akieplomo etanlheng apkelkanantema, kakpota nhan 200 soldados heva apmeio'ok. Elpeneskaso ta nhan lhema etanlheng apkanantema Pablo kakpota eliantemekhak ma'a Cesarea napaqtek gobernador Felix. Ellanama ta kakpota menaqtevaksek apkellammelhmakha la m'a, la 9 pelhasep hata etlhong nahan —lhna lhta aptemak ma'a.

Hechos 15:35

Koka Pablo ka nhan Bernabe apkakhengveiakmek nak Antioquia apketlhekmoseiangko aktemakha apaivoma Apveske, apkelpasmekho nhan apentalhnema apkeltemo lhemek ma'a.

Hechos 15:30

Netamen apketlhengamo lhnak Bernabe, Pablo, Judas kakpota nhan Silas akieto m'a Antioquia, apkankeskekho lhnak apkelialheng'a m'a, apkellangkongvekho lhnak na vakkahak aktalhesammalhka.

Hechos 15:23

Ka apkellaiangko lhnak na lhema vakkahak kakpota etso'ok ma'a, lhna ntemak aktalhesammalhka: Ennengko'o nema hengellapaskamo kanhan metno apketko'ok, kanhan engelialheng'a, nketlhenkek engelvalho'ok ketlhengkap engelialheng'a metnangko nak judios akieto ham iokhalhma Antioquia, Siria, kakpota nhan Cilicia.

Hechos 15:4

Netamen Pablo kakpota nhan Bernabe apketlhengekho lhnak mokhom apkelvekho Jerusalen. Ka apkenmaiangko lhnak takha apkellelto iglesia m'a, nema allapaskamo nhan kakpota nhan metno apketko'ok. Apkeleltennaiangka nhan Pablo kakpota nhan Bernabe lhamakho aptemakha apkellanekamok qaselha aniem'o Eniapom Neten.

Hechos 14:26

ka apkelkanetvaiakmo loma nemmen kakpota eltaqhok mokhom neptamna'ak akieto Antioquia. Apkelempaiakhasekha lhnak na m'a nema allapaskama ka nhan nemo alelmalhneskeskamo m'a Eniapom Neten kakpota elpasmok neksa apketlhengama kakpota eleltennasangkok ania'a aktaqmanma m'a, apkelpeneskangkek nak apkenmakmekama.

Hechos 13:1

Apkakhaiangkek nak apkeleltennasemmap ania'a m'a kakpota nhan hengetlhekmoskama apieseksek apkellelto iglesia akieto iokhalhma Antioquia. Apkelvesai'a Bernabe, Simon mo'ok nema ltema Apaiseiam, Lucio apkeniem'o natemma Cirene, Menahem kakpota nhan Saulo. Menahem noka knema akvanengkeskamo lhemek ma'a apveske Herodes Antipas.

Hechos 11:11

Ka apkelvakho lhta asnakha m'a 3 enenlhet apkelleniem'o Cesarea, nema allapaskama helketansema ko'o.

Hechos 10:24

Mo'ok aknem na ntemak ma'a, apkelvekho natemma Cesarea, apkellailhengkek noka Cornelio m'a, apkankesekhek nak na apaivomolhema kakpota nhan apkeliekpelkemelha nengaqtek ankavek ma'a.

Hechos 10:1

Apnengkek nak lhema enenlhet natemma Cesarea apvesai'a Cornelio, capitan nak ma'a apto nhan aplaqlekama kempokhakme apkelvesai'a Italiano.