Hechos 18:19 - Nuevo Testamento Toba Maskoy

¹⁹ Ka apkelvekho lhnak natemma Efeso m'a, apkelieniekho Pablo apketlhelhma'ak Aquila kakpota nhan Priscila, apmeiekho nhan apkaqnekhelha judios, apkellatemommakpo nhan ma'a.

Hechos 18:19 Referans Kwoze

2 Timoteo 1:18

ka ngkanek ko askeltemo eietnahok napa'at Apveske engankok akvakmo ta aknem hata m'a. Apiavek na lheiap ma'a avanhe lhta nhan hengelpasmoma m'a enenlhet anak akieto lhta m'a Efeso.

1 Timoteo 1:3

Askeltavek mokhom altakhengveskakhak astakha lhta askano lheiap ma'a akieto ham Efeso neksa asmahai'a aniakha lhta m'a Macedonia, lheiap hato ka ntasek elhek kakpota ennavaksek mankolietemo nak apketlhekmosekamok, lhta stahak.

Efesios 1:1

Ko'o Pablo, heiapaskamo apankok Jesucristo aniem'o apkeltemo atnek Eniapom Neten, nlhenkek evalhok apkellelto apkelpokkenammap kanhan apkeleliehekho mota apkakhangko ham Efeso, aptangko nhan apkelpasmekha m'a Cristo Jesús.

1 Corintios 16:8

Asnek koka ko'o kolhvave nak hengke'e akieto Efeso akvakmo ta aknem ankok aktakmelaikama lhma Pentecostes.

1 Corintios 15:32

Askennapommalhkek enenlhet ko Efeso malha qaselha nevhak la akloma m'a, malha akhemo lhta nhan ngkotnek metko la nennaklhatekhangveianlha. Akhemo lhta nhan ngkotnek asteniai'o eiempek ma'a, ntase niekhe antangkok apketlheianmo na mota enenlhet ka aptaiangkok ma'a: "Ntasek antavangkok nentekamok, anienangkok nahan nkanek sosekha kelha angeletsepok", ka aptaiangkok ma'a.

Hechos 20:16

Pekhai'a lhta nentangkok netlhengama m'a ngkanek Pablo ma lhta emak'ak elhek akvangkakho iokhalhma Asia. Ma lhta nhan nkomak'ak etnek amaika'a na temma Efeso ngkanek apekhak'ave lhta niekhe eniakha Jerusalen kakpota epasengvakhak aktaqmelaikama lhma akvesai'a Pentecostes ma'a.

Hechos 19:1

Neksa apnema lhnak Apolo m'a akieto Corinto, Pablo lhnoka apiekai'ak iokhalhma metaimong avhak, apvekho natemma Efeso. Koka m'a apvetangveiakmo lhnak apentalhnema nema altamesaikamok ma'a,

Hechos 18:24

Apvekho lhnak na temma Efeso lhema judio apvesai'a Apolo, iokhalhma Alejandria lhnak apkeniemai'ak ma'a. Apvanke pankek nak elpengkamok enenlhet'avok ngkanek avanhek nak apiangveiakmo Vakkahak Eniapom Neten Apaivoma.

Hechos 18:4

Lhamakho aknem sabado nennekhelha lhnak apmeiekha mota Pablo apkaqnekhelha judios, apkellatemommakpo lhnak judios kakpota nhan griegos apkeltemo lhnak nkollekvomok apvalho'ok ma'a.

Apocalipsis 2:1

—Etalhes no lheiap ania'a nak kakpota eniapaskesek ma'a ángel apno m'a iglesia akieto Efeso, ka ntak ania'a hengke'e: Apto nak apkenmaikama 7 iav'a akiennakha nak apoktong, apiaihema m'a aiseksek 7 alhvo'ok oro alapommatkeskama, ka aptak nan ma'a:

Apocalipsis 1:11

lhta ntak heiano: —Etalhes no lhema vakkahak aktakha la apvetai'a, etsaskes hata 7 iglesias akieto m'a iokhalhma akiav'akha Asia, ka alvesai'a hengke'e: Efeso, Esmirna, Pergamo, Tiatira, Sardes, Filadelfia kakpota nhan Laodicea —lhta ntak nema aliatekama netamen ko'o.

2 Timoteo 4:12

Tiquico lhtoka askapasak ma'a akieto Efeso.

Hechos 19:26

Nelleng'ak ennengko'o, nelvet'ak na enenlhet anak apvesai'a Pablo aplheianvei'o kanke'e natemma nak Efeso, kakpota nhan lhamakho iokhalhma Asia, dioses anak nellanekamok anak ennengko'o mankotno haveniapak anke, aqhemo lhnak ma'a. Mante pankek na enenlhet meliaskeiam apketlhekmoskama m'a Pablo.

Hechos 19:17

Aplhaniek nak judios kakpota nhan griegos ko Efeso apkelvetai'o m'a, apkellai'ak nak na m'a. Niaveiangkek nak aktema neten ankek apvesai'a Apveske Jesús ma'a.

Hechos 18:21

Lhna aptemak Pablo: —Staqhakhek ko'o, avatak hata mokhom apkelto la Eniapom Neten —lhna aptemak. Ka apkanetvekho mokhom loma nemmen, apteiapmo m'a Efeso,

Hechos 18:20

Apkeleltemo lhnak enenlhet'avok elhnekhak sekhek Pablo m'a, man noka eniasekhai'ak ma'a.

Hechos 19:28

Nkennatheskangkek nak apkellengai'o enenlhet'avok ma'a, ka apkelveneiangka lhnak ma'a, lhna aptaiangkok: —Ntasek ankek Artemisa, ko Efesios diosa apanko'ok —lhna aptaiangkok apiapqalheiangka m'a.

Hechos 19:35

Netamen apto aptalhesaikamok ma'a apkelvanmesekho lhnak enenlhet'avok ma'a, lhna aptemak: —¡Enenlhet ko Efeso, eleltaqmelkasakpo, kolietnama apaqto'ok! Mankaimelhkak etnangkok aptangkolha nak, apkeliavek aplhamakho enenlhet'avok lhmankek ham nengelelto nellanekama neltaqmelkeskama pa'at akiavai'a ankok anak diosa Artemisa, kakpota nhan akiokha na'at akvaiventamo lhnak neten.

Hechos 20:17

Nengakhangke lhta m'a na temma Mileto, ka apkelto lhta Pablo ngkolhek aleltennaskakho metnangko apketko'ok iglesia akieto Efeso elelhiemok apnakha m'a.

Hechos 21:29

Koka apketlhengke lhta apankavek ma'a ngkanek apkelvet'a lhta sekhek Pablo apiaihengka m'a apvalhok temma aplhelhma lhtoka Trofimo ko Efeso lhta m'a, apkellanemo lhta m'a eiantamak konne Eniapom Neten apnemakha.