Hechos 17:28 - Nuevo Testamento Toba Maskoy

²⁸ hengellangkek apmopvana kakpota anlokaha. Lhta aptemak na lhema enenlhet apmopvana eltennama iokhalhma nak hengke'e: "Ennengko'o nengelelto Eniapom Neten apketkak", lhta aptemak.

Hechos 17:28 Referans Kwoze

Colosenses 1:17

Apnengkek nak nanek Cristo amanie allanemmalhko sekhek ankek lhamakho qaselha lhmankek ham, mankollavankek na m'a nkolloka metka Cristo.

Hebreos 1:3

Ka Apketka nak nenganema angvetak ma'a apmopvana kakpota nhan apientalhnemo Eniapom Neten, apnemo pankek nan ma'a, apkeliennakteskai'o nhan lhamakho qaselha aniem'o aknema akmovana apkeliatekama. Hengellalhnaskeskamo lhta nhan engvalho'ok malha akpaiseiam aniem'o nellanekamok ngkollatsekama, netamen ma'a apmeiekho nhan neten, apnekho akiennakha apoktong Eniapom Neten ma'a.

Lucas 20:38

¡Nkanek Eniapom Neten have apveske apanko'ok ma'a apkeletsepma nak, vanlha koka aptangko Apveske apanko'ok ma'a aptangko nak aphalhnankok, aplhamakho koka aptangkok aphalhnankok napaqtek Eniapom Neten ma'a! —lhnak aptemak.

Juan 5:26

Eniapom anak nietnek apmopvana kakpota ellangkok aliennaktema apnenio'ok enenlhet'avok, apkanke lhta nhan Apketka apmopvana kakpota ellangkok hata aliennaktema apnenio'ok enenlhet.

Juan 11:25

Ka apkatemmongka lhta mokhom Jesús, lhta aptak: —Ko'o asto nak asnaklhatekhaskeiam enenlhet apieseksek apkenmaskengvaiakmo, askellaikamok na aliennaktema apnenio'ok. Apkellelto la mangheliaskeiam enenlhet, nkaqhok eletsepok, elloka koka mokhom ma'a.

Hebreos 12:9

Nengeliahakhavek ennengko'o hengennaveso la eniapma'ak hengke'e nalhepop anak, koka ntasek angeliehekhok neten ankek hengennaveso la eniapma'ak ma'a apno m'a neten. Netamen angetlhevangkok hata m'a aliennaktema ennenio'ok mankotnengvaianlha nnelha.

Lucas 3:38

Cainan apiapom nak Enos. Enos apiapom nak Set. Set apiapom nak Adan. Adan apiapom nak Eniapom Neten. Lhnak apkelvesai'a Jesús apkelieihengka lhamakho nak.

Tito 1:12

Malha aktonak enenlhet'avok anak apkelloma nak Creta, apkenmopvanka ania'a lhnak ma'a aplheianma koka apaivomo lhema apankek apkeltennasemmap ania'a apieseksek anak ma'a, malha lhnak kaselha nevhak la akloma, melleskama lhnak na etavangkok aptekamok, mankonmahai'a lhnak na enmakmama m'a, lhna aptemak apkeltennasemmap ania'a apketlheianmo m'a.

Hebreos 2:11

Aplhamakho apkellelto nak apkelpokkenammap, kanhan apto lhta nhan apkelanai'a apkelpokkanma, vanlha nhan lhema apkeliapom apkelpasmekha, ka ngkanek Eniapom Neten Apketka memangkek eleltangkok apkelialheng'a.