Hechos 16:5 - Nuevo Testamento Toba Maskoy

⁵ Aplhameiangkek nak moklhem'a iglesias, nkeliennaktengkek nak na meliaskeiam ma'a.

Hechos 16:5 Referans Kwoze

Hechos 9:31

Metka akmaska lhna ntemak apkakhaikamok ma'a apkellelto iglesias akieto iokhalhma Judea, Galilea, kakpota nhan Samaria. Ntepeiangkek nak apkeliangveiakmo aptemakha Eniapom Neten, aplhameiangkek nak enenlhet ma'a aniem'o apkelpasmoma Espíritu Santo, apkellai'avek na mota Apveske m'a.

Hechos 2:47

Apkeliavenkaseiangka nhan apvesai'a Eniapom Neten ma'a, apketlhenammakpo lhnak na apkellelto apkeliamolhma m'a. Lhamakho knem na ntemak aplhamasekamok Apveske m'a enenlhet'avok knema ta alvongkeskama tep.

Hechos 6:7

Niangveiakmek nak nema alhpankeskama apaivoma Apveske, aplhameiangkek nak na nema altamesaikamok natemma Jerusalen, aplhaniek nak na sacerdotes meliaskeiam ania'a aplhenammap Jesús.

1 Pedro 5:10

Koka apkelvaskapo la akiakvatakho nkek apkellengaiangko akientalhnema, eltemeskesek hata nhan apkelpeivomo Eniapom neten ma'a, eliennakteksek hata nhan, elteniaskesek hata nhan apiempeiok, ellangkok hata nhan apkeliangveiakmo aktemakha apkelvetai'a. Hai, etnek hata Eniapom Neten ma'a ngkanek avanhek apkellamelaiam ketlhengkap ma'a, apkeliekieskek na kakpota elpasengvomok aktakmelakha nkek nkotnengvaiam annelha apkelpasmekha Jesucristo.

Hechos 15:41

Ka aplhengamo lhnak ma'a, apkeliekai'o lhnak Siria kakpota nhan Cilicia, apkeliateikokho lhnak moklhem'a iglesia apkelvaianlha la'a.

Colosenses 2:6

Apkenmaiangke lhta takha ketlhengkap kakpota etnangkok apveske apanko'ok Jesucristo, ntasek na eltaqmelkasakpoho apkellanemakha nak etnangkok ma'a.

1 Corintios 15:58

Ka nkanek na ntasek ketlhengkap elialheng'a askellamelaiam, elienna ta metka apkelvatesaikamok na apkenmakmesaikama Apveske engankok anak, have aqhemo nhan apkenmakmesaikama ketlhengkap ma'a.

Romanos 16:25

Angeltakneskasangkok hata ennengko'o Eniapom Neten apto apmopvana hengeliennakteksek engvalho'ok, ka aktemakha nak asketlhekmoskama ania'a aktaqmanma aplhenammap Jesucristo. Lhennenga tep nak na nek apeneskamo lhema qaselha Eniapom Neten apmak'akha ta etnek, malha aposkama koka ntemak ma'a.

Hechos 12:24

Ka akpaihekho lhnak apaivoma Apveske aklhamakho apkellavakha.

Hebreos 13:9

Ka ngkanek na ntasek ketlhengkap meliaqmongkasekhek mo'ok aktemakha hengetlhekmoskama la'a, ngkanek lhamakho henganemakha nak alleskama mota etavangkok lhamakho nentoma la'a ketlhengkap man koka nkoliennakteskasak apvalho'ok ketlhengkap ma'a. Vanlha koka m'a nengamelaiam anak aniem'o m'a Eniapom Neten avankek nkoliennakteskesek apvalho'ok ma'a.

2 Tesalonicenses 2:16

Jesucristo apto apveske engankok, Eniapom Neten apto eniapma'ak apto nhan hengellamelaiam, apkelpaieskaiam amota engelvalho'ok, hengellaiangko nhan aktaqmanma nkoie' alel·halhnekama engelvalho'ok qaselha nkovak hata.

1 Tesalonicenses 3:13

Nengeltavek na eliennakteskesek meliaskeiam, elalhnaskesek na apvalho'ok kakpota mangkolhek atlheno apkelvesai'a ketlhengkap napaqtek Eniapom Neten apvaktamo ta hengke'e Apveske engankok Jesús kakpota nhan apalhakvaktamo ta apkelpokkanma apanko'ok. Amen.

1 Tesalonicenses 3:2

Ka nellapaso lhta enialheng Timoteo ham apto nhan Eniapom Neten apkasennaikama, nenmakmekamo lhemek nahan nelpaieskama ania'a aktaqmanma aplhenammap Cristo, nellapaske lhta ham kakpota eliatekho, elpasmok nahan nkoliennak meliaskeiam ketlhengkap

Galatas 5:1

Nne lhta hengelpaqnenkasakho nema hengenmaikama aniem'o lhta m'a Cristo. ¡Elienna toka ketlhengkap kakpota mankolatkeskatanie aiaspo'ok ankok akmahai'a nkolpathetek mokhom!

Hechos 11:21

Nnaiangkek nak apkenmopvanka'a m'a aniem'o Apveske, apkellelto apkellailhemo apkeleltennaikama apkelpengkaiakmo lhnak apvalho'ok akieto m'a apnakha Apveske, meliaskeiakmo nhan ma'a.

Hechos 5:14

Aplhameiangkek nak apkelennava'ak kakpota nhan ngkelvana'ak aptaikamok meliaskeiam Apveske m'a,

Hechos 4:4

Mang nantek enenlhet'avok apkellailhemo apaivoma Pedro kakpota nhan Juan, mang nak na eliaskeiakmok ma'a, malha lhnak 5.000 apkelennava'ak ma'a.