Hechos 16:31 - Nuevo Testamento Toba Maskoy

³¹ Ka apkellatemmoiangka lhna lhta ma'a Pablo kakpota nhan Silas, lhna lhta aptaiangkok: —Mei'askem koka lheiap apveske Jesús kakpota evongkasakpok tep, ka nhan apketkak apnemolhema —lhna lhta aptaiangkok ma'a.

Hechos 16:31 Referans Kwoze

Juan 1:12

Koka apkellelto lhta apkenmaikamok takha kakpota nhan meliaskeiam ma'a, aptaiangke lhta Eniapom Neten apketkak ma'a.

Juan 3:36

Mang hata nkek eliaskakmok Apketka nak, ngkoitek hata aliennaktema apnenio'ok mankotnengvaianlha nnelha. Koka apkellelto la apkeliaskeiam ma'a, mangkolhek hata aliennaktema apnenio'ok, hato ka eliaqmongkaskesekhak apkeltemakha Eniapom Neten ma'a.

Marcos 16:16

Mang hata nkek eliaskakmok, ngkolhek hata nhan allavkeso konne iemmen, elvongkasakpok hata nhan tep ma'a. Koka apkeliaskakmo la'a, etlhenakpok hata apnaqtevasemmap.

Galatas 3:26

nnengkek hengeltemeskeskamo Eniapom Neten apketkak aniem'o mongiaskeiam Cristo Jesús.

Hechos 18:8

Apkemhama apmanie nemaknekhelha apvesai'a Crispo kakpota nhan apketkak mang nak na eliaskeiakmok Apveske, kakpota nhan mantek enenlhet'avok ko Corinto, ka aknemo lhnak na allavkesaiangko konne iemmen ma'a.

Galatas 3:22

Aklheianma Eniapom Neten apaivoma nenlhamakho nengelelto hengenmaikamok ngkollatsekama, vanlha koka envanka'ak angetlhevangkok hata qaselha apeneskamo aplheianma Eniapom Neten aniem'o mongeliaskeiam Jesucristo.

Hechos 15:11

Mongeliaskeiakmok ennengko'o angelvongkasalhkak hata tep metka akianmoma aniem'o hengeltaqmelkeskeskama ta apankek nellaniemhaikama apveske Jesús, nnavek na m'a metnangko nak judios —lhnak aptemak Pedro.

Hechos 4:12

Vanlha koka apvankek hengelvongkesek tep ma'a ngkanek apvesai'a nak akto neten ankek ma'a, mangkolhnok po'ok enenlhet takhalhet lhepop anak —lhna aptemak Pedro apkellanemo m'a.

Hechos 16:32

Ka apkeliantemekho lhna lhta apkelanekama atong apnemakha Pablo kakpota nhan Silas, apketlhekmoseiangko lhna lhta ania'a aplhenammap Apveske aplhamakho apkennemolhema ma'a.

Juan 6:47

Have niapak anke, apto la mei'askeiam, ngkoitek hata akiennaktema apneniek mankotnengveianlha nnelha.

Juan 6:40

Apkeltavek apto lhta heiapaskama ellanhok aptemakha Apketka nak, meliaskamek nahan kakpota m'a etlhevangkok aliennaktema apnenio'ok nkotnengvaianlha nnelha', anaklhatekhaskamok hata nhan ma'a akvakmo ta nnelha aknem alhma nkek ham —lhta aptak Jesús.

Galatas 3:14

Ntemenke lhta m'a kakpota nkovak na takhaplhet'ok metnangko nak judios apaivoma apeneskamo lhnak nanek Eniapom Neten eltaqmelkeskesek apkellangiemhaikama Abraham, netlhevai'ak ma'a Espíritu apankok Eniapom Neten aniem'o mongeliaskeiam Cristo Jesús.

Hechos 16:15

Netamen alhta akno aklavkeso konne iemmen kakpota nhan lhamakho aknemolhema, lhta ntak hengellano aioselhko m'a: —Atlheno la apvalho'ok ketlhengkap asto ko'o have niapak moi'askeiam Apveske, ntasek eniakhengvakhak asnemakha —lhta ntak hengellano. Hengelienlhanakmave lhta ngkelvana lhta m'a akvakmo lhta nellasekhangvakmo nhan ennengko'o.

Juan 20:31

Koka aklhamakho qaselha akietno vakkahak anak, nema aktalheskama kakpota meliaskamek hata ketlhengkap Jesús apto Cristo Eniapom Neten apketka, hata nkoniema' aliennaktema apnenio'ok mankotnengvaianlha nnelha ketlhengkap ma'a aniem'o apvesai'a m'a.

Romanos 11:16

Ka apmaniaie nak apteiapma pan apkelpokkenammap ma'a, nnavek ma'a nema akiaqhapeskama nak harina apto nhan apokkenammap ma'a. Kanhan aikapmen'ok anak iamet akto akpokkenammalhka, nnavek na m'a aktengok anak alpokkenammalhka nhan ma'a.

Hechos 8:36

Apketlhengangkek nak mokhom, apkelvetangvekho lhnak akietnemakha iemmen, lhna aptemak apkanemo enenlhet nema alhakkeskama appopok Felipe: —Ka iemmen hengke'e, ¿ntase nlho helavkesek konne iemmen, he? —lhna aptemak.