Hechos 15:23 - Nuevo Testamento Toba Maskoy

²³ Ka apkellaiangko lhnak na lhema vakkahak kakpota etso'ok ma'a, lhna ntemak aktalhesammalhka: Ennengko'o nema hengellapaskamo kanhan metno apketko'ok, kanhan engelialheng'a, nketlhenkek engelvalho'ok ketlhengkap engelialheng'a metnangko nak judios akieto ham iokhalhma Antioquia, Siria, kakpota nhan Cilicia.

Hechos 15:23 Referans Kwoze

Hechos 23:26

Ko'o Claudio Lisias nlhenkek evalhok lheiap gobernador Felix.

Santiago 1:1

Ko'o Santiago asto heiasennaikama Eniapom Neten kanhan apveske Jesucristo nlhenkek evalhok apkellelto 12 apkelpasmekhak apketkak neptamen Israel, apkakhengveiakmo lhma nkek ham lhamakho apkellavakha.

Galatas 1:21

Netamen asmeiakho lhta nhan iokhalhma Siria kakpota nhan Cilicia.

Hechos 15:22

Aplhamakho nema allapaskamo kakpota nhan metno apketko'ok ka nhan iglesia apkeliekiesaiangko lhnak apqanet enenlhet apkellelto neten apankavek apkeliaspommap apkelvesai'a Judas mo'ok nema altema Barsabas, kakpota nhan Silas, kakpota eltek apketlhelhma'ak Pablo kakpota nhan Bernabe neksa apketlhengama akieto Antioquia.

3 Juan 1:14

Koka ntasek aniantak ham kakpota apaqmetkesama apiokha apankek lheiap.

2 Juan 1:13

Nketlhenkek apvalho'ok atkak anak nialheng lheia, akto Eniapom Neten apkeliekieskama. Amen.

2 Juan 1:10

Ka apvo'o ta lhema enenlhet ham apsoiam la mo'ok aktemakha hengetlhekmoskama, ¡menmamonkek takha m'a, metnamo nkek na aktaqmanma apvai'a m'a!

2 Juan 1:3

Askeltavek ko'o Eniapom Neten kanhan Apketka Jesucristo eltaqmelkeskesek apkellangiemhaikama ketlhengkap ham, elietnahok na napaqta'a, ellangkok na altaqmelaikama apvalho'ok alleniem'o m'a aktonak haveniapak ankek kanhan nengasekhai'o.

Hechos 15:41

Ka aplhengamo lhnak ma'a, apkeliekai'o lhnak Siria kakpota nhan Cilicia, apkeliateikokho lhnak moklhem'a iglesia apkelvaianlha la'a.

Hechos 15:4

Netamen Pablo kakpota nhan Bernabe apketlhengekho lhnak mokhom apkelvekho Jerusalen. Ka apkenmaiangko lhnak takha apkellelto iglesia m'a, nema allapaskamo nhan kakpota nhan metno apketko'ok. Apkeleltennaiangka nhan Pablo kakpota nhan Bernabe lhamakho aptemakha apkellanekamok qaselha aniem'o Eniapom Neten.

Hechos 15:1

Apkelvai'ak nak judios apkelleniem'o iokhalhma Judea akieto Antioquia, ka apketlhekmoseiangko lhnak apkelialheng'a melvongkasakpek tep meliaqtemenangko la nekha tkok apkelammelhakha, aptemakha lhnak nanek Moises apkellanemakha etnangkok.

Hechos 14:27

Ka apkelvekho lhnak Antioquia m'a, apkellankesekho lhnak apkellelto iglesia m'a, ka apkeleltennaseiangka lhnak ania'a aktemakha Eniapom Neten apkelanai'a qaselha neksa apketlhengama m'a. Apketlheianmo nhan aktemakha apkelpasmoma mota Apveske kakpota eleltennasangkok na ania'a aktaqmanma metnangko nak judios kakpota meliaskamek na m'a.

Hechos 21:25

Koka metnangko lhta judios apkellelto lhta meliaskeiam Jesucristo, nellapaskaske lhta vakkahak atkok nennaktalheskama alletlhekmoskama m'a kakpota metavankek nentoskama apetek apkellaikamok la qaselha akiokha alanemmalhka ankok, metavankek na ema, metavankek na nentoskama akvaivekamok atsepma nak, kakpota nhan metnangkek na apkenmensangveiam alhma —lhta aptangkok ma'a.

Hechos 21:3

Netlhengo m'a, nelvet'o akieto ensangkalvelha akiakiengveiam lhepop akhalhiengkaiam iemmen akvesai'a Chipre, nelieko'o nelvakho iokhalhma Siria, nelentepo nhan m'a akieto aknaktetemmalhkelha loma nemmen natemma Tiro. Nengakhengvakho lhta m'a ngkanek loma nemmen nne lhta alentepkaso nentoma atsekama m'a.

Hechos 18:18

Nlhaniek nak aknem apnema Pablo m'a akieto Corinto, netamen apkelpaivesaiangko lhnak apkelialheng'a m'a apmahai'a eniakhak iokhalhma Siria. Apketlhelhma'ak noka Aquila kakpota nhan aptava Priscila, apkelvekho natemma Cencreas apiesekho lhnak Pablo m'a alhnai'a nkek nak aptemak apqatek ngkanek apeneskamo apaivoma etnehek napaqtek Eniapom Neten. Netamen apkelkanantemo lhnak loma nemmen apkenmeiekho iokhalhma Siria.

Hechos 11:18

Neksa apkellengai'a lhnak ma'a akmaskemo nhan apkeliamenammap Pedro m'a, apkeliavenkaskesaiangka lhnak apvesai'a Eniapom Neten ma'a, lhna aptaiangkok: —Neliavek kolhva ennengko'o apkenmamo takha Eniapom Neten enenlhet metnangko nak judios, apkeltavek na eliaqmongkasekhak mo'ok apvalho'ok ma'a kakpota ngkoitek aliennaktema apnenio'ok mankotnengvaianlha nnelha —lhnak aptaiangkok ma'a.

Hechos 6:9

Lhema aknem na ntemak ma'a apkelvai'o lhnak enenlhet apkelleniem'o apkaqnekhelha judios akvesai'a Esclavos nema alpaqnemekha, apkelvai'o lhnak na enenlhet ko Cirene, Alejandria, Cilicia kakpota nhan ko Asia, ka ampai'akha lhnak apkellatemommap Esteban ma'a.

Hechos 11:20

Koka apkelvai'ak nak na moklhem'a enenlhet'avok apkelleniem'o Chipre kakpota nhan Cirene, apkeleltennaseiangka lhnak na ania'a aktaqmanma aplhenammap Apveske Jesús enenlhet griegos ma'a akieto Antioquia.

Hechos 15:2

Koka nkoihek nak apkellatemommap Pablo kakpota nhan Bernabe m'a, man nak nkolleklemok apvalho'ok aktemakha nak apketlhekmosekamok ma'a. Ka apkelvetai'o lhnak apkelemhama apmaniaie iglesia m'a, apkellapaskamo lhnak Pablo, Bernabe kakpota nhan aplhamakha apketlhelhma'ak akieto Jerusalen kakpota elpaqmetkasakpok nema allapaskamo kakpota nhan metno apketko'ok ma'a aktemakha apketlheianma apkeliaqtemenaikamok nekha tkok apkellammelhakha m'a. Ka apkeliekai'o lhnak iokhalhma Fenicia kakpota nhan Samaria, apkeleltennaseiangko lhnak ma'a nak hanet iokhalhma nak neksa apkeliekai'a ania'a aktemakha apkelvatesaikamok qaselha ngkolatsekama apkellanekamok metnangko judios kakpota meliaskamek na Eniapom Neten. Nkelpaihekhek nak apvalho'ok apkelialheng'a apkellengai'o ania'a m'a.