Hechos 15:19 - Nuevo Testamento Toba Maskoy

¹⁹ Ka ngkanek ko alhenek ntasek meliasangke lhma metnangko nak judios apkellelto lhta apkelelpengkaiam apvalho'ok akieto apnakha Eniapom Neten.

Hechos 15:19 Referans Kwoze

Hechos 15:28

Koka nnekhek mo'ok atlheianma engelvalho'ok ennengko'o kakpota nhan Espíritu Santo kakpota mongelpatenkesek malha akientalhnema ketlhengkap, vanlha koka ntasek

1 Tesalonicenses 1:9

Apketlheianma apankavek na lhta nhan ketlhengkap ma'a hengenmaiangko takha aktaqmanma neksa nelvaiam alhta ham, ka apkelieniekho lhna lhta nhan qaselha akiokha la alanemmalhka, apkelelpengkaiakmo lhna lhta nhan apvalho'ok akieto apnakha Eniapom Neten apto menietsepma, apto nhan have niapak anke niapom ma'a. Ka apkelempai'akha lhna lhta nhan apkellasennaikama Eniapom Neten ma'a,

Hechos 15:24

Nelleng'ak ennengko'o ania'a moklhem'a nennemolhema apkenmeioiam ham apketsoiam mokhom ngkolatsekama apketlhekmosekamok kakpota nkoltemeskesek meliamo apkelieplavkesakha ketlhengkap ham, koka have ennengko'o nellapaskama ham.

Hechos 26:20

Ka askeltennangka lhta nhan ania'a aktaqmanma amanie nkek ma'a natemma Damasco, netamen na apiav'akha temma Jerusalen kakpota nhan lhamakho aiempek iokhalhma Judea. Ka askeleltennaseiangko nhan metnangko nak judios eliaqmongkasekhak mo'ok apvalho'ok, elpengkamok na apvalho'ok ma'a akieto apnakha Eniapom Neten.

Galatas 2:4

Hengelpalhakva'a lhta nhan apkelleltammakpo engelialheng'a, koka have lhta niekhe m'a vanlha lhta apkenmahai'a ellanama nentangkolha metka hengenmaikama nak henganemakha aniem'o Cristo Jesús, koka apkenmahai'a lhta henteskesangkok mokhom malha hengellasennaikama nema nelianmoma henganemakha ankok.

Hechos 15:10

Apkeliepkonkek Eniapom Neten ketlhengkap neksa apkelpatengkeskama mota akientalhnema nema altamesaikamok anak, nelieihengka'a nnenga kakpota nhan ennengko'o ma lhta angenmopvanka'ak angelpatmok akientalhnema nak.

Hechos 21:21

Koka apkellengai'ak na ania'a aktemakha apketlhekmoskama lheiap ma'a judios apankave nak apkakhangko m'a apieseksek metnangko nak judios, aplheianveiakmo lhna lhta lheiap ntasek elieniekhak ley Moises anak, ntasek na lhta nhan elieniekhak aptaiangkolha nak apkeltemeskesaikamok apkeliaqtemenkeskama nekha tkok apkellammelhakha apketkak, kakpota nhan ntasek na lhta nhan elieniekhak nentaiangkolha nak ennengko'o hengke'e judios.

Hechos 21:25

Koka metnangko lhta judios apkellelto lhta meliaskeiam Jesucristo, nellapaskaske lhta vakkahak atkok nennaktalheskama alletlhekmoskama m'a kakpota metavankek nentoskama apetek apkellaikamok la qaselha akiokha alanemmalhka ankok, metavankek na ema, metavankek na nentoskama akvaivekamok atsepma nak, kakpota nhan metnangkek na apkenmensangveiam alhma —lhta aptangkok ma'a.