Hechos 14:22 - Nuevo Testamento Toba Maskoy

²² Ka apkeleltemo lhnak amaika'a apkellelto nema altamesaikamok ma'a, apkeliateikokho lhnak na etlhengkesek meliaskeiam Jesús ma'a, lhnak aptaiangkok ma'a: —Annengangkok hata akiavai'a akientalhnema nenmak'o la antalhnengvomok akieto nak ma'a aptemakha apveske Eniapom Neten —lhna aptaiangkok ma'a.

Hechos 14:22 Referans Kwoze

1 Pedro 5:10

Koka apkelvaskapo la akiakvatakho nkek apkellengaiangko akientalhnema, eltemeskesek hata nhan apkelpeivomo Eniapom neten ma'a, eliennakteksek hata nhan, elteniaskesek hata nhan apiempeiok, ellangkok hata nhan apkeliangveiakmo aktemakha apkelvetai'a. Hai, etnek hata Eniapom Neten ma'a ngkanek avanhek apkellamelaiam ketlhengkap ma'a, apkeliekieskek na kakpota elpasengvomok aktakmelakha nkek nkotnengvaiam annelha apkelpasmekha Jesucristo.

2 Timoteo 3:12

Have niapak ankek ellengangkok hata nema akmenlhenaikama aplhamakho apkellelto la apkenmahai'a ellanangkok qaselha altaqmelo aniem'o nhan apkelleliehekho Cristo Jesús,

Juan 16:33

Nkollengaskesangkok hata akientalhnema ketlhengkap hengke'e nalhepop anak aniem'o maniamolhma nak, koka mellaga nkoie ngkanek astemeskesakhek ko koneng aveske nalhepop anak, elvetak hata nhan altaqmelaikama apvalho'ok aptangko la helpasmekha mota —lhta aptak Jesús.

Apocalipsis 2:10

Koka meniaga nkek akmak'o ta nkovak aplengaiangko lheiap. Moklhem'a ta apieseksek anak ketlhengkap ngkolhek hata allaklhengkaso nemmammalhkelha aniem'o aveske keliaqhameio' kakpota nhan ngkolhek aliepkono m'a, ellengangkok hata akvakmo 10 aknem. Ka apvaskapo ta lheiap m'a akvakmo apketsepo niekhe, ko'o ta angvangkok akianmoma apnaksepma akvesai'a akiennaktema apneniek mokhom".

Colosenses 1:23

Nkaimelhkek eliennakteksek meliaskeiam anak, metka apkelieniekha m'a alel·halhnekama apvalho'ok elvetak hata aktaqmanma aniem'o ania'a aktaqmanma apkellengai'a lhta, nema aleltennaskamo mota lhmankek ham. Ko'o nhan askeleltennaskama ania'a nak aniem'o lhta heiapaskama Eniapom Neten.

2 Timoteo 1:8

Ka ngkanek memangkankek na elhenek apvesai'a Apveske engankok, ka nhan memangkankek na helhenek ko'o asnema nengaqlhengkasemmalhkelha aniem'o askasennaikama Apveske. Ka apvanko ta emok takha lheiap apvet'o la akientalhnema aniem'o apkeltennaikama ania'a aktaqmanma, Eniapom Neten hato ka nhan eniangkok apiennaktema kakpota evaskapok lheiap.

Hechos 18:23

Iakvatakho lhnak apnema Pablo m'a, ka apkempekho mokhom aplhengama apmeiekho iokhalhma Galacia kakpota nhan Frigia. Ka apkeliatekho lhnak apkellelto nema altamesaikamok kakpota etlhengkesek metka apkelvatesaikamok ma'a.

Apocalipsis 7:14

—Ma', lheiap koka apiave —lhta stak askatemmongka m'a. Koka lhta aptak mokhom heiano: —Koka enenlhet'avok anak hengke'e apkellelto lhta apkelvetaiangko akientalhnema, malha apkelieniesekamok apkelentalhnema kakpota enmopekhak ma'a aniem'o lhta ema apankok Nepkesek Apketkok.

2 Pedro 1:11

Ka nkeniem'ak ma'a ntasek ankek hata ngkotnek apvaiam ma'a iokhalhma akieto nak aptemengvekhelha metka aktemongvaiam annelha Apveske engankok Jesucristo, apto nhan Henvonkeskama tep.

Hechos 9:16

Ataskesek hata m'a akiavai'a aplengaiangko akientalhnema aniem'o apaiesaikama asvesai'a —lhnak aptemak Apveske.

1 Corintios 1:8

Eniapom Neten hata etneskesangkok aliennaktema meliaskeiam ketlhengkap akvakmo aktakha nnelha kakpota metlhenek enenlhet apnaqtevaskama mota po'ok napaqtek apveske engankok Jesucristo apteiapvo'o ta m'a.

Hechos 15:41

Ka aplhengamo lhnak ma'a, apkeliekai'o lhnak Siria kakpota nhan Cilicia, apkeliateikokho lhnak moklhem'a iglesia apkelvaianlha la'a.

Hechos 15:32

Judas kakpota nhan Silas apkellelto lhnak na apkeleltennasemmap ania'a, apkelpaieskeskaiakmo lhnak na apvalho'ok, apkeliateikokho lhnak na apkelialheng'a m'a.

Lucas 24:26

nkaimommalhkek na lhta Cristo ennangkoho akientalhnema amanie nema aktemeskeskama ta apientalhnemo pankek ma'a —lhnak aptemak ma'a.

Hechos 11:23

Bernabe lhnoka apto enenlhet apiamolhma', aklanei'o lhnak na apvalhok Espíritu Santo m'a kakpota nhan mei'askeiam ma'a. Apvekhek nak Bernabe m'a akieto Antioquia, apvetangvekho lhnak Eniapom Neten apkeltakmelkeskama enenlhet'avok ma'a, avanhek ankek nak na akpaihekha apvalhok ma'a. Ka apkeliatekho lhnak ma'a enenlhet'avok kakpota melvatesankek apkelleliehekho Apveske. Aplhaniek nak enenlhet apkellailhemo Bernabe, ka aptaiangko nhan meliaskeiam Apveske m'a.

Juan 15:20

Kotlheianvakho no apvalho'ok astakha lhta askellano, nema asennaikama nak have apto neten apankek apveske apankok. Heliaqmasema lhta ko'o enenlhet, hata nhan ngkotnek ketlhengkap ma'a. Koka moklhem'a lhta nhan apkelleliehekho lhta aspaioma, eleliehekhok hata nhan aptangkolha la apketlhekmosekamok ketlhengkap ma'a.

Apocalipsis 1:9

Ko'o Juan asto elialheng'a ketlhengkap, nengelelto nhan nennemolhema akieto nak aptemakha apveske Eniapom Neten. Aslengaiangkek na lhemek akientalhnema ketlhengkap, nengetlhevaikamok na nengeliennaktema kakpota angelvaskapok ma'a. Asne lhta ko'o m'a akieto akiaqiema lhepop iemmen nekhav'ak akvesai'a Patmos aniem'o aspaieskama mota ania'a apankok Eniapom Neten, kanhan ania'a aktemakha asvetaiangko lhta Jesucristo.

Judas 1:3

Ketlhengkap elialheng'a askellamelaiam, avanhe skeltema anaktalheskesek aktemakha m'a nengelvongkasemmalhka nak tep. Kolhva koka asmak'ak allasnama askeleltemo eliavenkasok apkeltakmelkeskama meliaskeiam anak nema allaikamok alhta aplhamakho apkellelto nak apkelpokkenammap.

1 Tesalonicenses 3:13

Nengeltavek na eliennakteskesek meliaskeiam, elalhnaskesek na apvalho'ok kakpota mangkolhek atlheno apkelvesai'a ketlhengkap napaqtek Eniapom Neten apvaktamo ta hengke'e Apveske engankok Jesús kakpota nhan apalhakvaktamo ta apkelpokkanma apanko'ok. Amen.

Hechos 13:43

Man nantek judios kakpota nhan metnangko judios apkellelto apalhakvaiam apkelvanekamok aptaiangkelha judios, apkelieplekho lhnak Pablo m'a kanhan Bernabe. Koka apkelleltemo lhnak melieniekhek aptaikamok meliaskeiam Eniapom Neten kanhan apkellamelaiam ma'a.

Hechos 6:7

Niangveiakmek nak nema alhpankeskama apaivoma Apveske, aplhameiangkek nak na nema altamesaikamok natemma Jerusalen, aplhaniek nak na sacerdotes meliaskeiam ania'a aplhenammap Jesús.

Marcos 10:30

Etlhevangkok hata aklhamakma qaselha apanko'ok hengke'e, ka akto nak apkakhaiangkolha, apkelialheng'a kanhan apkelialheng'a ngkelvana'ak, ngkana'ak, apketkak, lhepop apanko'ok nahan, koka mangkolhek hata nhan allamelangka m'a. Netamen hata m'a apmaniaie nak etlhevangkok aliennaktema apnenio'ok mankotnengvaianlha nnelha.

Marcos 9:47

Ka apaqtek anak lheiap nkelaneskaskek hata nkek ngkolatsekama, ¡elek hata! Ntase niekhe eklhek apiavek aptemakha nak Apveske Eniapom Neten, have aptonak eieniokpok ngkospaneiakha talha akieplomo hanet apaqto'ok.

Juan 3:5

Ka apkatemmoiangka lhnak Jesús: —Nkaimelhke' nak etiemok aniem'o Espíritu kakpota nhan iemmen, kakpota etalhnengvomok ma'a aptemakha nak apveske Eniapom Neten, akto have niapak ankek ma'a.

Juan 15:18

—Eltakneva ta enenlhet apkellanekamo mota ngkolatsekama ketlhengkap, nkotlheianvakho toka apvalho'ok emanie lhta heltaqnongkoma ko'o m'a.

Hechos 11:26

Lhema iantelhkapa lhnak apkakhaiangkok ma'a, apkankesekho lhnak ma'a, apketlhekmoseiangko lhnak na apkellelto iglesia m'a. Koka m'a akieto nak ma'a nema altamesaikamok anak ampai'akhasekha nkek nak apkeltemeskasekha apkelvesai'a Meliaskeiam Cristo.

Hechos 11:29

Netamen nema altamesaikamok akieto Antioquia atlheianvekho lhnak apvalho'ok moklhem'a apkelleltakha la elpasmok kakpota ellapaskesek alpasmoma apkelialheng'a ko Judea.

Hechos 14:20

Ka apkelvai'o lhnak ma'a nema altamesaikamok, apkel·halhiengkangvei'o lhnak apietnakha Pablo, ka apkenmekho lhnak apankek neten, aptalhnekho mokhom natemma m'a. Mo'ok aknem na ntemak ma'a apkenmeiekho Pablo kakpota nhan Bernabe na temma Derbe,

Hechos 14:28

Ka apkakhengvekho lhnak kvanqakho m'a apieseksek nema altamesaikamok.

Filipenses 1:29

Eniapom Neten apkellaikamok ketlhengkap qaselha aktaqmanma nkek akvesai'a meliaskeiam Cristo, apkellaikamok na apkellengaiangko akientalhnema aniem'o apkelleliehekho Cristo.

1 Pedro 2:21

Neksa apkellavekama lhta Eniapom Neten ketlhengkap apiamave lhtoka nhan elvetak hata akientalhnema aniem'o aknaikamok apkelleliehekho ma'a, ka aptemo lhta nhan Cristo aplengaiangko aniem'o apkelpasmoma ketlhengkap, apkeleltemo lhta nhan ketlhengkap elvanangkok ma'a aptemakha.

1 Pedro 5:9

Elammelh hata nhan akieplomo akiennaktema meliaskeiam ma'a, ka aliepkonma nak ketlhengkap nnavek na apkelvetai'a m'a apkelialheng'a aplhamakho lhmankek ham.