Hechos 14:2 - Nuevo Testamento Toba Maskoy

² Koka moklhem'a judios apkeliaskeiakmek nak ma'a, ka apkellavkeskamo lhnak na moklhem'a metnangko judios ma'a kakpota ellammelhekhak engelialheng'a.

Hechos 14:2 Referans Kwoze

Hechos 13:50

Koka apkellelto judios apkelentennaskekho lhnak meliamolhma Pablo kakpota nhan Bernabe naqtavek ngkelvana'ak aliamolhma, ngkeskama alletsekama nhan ma'a. Napaqtavek na apkelemhama apmaniaie' neten apankavek akieto apiav'akha temma nak, knemo nhan alentepkeskamo iokhalhma nak ma'a.

Hechos 17:5

Koka napokha judios apkeliaskeiakmek nak ma'a kakpota nhan apkeliasepkeskama. Apkelleliaiangka lhnak moklhem'a enenlhet meliamolhma apkellomakha apankek la amai kakpota eliasangkolhma lhamakho temma nak. Apkelteniaiangkek nak apiempeiok apkelentalhnengvaiakmo apnemakha lhema enenlhet apvesai'a Jason. Apkelleliaiangka m'a Pablo kakpota nhan Silas kakpota eliantemekhak napaqtavek enenlhet'avok kakpota eleltangkok meliamolhma m'a.

Hechos 14:19

Koka nietemavek nak na apkelvai'o judios apkelleniem'o Iconio kakpota nhan Antioquia, ka apkelpengkangvekho lhnak apvalho'ok enenlhet ma'a kakpota ellammelhkasekha Pablo. Ka apkeliaqneiangko lhnak metaimong ma'a, atlheianmo lhnak apvalho'ok enietsepmak ma'a, apkelienioseikokho lhnak na akieto nepiava temma.

Hechos 13:45

Apkeliasepkeskangkek noka judios apkelvetai'o enenlhet'avok apentalhnema apkankesekha Pablo m'a, ka apkelempai'akha lhnak apkeliaskama apatno'ok kakpota nhan apkeltaknongkomo neksa apkeltennaikama Pablo m'a.

Hechos 17:13

Koka apkellengai'ak nak judios akieto m'a Tesalonica apkeltennaikama Pablo Eniapom Neten apaivoma natemma Berea, ka apkenmeiekho lhnak ma'a, apkeltemeskeskekho lhnak na mokhom apkeliennengkeskama lhma enenlhet'avok aniem'o apkellammelhma Pablo.

Hechos 18:12

Netamen ma'a aptaiekho lhnak gobernador natemma Acaya lhema enenlhet apvesai'a Galion, apkaqnekho lhnak moklhem'a judios apkellammelhma Pablo, ka apkeliantemekho lhnak akieto aliekpelkammalhkelha nentaiangkolha m'a,

Juan 3:36

Mang hata nkek eliaskakmok Apketka nak, ngkoitek hata aliennaktema apnenio'ok mankotnengvaianlha nnelha. Koka apkellelto la apkeliaskeiam ma'a, mangkolhek hata aliennaktema apnenio'ok, hato ka eliaqmongkaskesekhak apkeltemakha Eniapom Neten ma'a.

Hechos 1:15

Lhema knem na ntemak ma'a, apkelpaqmetkeskamo Pedro m'a apkellelto apkelialheng'a m'a, apkaknekhek nak malha 120 enenlhet'avok ma'a, lhna aptemak apkellanemo:

Hechos 14:4

Koka enenlhet'avok anak ma'a apkelhpankesammakpek nak ma'a, napokha lhnak apkelieplomak apkelemhama apmaniaie judios kakpota nhan napokha nema allapaskamo.

Hechos 14:5

Ka netamen nak ma'a apiepetkekho lhnak po'ok moklhem'a judios, metnangko judios kakpota nhan apkelemhama apmaniaie apkeleltemo enaqtevaksek Pablo kakpota nhan Bernabe, eliaqnangkok na metaimong kakpota ennapok ma'a.

1 Tesalonicenses 2:14

Apaivomolhema apankave lhta nhan apkenmenlhenaikama ketlhengkap ma'a, lhta nhan ntemak ma'a iglesia apankok Eniapom Neten akieto m'a Judea aniem'o meliaskeiam Cristo, apaivomo lhema apankave lhta judios apkenmenlhenaikama m'a.