Biblia Todo Logo
Bib sou entènèt

- Piblisite -




Hechos 13:25 - Nuevo Testamento Toba Maskoy

25 Netamen ketsek nak nkaimommalhka apketsepmakha Juan, lhnak aptemak: "Have ko'o asto m'a enenlhet anak aklheianmo na mota apvalho'ok ketlhengkap, evak hato ka netamen ko'o m'a, mangheietok na niekhe al·hatsoskesek hata alhato'ok apnakteto apmanko'ok ma'a", lhnak aptemak Juan.

Gade chapit la Kopi




Hechos 13:25
19 Referans Kwoze  

Lhna aptemak apkeltennaiangka Juan apkellanemo enenlhet'avok hengke'e: —Netamen ko'o evak hata apto apientalhnemo apankek, molhnok ko'o. Ngvannalhkek evalhok angvalhek kakpota al·hatsoskesek alhato'ok apnakteto apmankok ma'a.


Koka mamma aptaikama evalhok angvetsepok kelhaha, askeltavek ko'o asavhok asmakmekama malha askelpaivasemmalhka aptakha lhta apaivoma Apveske Jesús heiano akieplomo akpaihekha evalhok, apkeltemo lhta apaiaksek ania'a aktaqmanma aplhenammap hengellamelaiam Eniapom Neten.


Hata apkelpeneso ta apkelpaieskama ania'a astemakha ko'o m'a, nkotiepok hata nhan lhema kaselha nevhak nengai'o nkek konne malhek konne kankek, nkonnapalhkak hata m'a apqanet anak askellasennaikama apkelioho ko'o astemakha, nkoltemeskasenta ta koneng, nkonnapok hata nhan ma'a.


ngkanek heiasennaikama aktaqmanma nkek ma'a, astemengke mota nhan malha kto nak soldado apmopvana la ennapakpok, malha nhan astemak ma'a apkelpaivasemmap la'a apvaiam anak akiensasemmalhka nak, molvateskakmok na moi'askeiam.


Mangeleltennasengkok enganko'ok engankavek ennengko'o napaqtavek enenlhet la'a, neleltennaskek koka apvesai'a Jesucristo apto Apveske aniem'o nhan nengellamelaiam ma'a, ka ngkanek nentaiangko nhan malha apkellasennaikama apankok nema apkelianmoma nak ketlhengkap.


Koka lhna aptemak mokhom Pablo: —Apkellavkeskangke lhta konne iemmen enenlhet'avok Juan apkeleltemo lhta nhan eliaqmongkasekhak mo'ok apvalho'ok ma'a, apkeltemave lhta nhan meliaskame enenlhet apmahai'o evak ma'a, Jesús alhta m'a —lhna aptemak Pablo apkellanemo enenlhet'avok.


Apiav'akha apveske David apkelpasmongkek nak nane mota apkennemolhema aniem'o Eniapom Neten apkeltema etnek ma'a, netamen apketsepmek nak ma'a, aknemo aklhengkeskaiakmo nhan konne metaimong alhva aphapak ma'a akieto apnaiangkolha nhan apkelieihengka apkeletsepma, koka ntepelkammalhkek nak nanek aphapak ma'a.


Enenlhet apto la aplhenammakpo panke', apkeltemo ngkolhek altangko nema apiamo neten apankek. Koka enenlhet apteniai'a la mota aptemeskeskama neten apanke apvesai'a apto apkapaskama, koka enenlhet anak akto iokhalhmek aplheianma m'a, have apmopvana ania'a.


Koka lhta aptak Jesús: —Askasekhai'o ko'o apto heiapaskama, apenaksek hata asmakmekama apkeltemo lhta alanak ma'a, koka malha astoma ko'o m'a.


Ka apvet'o lhta Juan Jesús apieko m'a, lhta aptak apkellano apkeltamesaikamok: —Ellammelhono ha'e, ka apmankok Nepkesek Apketkok apkapaskama Eniapom Neten ha'e —lhta aptak Juan.


Koka asvet'o lhta ko'o m'a, alheno nhan apto Eniapom Neten Apketka m'a —lhta aptak Juan ma'a.


Lhema aknem alhta ntak akiekai'a m'a, apvet'o lhta Juan aplhekmo Jesús ma'a, lhta aptak apkellano enenlhet'avok: —Ellammelhono ha'e, aplhekmek apto Nepkesek Apketkok apkapaskama Eniapom Neten, apto apkel·hatsoskama ta malha akientalhnema apkelpatmekama enenlhet lhmankek ham aniem'o meleliehekho apkellaskamakha Eniapom Neten.


Swiv nou:

Piblisite


Piblisite