Hechos 13:15 - Nuevo Testamento Toba Maskoy

¹⁵ Ka aknemo lhnak alietsatemo vakkahak ley Moises kakpota nhan vakkahak apanko'ok apkeleltennasemmap ania'a annenga. Ka netamen ma'a apkelemhama apmaniaie nemaknekhelha nak lhna aptaiangkok apkellanemo Pablo kakpota nhan Bernabe: —Ketlhengkap elialheng'a ¿nietne ie ania'a la hengellaikamok apaivoma hengeliatekho la'a ennengko'o, he? —lhna aptaiangkok.

Hechos 13:15 Referans Kwoze

Hebreos 13:22

Elialheng'a, ntasek eltaqmelkaso apkellailhemo akiakvatema nke niekhe askeliatekho nak asnaktalheskeskama ketlhengkap.

Hechos 15:21

Ka ley anak Moises lhennenga nemo aleltennaskamo enenlhet'avok moklhem'a apkellavakha apkaqnekhelha la judios lhamakho aknem nennekhelha la sabado.

Marcos 5:22

Ka apvai'o lhnak na lhema apkemhama apmanie nemaknekhelha judios apvesai'a Jairo apnakha Jesús ma'a, apkelpalengvai'o lhnak apkenmangkelha, lhna aptemak:

1 Corintios 14:3

Koka enenlhet apto nak aplheianma ania'a apkaikamok aniem'o m'a Eniapom Neten apkelpaqmeiasma apanke nak, apkeltakmelkeskaskek apkellangiemhaikama m'a, apkeliatakhavek nahan, apkelpaieskeskakmek na apvalho'ok Jesucristo apkennemolhema.

Romanos 12:8

Enenlhet apto lhta nhan aplhevai'a apmopvana eiatekhok po'ok, ntasek na eieplavkesek ma'a. Enenlhet apto la hengaiangko niapom qaselha apankok, ntasek etnek metka apkenmeiavkesammakpo panke' qaselhaha. Enenlhet apto lhta nhan aplhevai'a apmopvana la malha apveske, ntasek etnek apiamo, aptaqmelkeskamo nhan. Apto lhta nhan aplhevai'a apmopvana epasmok apkellelto nak metka apkelletsekama, ntasek etnek akpaihekha mota apvalhok ma'a.

Hechos 22:1

—Ellailhonoho elialheng'a kakpota nhan eniapma'ak asmak'ak angvasennalhko ehenkek alhenek napaqtavek ketlhengkap —lhta aptak Pablo.

Hechos 18:17

koka apkelpathetmo lhnak apto apkemhama apmanie nemaknekhelha m'a apvesai'a Sostenes, apkeltekpoiangka nhan ma'a akieto konne aliekpelkammalhkelha nentaiangkolha, man noka eniammelhmok gobernador Galion ma'a.

Hechos 13:27

Apkellelto lhta apkelemhama apmaniaie kakpota nhan enenlhet'avok apkellavakha nak ma'a Jerusalen, ma lhta nkotlheianveiakmok apvalho'ok apto m'a Jesús. Lhamakho aknem nennekhelha sabado lhta nha niekhe apkaknekhak ma'a akieto apkaqnekhelha apkelietsateiangko lhta nhan apnaktalheskama apkeleltennasemmap ania'a, koka nkaqhemavek apnaqtevaskangkek Jesús. Aptaiangkek ma'a aktemakha apketlheianma apkeleltennasemmap ania'a annenga ngkotnek hata m'a.

Hechos 20:2

Aptaiangka lhnak amaika'a m'a lhamakho apkellavakha akietelha la apmeiekhelha, apkeliatekho lhnak apkelialheng'a m'a, netamen nak ma'a apvakho lhnak Grecia.

Hechos 18:8

Apkemhama apmanie nemaknekhelha apvesai'a Crispo kakpota nhan apketkak mang nak na eliaskeiakmok Apveske, kakpota nhan mantek enenlhet'avok ko Corinto, ka aknemo lhnak na allavkesaiangko konne iemmen ma'a.

Hechos 15:7

Avanhek na ntemak apkellatemommap ma'a, ka apkenmekho lhnak neten Pedro, lhnak aptemak: —Elialheng'a, apkeliavek ketlhengkap Eniapom Neten apto heliekieskama lhennenga kakpota altennama ania'a aktaqmanma apieseksek metnangko nak judios kakpota meliaskamek ma'a.

Hechos 7:2

Ka apkatemmoiangka lhnak Esteban ma'a, lhna aptemak: —Hellailhono eliapma'ak kanhan elialheng'a, Eniapom Neten aknema apmopvana panke apvetaskesammakpo lhnak nanek nelieihengka Abraham akieto Mesopotamia, amanie lhnak apmahai'a elhnemok iokhalhma Harán,

Hechos 2:37

Avanhek ankek nak altaikama apvalho'ok apkellengai'o m'a, ka apkelelmalhnengvekho lhnak Pedro kakpota nhan apketlhelhma'ak nema allapaskamo, lhna aptaiangkok: —Elialheng'a, ¿ko la antemeskesangkok ennengko'o m'a, he? —lhna aptaiangkok.

Hechos 2:29

Elialheng'a, apkeliavek ketlhengkap David apketsepme lhta m'a, neliavek na ennengko'o nemakha aklhengkeskaianlha aphapak hengke'e.

Hechos 2:4

Apkelapvei'o lhnak na aplhamakho Espíritu Santo m'a, ka ampai'akha lhnak apkelpaqmetekama mo'ok apkelpaqmeiasma aniem'o m'a Espíritu.

Hechos 1:16

—Elialheng'a, nietavek ankek akvai'a aktemakha aktalhesammalhka vakkahak Eniapom Neten apaivoma, aplheianmo lhnak nanek apiav'akha apveske David aniem'o Espíritu Santo aktemakha Judas apkelanai'a, apto lhta aplaqloiam enenlhet kakpota elpathetek Jesús ma'a.

Lucas 16:16

—Ngvai'ak aknem aktema nnelha m'a ley kanhan ania'a apankok apkeleltennasemmap ania'a apvai'o m'a Juan. Netamen na m'a ampai'o ania'a aktaqmanma aklhenammalhka aknem aptaiekha apveske Eniapom Neten, mantek enenlhet'avok apteniaiangko apiempeiok apkenmahai'a etnangkok apkennemolhema m'a.

Hechos 4:36

Apnengkek nak na lhema enenlhet apvesai'a José apkeniem'o Chipre, aptaven neptamen noka m'a Levi. Koka nema allapaskama m'a apkeliaqmongkaskesekho lhnak mo'ok apvesai'a, Bernabe lhnak apteskaseikokhak apvesai'a m'a, nema ltema apaiesekha engvalhok aniapom.

2 Corintios 3:14

Koka mang nak nanek nkomahai'ak eliohok ma'a, ka nenvanlha nak na aptavana'ak neptamen apkelietsatengko la vakkahak aktalhesammalhka lhennenga annemo mo'ok apvalho'ok apkenmahai'akha etnangkok, man na eliamok ma'a, malha niekhe nhan apkelapma la napaqta'a ietamopai'a napokha, apkeliaseiangke lhma m'a kakpota melvetie lhma m'a, meliehek nahan, vanlha koka nhan Cristo apto apmopvana el·hatsoskasangkok ma'a.

1 Tesalonicenses 2:3

Netlhekmoseiangke lhta mota nhan akto haveniapak ankek, ma lhta nhan nkolhnaiangkok engelvalho'ok malha alposkama la qaselha kakpota nhan mankonmahai'ak angeliennengkesek.