Hechos 11:20 - Nuevo Testamento Toba Maskoy

²⁰ Koka apkelvai'ak nak na moklhem'a enenlhet'avok apkelleniem'o Chipre kakpota nhan Cirene, apkeleltennaseiangka lhnak na ania'a aktaqmanma aplhenammap Apveske Jesús enenlhet griegos ma'a akieto Antioquia.

Hechos 11:20 Referans Kwoze

Hechos 13:1

Apkakhaiangkek nak apkeleltennasemmap ania'a m'a kakpota nhan hengetlhekmoskama apieseksek apkellelto iglesia akieto iokhalhma Antioquia. Apkelvesai'a Bernabe, Simon mo'ok nema ltema Apaiseiam, Lucio apkeniem'o natemma Cirene, Menahem kakpota nhan Saulo. Menahem noka knema akvanengkeskamo lhemek ma'a apveske Herodes Antipas.

Efesios 3:8

Hai, nalhepek anke niekhe ko'o, moientalhnemo nhan apieseksek anak apkelpokkenammap, nkaqhok koka heiaiangkek aktaqmanma nkek asmakmekama apieseksek anak metnangko nak judios, askeltennaikama ania'a aktaqmanma aktemakha akiavai'a nkek qaselha altaqmelo apmahai'a hengellangkok ma'a Cristo.

Hechos 6:9

Lhema aknem na ntemak ma'a apkelvai'o lhnak enenlhet apkelleniem'o apkaqnekhelha judios akvesai'a Esclavos nema alpaqnemekha, apkelvai'o lhnak na enenlhet ko Cirene, Alejandria, Cilicia kakpota nhan ko Asia, ka ampai'akha lhnak apkellatemommap Esteban ma'a.

Hechos 2:10

Frigia, Panfilia, Egipto, kakpota nhan iokhalhma' akieto Libia, nengaqtek iokhalhma Cirene. Apkaqhangkek na enenlhet hengke'e apkelleniem'o ko Roma,

1 Corintios 2:2

Vanlha lhta mota askeleltennaskamo akietemo nkek aklheianma evalhok ania'a aplhenammap Jesucristo apketsepma neten iamet aktenneskama.

Hechos 17:18

Apketlhekmoskangkek nak Pablo m'a aptemakha Jesús kakpota nhan aktemakha nema apnaklhatekhaskeiam hata apieseksek apkenmaskengvaiakmo. Koka apkellammelhmek nak na m'a moklhem'a enenlhet apkelvesai'a Epicureos kakpota nhan po'ok apasmekha apkelvesai'a Estoicos, lhna aptaiangkok: —¿Se lha aplheno ham enenlhet anak aplhamasammap, he? —lhna aptaiangkok. Lhnak na aptaiangkok apketlhelhma'ak: —Malha nak apketlhekmoskama apkeltemakha dioses mo'ok apkellavakha —lhna aptaiangkok.

Hechos 9:29

Metka apkai'akha lhnak na aplheianma apvesai'a Apveske m'a, Apkellatemmommakpek nak na m'a griegos, apkellanekhek nak na niekhe apkenmahai'a ennapok ma'a.

Hechos 9:20

Apkempai'akha lhnak kolhvavek anke apkeltennaikama Saulo apkaqnekhelha judios Jesús apto Eniapom Neten apketka.

Hechos 8:35

Ka apkelpeiveskasekho lhnak Felipe m'a aptemakha aplheianma Isaias, kakpota nhan lhamakho altalhesammalhka vakkahak Eniapom Neten apaivoma aktemakha ania'a aktaqmanma aplhenammap Jesús.

Hechos 8:5

Felipe lhnoka apmaiangkok iokhalhma Samaria, ka apkeleltennaskeiakmo lhnak ania'a aplhenammap Cristo m'a.

Hechos 5:42

Lhamakho aknem nak apketlhekmosekamok aptemakha Jesucristo akieto m'a Eniapom Neten apnemakha kakpota nhan lhamakho apkakhaiangkolha la enenlhet ma'a.

Hechos 4:36

Apnengkek nak na lhema enenlhet apvesai'a José apkeniem'o Chipre, aptaven neptamen noka m'a Levi. Koka nema allapaskama m'a apkeliaqmongkaskesekho lhnak mo'ok apvesai'a, Bernabe lhnak apteskaseikokhak apvesai'a m'a, nema ltema apaiesekha engvalhok aniapom.

Juan 7:35

Ka apkelelmalhnekpo lhta mok apankavek apkelemhama apmaniaie judios ma'a, lhta aptangkok: —Se lha aplheno nak ai'e, ko la apmak'akha emhangkok kakpota mongelvetekhe. Kelha apme eniakhak ma'a elpalhakvakha judios apkellelto nak apkakhengveiam ma'a apieseksek anak griegos, kakpota nhan etlhekmoskamok griegos ma'a —lhta aptangkok ma'a.

Hechos 6:1

Aplhameiangkek nak apkellelto nema altamesaikamok ma'a, ka ampai'akha lhnak apkeliaskama apatno'ok griegos apkellelto hebreos, apketlheianmo griegos lhentampak'a apanko'ok ketsek atlhevaikamo mota alpasmoma aktekamok lhamakho knem ma'a.

Hechos 6:5

Nkelleklemavek nak apvalho'ok enenlhet'avok ma'a, ka apkeliekiesaiangko lhnak lhema enenlhet aklanei'o apvalhok Espíritu Santo kanhan mei'askeiam apvesai'a lhnak Esteban, kakpota nhan po'ok Felipe, Procoro, Nicanor, Timon, Parmenas kakpota nhan Nicolas apkeniem'o m'a Antioquia, aptemongvai'a lhnak na judio m'a.

Hechos 11:19

Netamen apmatnama lhnak Esteban ma'a, ampai'akha lhnak aknema akmenlhenaikama apkellelto meliaskeiam. Moklhem'a lhnak apkenmaiangkok apkeniaikamok akieto Fenicia, Chipre, kakpota nhan Antioquia, ka apkeleltennaskeiakmo lhnak Eniapom Neten apaivoma m'a apkelvaianlha la'a. Vanlha lhnoka apkellelto judios ma'a, man noka eleltennaskamak metnangko nak judios.

Hechos 11:22

Apkellengai'ak nak ania'a apkellelto iglesia akieto Jerusalen, ka apkellapaskamo lhnak Bernabe m'a Antioquia.

Hechos 11:26

Lhema iantelhkapa lhnak apkakhaiangkok ma'a, apkankesekho lhnak ma'a, apketlhekmoseiangko lhnak na apkellelto iglesia m'a. Koka m'a akieto nak ma'a nema altamesaikamok anak ampai'akhasekha nkek nak apkeltemeskasekha apkelvesai'a Meliaskeiam Cristo.

Hechos 11:27

Ka apkelvaiakmo lhnak na m'a moklhem'a apkeleltennasemmap ania'a apkelleniem'o Jerusalen.

Hechos 14:26

ka apkelkanetvaiakmo loma nemmen kakpota eltaqhok mokhom neptamna'ak akieto Antioquia. Apkelempaiakhasekha lhnak na m'a nema allapaskama ka nhan nemo alelmalhneskeskamo m'a Eniapom Neten kakpota elpasmok neksa apketlhengama kakpota eleltennasangkok ania'a aktaqmanma m'a, apkelpeneskangkek nak apkenmakmekama.

Hechos 15:22

Aplhamakho nema allapaskamo kakpota nhan metno apketko'ok ka nhan iglesia apkeliekiesaiangko lhnak apqanet enenlhet apkellelto neten apankavek apkeliaspommap apkelvesai'a Judas mo'ok nema altema Barsabas, kakpota nhan Silas, kakpota eltek apketlhelhma'ak Pablo kakpota nhan Bernabe neksa apketlhengama akieto Antioquia.

Hechos 15:23

Ka apkellaiangko lhnak na lhema vakkahak kakpota etso'ok ma'a, lhna ntemak aktalhesammalhka: Ennengko'o nema hengellapaskamo kanhan metno apketko'ok, kanhan engelialheng'a, nketlhenkek engelvalho'ok ketlhengkap engelialheng'a metnangko nak judios akieto ham iokhalhma Antioquia, Siria, kakpota nhan Cilicia.

Hechos 15:30

Netamen apketlhengamo lhnak Bernabe, Pablo, Judas kakpota nhan Silas akieto m'a Antioquia, apkankeskekho lhnak apkelialheng'a m'a, apkellangkongvekho lhnak na vakkahak aktalhesammalhka.

Hechos 18:22

apvekho Cesarea. Netamen apmeiekho akieto Jerusalen apmahai'a elpaivesangkok iakvatakho apkellelto iglesia m'a, ka apkempekho mokhom aplhengama akvakho Antioquia.

Galatas 2:11

Neksa apvekta alhta Pedro m'a apiav'akha temma Antioquia, asiennave lhta ko'o askellano m'a ngkanek ma lhta ngkolatsema aptakha m'a.