Hechos 11:13 - Nuevo Testamento Toba Maskoy

¹³ Hengelleltennasema lhta ania'a apvetai'a lhema ángel ma'a, lhna lhta aptemak apkanemo m'a: "Ellapes hata enenlhet natemma akieto Jope kakpota eliantementak Simon mo'ok nema altema Pedro,

Hechos 11:13 Referans Kwoze

Hechos 12:11

Ka aklheianvekho lhnak apvalhok Pedro m'a, lhna ntemak aklhenaikama apvalhok: —Have na niapak Apveske heiapaskasak ángel apankok kakpota hetepkeskatak neksa hemama Herodes, hevongkaskes na tep apkenmak'akha etnangkok hellanei'o judios —lhna ntemak aklhenaikama apvalhok Pedro m'a.

Hechos 10:22

Ka apkellatemmoiangka lhnak enenlhet, lhna aptaiangkok: —Capitan Cornelio lhta hengellapaskama ennengko'o apkeltemo angeliama lheiap kakpota etlhekmoskakhak ma'a. Apto nak enenlhet apeivomo m'a, apkeliehekho nhan Eniapom Neten, enenlhet'avok judios avanhek ankek apketlheianma mota apiamolhma apankek ma'a Cornelio. Ka nkeniemai'ak ma'a apakmetkeskamo lhna lhta lhema ángel apokkenammap kakpota hengellapaksek ennengko'o hengke'e —lhna aptaiangkok ma'a.

Hechos 9:43

Nlhaniek nak aknem apnema Pedro m'a apnemakha Simon, apto apmakmekama apkeltakmelkeskama kaselha aiempeiok.

Hebreos 1:14

Nkanek ángeles apkellelto malha eniempehek apkellasennaikama Eniapom Neten kakpota ellapaksek elpasmok apkellelto nak apkelvonkasemmap tep.

Hechos 9:36

Nnengkek nak ma'a akieto na temma Jope lhema ngkelvana nema altameskama akvesai'a Tabita, nemaltema koka Dorcas griego apaivoma, vanlha lhnak alanai'a aktaqmanma kakpota nhan alpasmoma metka nak apkeletsekama.

Hechos 9:38

Netamen apkellelto nema altamesaikamok ko Jope apkellapaskamo lhnak apqanet enenlhet kakpota eliantengvakhak Pedro apnemo m'a akieto Lida, nengaqtek nak Jope m'a, lhna aptaiangkok apkellanemo m'a: —Eniakhetamok nak lhek eniakhak na temma Jope lheiap Pedro —lhna aptaiangkok.

Hechos 9:42

Nketkaikama lhnak ania'a alhma nkek ham natemma Jope, man nak na ntek enenlhet aptaikamok meliaskeiam Apveske m'a.

Hechos 11:12

Espíritu alhta hepaqmetkasak apkeltemo atnek asketlhelhma'ak enenlhet alhta m'a, lhta nhan asketlhelhma'ak hengke'e 6 anak elialheng'a. Nelvakhe lhta nhan m'a akieto apnemakha lhema enenlhet, nelentalhno lhta nhan konne.

Hechos 11:14

hata etlhekmoksek ma'a aktemakha apvongkasemmap tep lheiap kakpota nhan apkennemolhema apketkak", lhna lhta aptemak apkanemo ángel.