Hechos 11:12 - Nuevo Testamento Toba Maskoy

¹² Espíritu alhta hepaqmetkasak apkeltemo atnek asketlhelhma'ak enenlhet alhta m'a, lhta nhan asketlhelhma'ak hengke'e 6 anak elialheng'a. Nelvakhe lhta nhan m'a akieto apnemakha lhema enenlhet, nelentalhno lhta nhan konne.

Hechos 11:12 Referans Kwoze

Hechos 8:29

Koka lhna aptemak apkanemo Espíritu Felipe: —Eteteskakho no nekha koleto nak —lhna aptemak.

Romanos 3:22

Hai, Eniapom Neten hengeltemeskaskek nengelpeivomo nenlhamakho lhmankek ham aniem'o mongeliaskeiam Jesucristo ngkanek nennavek emmo'ok napaqtek ma'a.

2 Tesalonicenses 2:2

mellanko nkek ngkolhek aliennengkaso, mennelhtengankek na neten apkelleng'o ta ania'a akvai'a aknem apvekta apveske Jesús, apketlheno la m'a enenlhet'avok anak ania'a aniem'o apkelvetaskeskama apaqto'ok Espíritu Santo, kanhan eleltennaksek hata aktemakha nengetlhekmosekamok ennengko'o neliokho engankave kanhan vakkahak nennaktalheskeskama lhta.

Hechos 10:23

Ka apkeltemo lhnak Pedro elentelhek konne pa'at enenlhet nema alapaskama kakpota enaqteiangvomok ma'a. Netamen nak ma'a atsai'o lhnak, apkeltaqhemo lhnak kakpota nhan Pedro kanhan moklhem'a apkelialheng'a apkellavakha m'a Jope.

Hechos 15:9

Nennavek ennengko'o m'a metnangko nak judios anak, apkellalhnaskaskek apvalho'ok Eniapom Neten ma'a apkellelto nak meliaskeiam, nnavek na ennengko'o m'a.

Hechos 10:45

Ka alpelapkeskamo lhnak apketlhelhma'ak Pedro m'a, apkellelto nak apkelieplavkeskama aktemakha nema aliaqtemenkeskama apkellammelhakha nekhatko'ok ma'a, nkeliemaskangkek nak na apvalho'ok ma'a apkelvetai'o apvaiventamo Espíritu Santo taphaplhet'ok apkellelto metnangko nak judios.

Juan 16:13

Hata apvo'o ta Espíritu apto have niapak anke na niapom, hato ka eliangveskeskamhok ketlhengkap akto have niapak anke. Melhenek hata apankok apankek qaselha, vanlha ta elhenek aktemakha aplengai'a aniem'o Eniapom Neten apaivoma, eleltennaksek hata nhan akmak'akha ta nkovak qaselha apmaniaie ketlhengkap.

Apocalipsis 22:17

Espíritu ka nhan ngkelvana nema akmahai'akha, lhta ntangkok ma'a: —¡Elheng! —lhta ntangkok ma'a. Koka aplhamakho apkellelto apkellengai'a ania'a nak ntasek etnangkok na hengke'e: —¡Elheng! Koka enenlhet apkellelto la aliemai'a apiaspo'ok ntase eliangvetak iemmen hengke'e akto akiennaktema enneniek metka akianmoma.

Hechos 15:7

Avanhek na ntemak apkellatemommap ma'a, ka apkenmekho lhnak neten Pedro, lhnak aptemak: —Elialheng'a, apkeliavek ketlhengkap Eniapom Neten apto heliekieskama lhennenga kakpota altennama ania'a aktaqmanma apieseksek metnangko nak judios kakpota meliaskamek ma'a.

Hechos 13:4

Netamen nak apketlhengamo apkenmaiangko Seleucia aniem'o Espíritu Santo apkeleltennaskama. Apkelkanetvaiakmo nhan loma nemmen akiavai'a m'a, apkenmaiangko m'a apkel·halhtepelhketmo iemmen akvakmo akiakiengveiam lhepop akhalhiengkaiam iemmen akvesai'a Chipre.

Hechos 13:2

Lhema knem na ntemak ma'a apkeliavenkaskesaiangka lhnak apvesai'a Apveske kakpota nhan apkellakhaskesammakpok mek, koka lhna aptemak apkellanemo Espíritu Santo m'a: —Heliekieskasamo ta Bernabe kakpota nhan Saulo, allangko ta apkenmakmekama —lhna aptemak.

Hechos 1:15

Lhema knem na ntemak ma'a, apkelpaqmetkeskamo Pedro m'a apkellelto apkelialheng'a m'a, apkaknekhek nak malha 120 enenlhet'avok ma'a, lhna aptemak apkellanemo:

Hechos 11:13

Hengelleltennasema lhta ania'a apvetai'a lhema ángel ma'a, lhna lhta aptemak apkanemo m'a: "Ellapes hata enenlhet natemma akieto Jope kakpota eliantementak Simon mo'ok nema altema Pedro,

Hechos 28:15

Apkelleng'a lhta ania'a apkellelto engelialheng'a m'a nelvaiam ma'a, ka hengellanielhakmo lhta akieto nenmak'akha angelvomok iokhalhma Foro Apio kakpota nhan Tres Tabernas. Mpaihakhek lhta apvalhok Pablo apkelvet'o m'a, ka apto gracias Eniapom Neten, apiennakho nhan ma'a.