Hechos 10:2 - Nuevo Testamento Toba Maskoy

² Apiamolhma lhnak ma'a, apkai'o lhnak na Eniapom neten ma'a akvekho apkennemolhema apketkak. Apkellaiangko nha mota patakkom apankok apkelpasmomo Judios, apkenmalhnonkoma mota nhan Eniapom Neten.

Hechos 10:2 Referans Kwoze

Hechos 10:4

Mang nak enieskamak apkelanei'o Cornelio ángel, apkai'ak nak ma'a, ka apkenmalhneiangka lhnak ma'a, lhna aptemak: —¿Se ptenio ie Apveske? —lhna aptemak. Koka lhna aptemak mokhom ángel: —Apkailhave mota apkenmalhnonkoma Eniapom Neten lheiap, apketsevasavek na apkelpasmomo lheiap enenlhet anak metka apkeletsekama.

Hechos 10:22

Ka apkellatemmoiangka lhnak enenlhet, lhna aptaiangkok: —Capitan Cornelio lhta hengellapaskama ennengko'o apkeltemo angeliama lheiap kakpota etlhekmoskakhak ma'a. Apto nak enenlhet apeivomo m'a, apkeliehekho nhan Eniapom Neten, enenlhet'avok judios avanhek ankek apketlheianma mota apiamolhma apankek ma'a Cornelio. Ka nkeniemai'ak ma'a apakmetkeskamo lhna lhta lhema ángel apokkenammap kakpota hengellapaksek ennengko'o hengke'e —lhna aptaiangkok ma'a.

Hechos 13:16

Ka apkenmekho lhnak neten Pablo napaqtave enenlhet'avok, apiasekho lhnak neten apmek apkeltemo elvanmak enenlhet'avok ma'a, lhnak aptemak: —Ellailhonoho ko Israel kakpota nhan ketlhengkap metnangko nak judios apkellelto apkellai'o Eniapom Neten.

Hechos 10:35

apto nhan ma'a apkellamelaiam enenlhet lhamakho apkellavakha apkellelto apkellai'o kakpota nhan apkellanai'a nak qaselha akpeivomo.

Hechos 10:7

Ka aptaqhemo lhnak ángel ma'a, apkaqhetaiangka lhnak na apkellaveiangka Cornelio apqanet apkellennengkasekama kakpota nhan lhema soldado apankok apiamolhma apanke.

Hechos 8:2

Moklhem'a enenlhet nak na apkelleliehekho mota Eniapom Neten apkenmaiangko aphapak apketsepma Esteban ma'a, apkelkatonnemo nhan, avanhek ankek nak apkeliapqalhema m'a.

Apocalipsis 15:4

Ellahok hata mota enenlhet'avok lheiap Apveske, eliavenkaskesok hata nhan apvesai'a ngkanek apto Apokkenammap memangveiam ngkolatsekama, lhamakho apkellavakha lhmankek ham elelhiemok hata apnakha lheiap kakpota elteklhengkok aptapno'ok napaqtek ma'a aniem'o apkellai'o, ngkanek apkelvetai'ak akpeivomo qaselha apkelanai'a mota lheiap —lhta aptangkok apkennekmasengko m'a.

Hechos 18:8

Apkemhama apmanie nemaknekhelha apvesai'a Crispo kakpota nhan apketkak mang nak na eliaskeiakmok Apveske, kakpota nhan mantek enenlhet'avok ko Corinto, ka aknemo lhnak na allavkesaiangko konne iemmen ma'a.

Hechos 13:26

Ellailho ketlhengkap elialheng'a Abraham aptavana'ak neptamen kakpota nhan ketlhengkap metnangko nak judios apkellelto apkellai'o nak Eniapom Neten, ka ania'a nak akto hengvongkeskama tep nenlhamakho.

Lucas 2:25

Apnengkek nak ma'a lhema enenlhet apvesai'a Simeon, apeivomo lhnak ma'a, apkeliehekho lhna mota Eniapom Neten. Avanhek ankek nak apkel·halhanma ngkolhek hata alpaieskeskakmo apvalho'ok ko Israel, Espíritu Santo lhna songke mota aplhelhma m'a Simeon.

Santiago 1:5

Koka moklhem'a la ketlhengkap metka apkeliangveiakmo, ntasek elelmalhnama mota Eniapom Neten ngkanek apto nhan ma'a akleklemo mota apvalhok hengankok qaselha, metnak na hentaqheskamo la'a.

1 Tesalonicenses 5:17

elelmalhnamok na metka nnelha.

Colosenses 4:2

Elelmalhna mota metka nnelha Eniapom Neten, elelketnama ta nhan kakpota nhan etnangkok gracias Eniapom Neten.

Hechos 22:12

Apne lhta m'a lhema enenlhet apvesai'a Ananias, apiave panke lhta lhma, apkeliehekho lhta mota ley Moises, apketlheianme lhta mota enenlhet ko Damasco apiamolhma m'a.

Hechos 13:50

Koka apkellelto judios apkelentennaskekho lhnak meliamolhma Pablo kakpota nhan Bernabe naqtavek ngkelvana'ak aliamolhma, ngkeskama alletsekama nhan ma'a. Napaqtavek na apkelemhama apmaniaie' neten apankavek akieto apiav'akha temma nak, knemo nhan alentepkeskamo iokhalhma nak ma'a.

Hechos 10:31

lhta aptak heiano: "Cornelio, apneng'ak lheiap apkenmalhnonkoma Eniapom Neten, apvet'ak na apkelpasmoma metka nak apkeletsekama.

Hechos 9:36

Nnengkek nak ma'a akieto na temma Jope lhema ngkelvana nema altameskama akvesai'a Tabita, nemaltema koka Dorcas griego apaivoma, vanlha lhnak alanai'a aktaqmanma kakpota nhan alpasmoma metka nak apkeletsekama.

Hechos 9:31

Metka akmaska lhna ntemak apkakhaikamok ma'a apkellelto iglesias akieto iokhalhma Judea, Galilea, kakpota nhan Samaria. Ntepeiangkek nak apkeliangveiakmo aptemakha Eniapom Neten, aplhameiangkek nak enenlhet ma'a aniem'o apkelpasmoma Espíritu Santo, apkellai'avek na mota Apveske m'a.

Hechos 9:11

Lhna aptemak mokhom Apveske: —Eniakha ta amai apvalhok temma nak ma'a akvesai'a Akiennakha apnemakha Judas, eliama ta m'a lhema enenlhet apvesai'a Saulo ko Tarso, apkenmalhnakkek kolhvave nak ma'a.

Lucas 18:1

Apketlhekmoskangkek nak Jesús apkeltamesaikamok aktemakha mota nenmalhnongkoma metka nenhalhemmalhka, lhna aptema Jesús lhema apietkeskama:

Hechos 2:5

Apkakhaiangkek nak na m'a akieto Jerusalen judios apankavek apkellamelaiam Eniapom Neten apkelleniem'o m'a lhamakho apkellavakha lhmankek ham, apkelpaqmeteiangka lhnak mo'ok aktemakha apkelpaqmeiasma

Hechos 11:14

hata etlhekmoksek ma'a aktemakha apvongkasemmap tep lheiap kakpota nhan apkennemolhema apketkak", lhna lhta aptemak apkanemo ángel.