Hechos 10:1 - Nuevo Testamento Toba Maskoy

¹ Apnengkek nak lhema enenlhet natemma Cesarea apvesai'a Cornelio, capitan nak ma'a apto nhan aplaqlekama kempokhakme apkelvesai'a Italiano.

Hechos 10:1 Referans Kwoze

Hechos 27:1

Netamen ma'a, apkellelto apkelemhama apmaniaie apkenmak'o lhta hengellapaksek ma'a akieto Italia lhema loma nemmen akiavai'a. Apkellangkongvakme lhta nhan ma'a Pablo kakpota nhan apnaqtemommap lhemek lhema capitan apvesai'a lhta Julio, apveske lhta nhan ma'a kempokhakme apankok Cesar.

Hechos 8:40

Koka apvekho lhnak akpelapkeskama nkek Felipe natemma Azoto, aplhengo mokhom akvakho natemma Cesarea, lhamakho temma amai aktakha la apkeliekaikamok apaiesaiangko lhnak ania'a aktaqmanma.

Hechos 27:43

Koka capitan ma lhta eltok ngkolhek annapo m'a, ngkanek apkeltave lhta evongkesek tep Pablo. Ka apkelto lhta ennelhtong nemmen apmaniaie apkenmopvanka'a la enmankok iemmen, kakpota enmankok akiemak'akha lhma neiava iemmen.

Hechos 25:1

Aptemo lhnak aphalhnankok gobernador apvesai'a Festo akieto m'a natemma Cesarea, hanetolhem'a aknem na ntemak ma'a apmeiekho lhnak Jerusalen.

Hechos 27:31

Apvetangke lhta Pablo m'a apkenmak'akha etnangkok niekhe, lhta aptak Pablo apkellano kempokhakme kakpota nhan capitan apankok ma'a, lhta aptak: —Ka apkeniangko la apkenmakmekama nak loma nemmen, melvomek tep ketlhengkap —lhta aptak apkellano.

Hechos 25:13

Moklhem'a aknem nak niekai'ak ma'a, alvekho lhnak ma'a apiav'akha apveske Agripa kakpota nhan ngkelvana akvesai'a Berenice akieto natemma Cesarea kakpota nkotnangkok amaika'a gobernador Festo.

Hechos 23:33

Ka apkelvaiakmo lhna lhta ma'a na temma Cesarea, apkellangkongvaiakmo nhan Pablo Felix ma'a, apkellaiangko nhan vakkahak aktalhesammalhka.

Hechos 23:23

Ka apkellaveiangka lhna lhta apveske apanke apqanet apveske apkeltetekamok ma'a, lhna lhta aptemak: —Elpeneso ta 200 soldados apketlhengama nalhepop, kakpota nhan 70 soldados akieplomo etanlheng apkelkanantema, kakpota nhan 200 soldados heva apmeio'ok. Elpeneskaso ta nhan lhema etanlheng apkanantema Pablo kakpota eliantemekhak ma'a Cesarea napaqtek gobernador Felix. Ellanama ta kakpota menaqtevaksek apkellammelhmakha la m'a, la 9 pelhasep hata etlhong nahan —lhna lhta aptemak ma'a.

Hechos 22:25

Apkelpeneskangkek nak apnaktetema Pablo m'a, ka apkenmahai'o lhnak eleliaqpelhketama etekpong Pablo m'a, koka lhna aptemak Pablo: —¡Ellaielh sekhe! Romano ko'o, mangkoltemok ley heltekpoma metka nema heiekpelkema ko'o —lhna lhta aptemak Pablo.

Hechos 21:8

Mo'ok aknem alhta ntak ma'a, netlhengo akvakho natemma Cesarea, ka nentangko lhta nhan amaika'a apnemakha Felipe. Apto lhta evangelista m'a, apto lhta nhan lhema aphapak apieseksek 7 apketlhelhma'ak, vanlha lhta mota apkelpasmekama m'a nema alapaskamo apkenmakmekama lheme.

Juan 18:12

Kolhvave lhta apkelpathetak Jesús soldados kakpota nhan apkellanekama Eniapom Neten apnemakha, ka apkennakteto nhan apmeio'ok ma'a.

Lucas 7:2

Aplomaka lhnak ma'a lhema capitan romano, nemmaskema lhnak ngkaqhemak apkennengkasekama m'a, nkaikama lhnak apketsepma m'a. Avanhek ankek nak apkamelaiam apkennengkasekama capitan ma'a.

Marcos 15:16

Netamen nak ma'a apkeliantemekho lhnak soldados Jesús ma'a akieto avhak pa'at akvesai'a pretorio, apkellaveiangka lhnak na ma' apkeltemo lheme'.

Hechos 10:24

Mo'ok aknem na ntemak ma'a, apkelvekho natemma Cesarea, apkellailhengkek noka Cornelio m'a, apkankesekhek nak na apaivomolhema kakpota nhan apkeliekpelkemelha nengaqtek ankavek ma'a.

Hechos 21:31

Ketse' lhta nkaimelhka apkellaqhemakha Pablo m'a, nietave lhta nhan apleng'o ania'a apveske apankok soldados romanos akteiapma akmaska akieto Jerusalen.