Hechos 1:3 - Nuevo Testamento Toba Maskoy

³ Apketsepmek nak Jesús ma'a koka netamen aplhatekhangveiakmo lhnak mokhom ma'a, 40 knem nak ngvaiakmok apkaniemhaikama mokhom apieseksek apkelapaskamo apanko'ok ma'a. Apkeleltennaseiangka lhna mota aktemakha aptema apveske Eniapom Neten, apkellanei'o nhan nkeskama qaselha kakpota elvetaskesangkok akto have niapak anke aplhatekhangveiakmo mokhom apieseksek apkenmaskengvaiakmo.

Hechos 1:3 Referans Kwoze

Hechos 13:31

Nlhamakmek nak na knem apvetaskesammakpo lhnak na napaqtavek apkellelto apketlhelhma'ak apkenmeiekho apkelempai'o Galilea akvakho Jerusalen, koka kolhvave nak ma'a apkelpaieskek ania'a aktemakha aplhenammap Jesús napaqtavek enenlhet'avok.

Juan 20:26

Netamen ocho knem alhta nieka'ak ma'a, apkaknakho lhta mokhom apkeltamesaikamok Jesús lhema konne pa'at, Tomas alhta nhan kolhva m'a, apkellapakhave lhta mokhom atong ma'a. Koka aptalhne lhta Jesús konne m'a apkenenvakme lhta apieseksek ma'a, lhta aptak apkellano: —¡Altaqmelaikama apvalho'ok hata ketlhengkap hengke'e! —lhta aptak.

1 Juan 1:1

Ka vakkahak anak nennaktalheskama aktemakha aklheianma apto nak ma'a Apaivoma hengaikamok akiennaktema enneniek, ka Apaivoma nak apnengkek tep nak nanek nemakha sekha allanei'o lhamakho qaselha lhmankek ham, nelvetai'a enganke lhta nhan ennengko'o m'a, nellengai'a lhta nhan akvakmo hengelmangvei'o lhta nhan ennengko'o m'a, have niapak ankek ma'a.

Juan 21:14

Koka hengka hanetolhem'a lhta ntak aktaiekho apteiapvai'a napaqtavek apkeltamesaikamok Jesús netamen aplhatekhangveiam apieseksek apkenmaskengvaiakmo m'a.

Juan 21:1

Netamen alhta mokhom ma'a, apvetaskesakpo mokhom Jesús apkeltamesaikamok akieto nekha alvata Tiberias, aleltennasama ta nhan ania'a aktemakha lhta akvetammalhka m'a.

Hechos 28:31

Ma lhta nhan eniai'ak Pablo apkeltennaiangka mota ania'a aktemakha aptema Apveske Eniapom Neten ma'a kakpota nhan apketlhekmoskamo ania'a apveske Jesucristo, mamma lhta nhan alaptenkaseiangka apkeltennaiangka Pablo m'a.

Colosenses 1:13

Hai, Eniapom Neten hengel·hatsoskekhek ma'a neksa akmovana lhta ienaqtesakha lhma, hengeltemeskeskamo lhta nhan apkennemolhema m'a tekhenlhet'ok apveske apketka apkamelaiam ma'a,

Romanos 14:17

Koka akieto nak aptemakha apveske Eniapom Neten, mamma nema hengaskama m'a aktemakha anto'ok, kanhan neniama. Koka m'a akto neten ankek akiaspommalhka anteniangkok nentaikamok nelpeivomo, altaqmelaikama engvalho'ok kakpota nhan akpaihekha engvalho'ok aniem'o Espíritu Santo.

Marcos 16:19

Apsavhomo lhnak aktemakha apkeleltennasekama Apveske m'a, ka aknemo lhnak akiantemekho neten ma'a, apnekho nhan akiennakha apoktong Eniapom Neten.

Hechos 8:12

Koka netamen ma'a akvekho lhnak meliaskeiam Felipe aplheianmo aktemakha ania'a aktaqmanma aptema apveske Eniapom Neten kakpota nhan apvesai'a Jesucristo, ka apkeleltemo lhnak ngkolhek allavkesangko konne iemmen ma'a apkelennava'ak kakpota nhan ngkelvana'ak.

Hechos 19:8

Hanetolhema pelten nak ngvaiakmok apmeiekha mota apkaqnekhelha judios Pablo m'a, metka apkai'a lhnak na apkellatemommap ma'a aktemakha aptema apveske Eniapom Neten. Apkeliaikama lhnak aptemakha kakpota nkollekvomok apvalho'ok enenlhet'avok, meliaskamek nahan.

Hechos 28:23

Ka apkelpekkeno lhta lhema aknem eniaqnekhak hata mokhom ma'a. Ma lhta ntek enenlhet'avok apkenmeioiam apnakha nhan Pablo m'a apkenmahai'a ellailhok ma'a. Sosekhe anke lhta apkempak apkeltennaikama Pablo m'a akvakho ienaqteso ania'a aktemakha aptema apveske Eniapom Neten. Ka apkelpeiveskasakho lhta nhan ley Moises kakpota nhan vakkahak apnaktalheskama apkeleltennasemmap ania'a annenga aktemakha aplhenammap Jesús.