Hebreos 9:11 - Nuevo Testamento Toba Maskoy

¹¹ Ngvai'ak koka aktema nnelha m'a nenvanlha nak aniem'o apvai'o m'a Cristo aptemo nhan apiav'akha sacerdote kakpota lhema aktema etsantak na lhamakho qaselha altaqmanma aksavhommalhko nkek ma'a, mankaimelhkak mokhom ma'a. Ka ngkanek aptalhnengvekhek konne malha niekhe akpaklhenammalhka nak kaselha aiempek akto nhan neten ankek aktaqmanma m'a, have enenlhet apankavek apkellanai'a m'a.

Hebreos 9:11 Referans Kwoze

2 Corintios 5:1

Neniokha nak malha lhema la pa'at akmaskengvaiam anak. Koka aktevaselhko la m'a, neliavek koka nhan ennengko'o hengellangkok hata Eniapom Neten mo'ok neliokha m'a mankomovana nhan nkomaskengvomok akieto neten, malha nhan pa'at la m'a have kto nak apkelanai'a nak enenlhet.

Hebreos 10:1

Ley anak Moises iama aktaqmanma m'a, mangkolhnok qaselha altaqmelo aplheianmo lhnak nanek Eniapom Neten hengellangkok hata. Koka ley anak ma'a akvesai'a alietkesammalhka, ka ngkanek mankavankek nkotneskesangkok apkeliamolhma apankavek apkellelto nak apkenmeiekha mota lhamakho iantelhkapa apkellangkongvekha mota kaselha apnaqtoskama apkennapekamok Eniapom Neten ma'a.

Marcos 14:58

—Nenleng'a lhta ennengko'o apaivoma Jesús, apmahai'a etvaksek Eniapom Neten apnemakha nak nellanai'a lhta nengelelto enenlhet apankave nak. Netamen hanetolhema aknem alhta nhan aplhenak epenaksek apkelanekha alhnankok ma'a, metka apkelpasmoma enenlhet'avok —lhna aptaiangkok ma'a.

1 Juan 5:20

Nengeliavek na apvai'o lhta Eniapom Neten Apketka, hengellangkongvai'o lhta nhan aknema nengeliamo kakpota angeliekpelkangvomok ma'a apto have niapak anke nak niapom, nelpasmekhek na ennengko'o m'a aniem'o apketka Jesucristo. Koka apto Eniapom Neten, apto nha niapom have niapak anke, hengaikamok na akiennaktema enneniek nkotnengvaianlha nnelha.

Hebreos 2:17

Nkaimommalhke lhtoka etnekhak sekhek enenlhet apankek elhnesakpok na apkelialheng'a, nkaimommalhke lhta nhan enietsepok apkeliaqmoiekha la m'a kakpota etnek apiav'akha sacerdote. Apkelietnai'o lhta nhan napaqta'a enenlhet'avok, apkeliehekho nhan Eniapom Neten neksa apkasennaikama m'a. Apiephongveiakmo nhan kakpota nkolhek na altemeskesangkankek apkellanekamok ngkollatsekama enenlhet'avok lhmankek ham.

Hechos 7:48

Koka neliavek ennengko'o apto apnema nak netne kankoie melhek akieto konne akpaklhenammalhka kaselha aiempek apto enenlhet apaklhanma m'a. Ka aktemo nak na aklheianma vakkahak aptalheskama apkeltennasemmap ania'a:

2 Juan 1:7

Ka ngkanek ko'o asto lhkek askellano, mantek hengeliennengkeskama niapma'ak apkenmaikamok lhmankek ham, mankonmak'ak na etlhenek apvai'o Jesucristo hengke'e, aptaiekho nhan enenlhet apanke'. ¡Hengeliennengkeskama niapma'ak ma'a, apkellammelhma nhan Cristo!

Hebreos 3:1

Ketlhengkap elialheng'a, apkelpokkanma, apkellavekama lhta nhan Eniapom Neten, ka nkeniemai'ak ntasek nkolietnama apaqto'ok amota aptemakha lhta Cristo Jesús. Netlheianmo na mota ennengko'o apto apkapaskama Eniapom Neten kakpota nhan apto apiav'akha sacerdote m'a.

Juan 4:25

Koka lhna lhta ntemak mokhom ngkelvana: —Asiavek ko evak hata Mesias, mo'ok nema ltema Cristo, hata hengelpeiveskasekha lhamakho qaselha m'a —lhna lhta ntemak.

Juan 1:14

Apaivoma nak aktaiekho lhnak enenlhet apanke, apnengke lhta nhan nenieseksa ennengko'o m'a. Nelvetai'a lhta nhan apmopvana ka nhan apientalhnemo ngkanek apto lhta vanlha lhema Eniapom Neten Apketka m'a, akiavai'a nke lhta hengamelaiakmo kanhan akto iokhalhmek ankek ma'a.

Hebreos 7:1

Koka Melquisedec nak nanek apto apiav'akha apveske akieto m'a Salem, aptemo lhnak nanek na sacerdote apkasennaikama Eniapom Neten apto apnema netne kanke nak. Apteiapmo apkellanielhaiangko lhnak Abraham kakpota emok takha m'a, apkaiangko lhnak na lhema apaivoma aktaqmanma apkeltemo nkotiepok apkaniemhaikama Abraham ngkanek apkeltemeskesekho koneng apkennapommap apkeliav'akha apkelveskaie'.

Hebreos 4:15

Ka apiav'akha sacerdote nak ma'a apvankek elietnahok nengaqta'a ennengko'o neksa mongeliennaktema la'a, ngkanek apvetai'a lhta apmanie akiepkonma m'a, nnavek ennengko'o kolhvave nak, koka m'a melanai'ak qaselha ngkolatsekama la m'a.

Colosenses 2:11

Neksa apkelpasmekha Cristo ketlhengkap, Eniapom Neten malha apkeliaqtemenkasekamok nekha tkok apiempeiok meliamolhma aniem'o Cristo, koka mok aktema m'a enenlhet apankave nak judios apkeliaqtemenaikamo nak nekhatkok apkellammelhakha.

2 Corintios 4:18

Ka nkanek mangelammelhek neksa nellengaiangko akientalhnema nalhepop anak ngkanek nkomaskengvomok hata m'a, ntasek koka aniavenkasok atlhenaikama engelvalho'ok qaselha mongelvet'o mokhom, koka neliavek have niapak ankek nkovak hata m'a, mankomaskengvomek hata nhan ma'a.

Hebreos 12:27

Koka aktemakha nak aplheianma m'a el·hatsoksek hata qaselha akmovana nak ngkomaskengvomok aiseksek apkelentepkeskama lhta, nkolhnangkongvakhak hata m'a aknaiangkolha qaselha mangkomovana ngkomaskengvomok.

Hebreos 13:14

Ngkanek nengavakha nak hengke'e nalhepop anak nkomaskengvomok hata m'a, nkelatseskaskek engelvalhok ennengko'o apiav'akha temma ta m'a.